~When our eyes met, I look at you because I want you to see my feeling~
"သား... အစောကြီးပြန်ရောက်လာတာပဲ"
"ဟုတ်ကဲ့အမေလေး"
"သားအပေါ်တက်တော့မယ်နော်"
"အေးအေး..သား"
ရည်မွန်အိမ်ပြန်ရောက်ရောက်ချင်း လူကတော်တော်လေးငိုက်တောနဲ့ တစ်ကိုယ်လုံးကိုအိပ်ရာထဲပစ်လှဲချလိုက်သည်။ တစ်ရေးနိုးတော့ အချိန်တော်တော်လေးတောင် လင့်နေပြီ။ ရေမိုးချိုးညစာစားပြီး ခြံထဲလေညင်းခံဖို့ထွက်လာရင်း ဂိုထောင်ဘက်ကနေ အသံတစ်ခုကိုရှင်းရှင်းလင်းလင်းကြားလိုက်ရသည်။ တော်တော်တော့မှောင်နေပြီမို့ နည်းနည်းလေးလန့်စရာဖြစ်နေပေမယ့် အနားတိုးပြီးသွားကြည့်ဖို့ လုပ်လိုက်သည်။
'"ညောင်...."'
ဒါပေမယ့် ရည်မွန်မြင်လိုက်ရတာက ကြောင်တစ်ကောင်ဖြစ်နေသည်။ ခြံဝန်းဂိုထောင်ရဲ့တံခါးရှေ့မှာ မိန့်မိန့်ကြီးရှိနေသည်။ ကြောင်လေးက အဝါရောင်တောက်တောက် အမွှေးပွပွလေးနဲ့မို့ ချစ်စရာလေး။
'"ညောင်"'
"မင်းဘယ်ကနေမျက်စိလည်လမ်းမှားပြီးရောက်လာတာတုန်း။ တစ်ကိုယ်လုံးလည်းပေတူးနေတာပဲ။ နည်းနည်းလေးမှချစ်ဖို့မကောင်းဘူး"
ကြောင်ကို သူကောက်ပွေ့ချီလိုက်သည်။ ပြီးတော့ လူတစ်ယောက်ကိုစကားပြောနေသလို တရစပ်ပြောနေမိသည်။ ဒီလိုနဲ့ မရောက်ဖြစ်တာကြာတဲ့ ဂိုထောင်အဟောင်းရှေ့ကို သူပြန်ပြီးရောက်လာခဲ့သည်။
"မင်းကငါ့ကိုဒီရောက်အောင်ခေါ်လိုက်တာပဲ။ ဒီကိုတကူးတကမလာဖြစ်တာတောင်ကြာပြီ"
ဂိုထောင်အခန်းတံခါးဖွင့်လိုက်တော့ ဖုန်တွေအလိမ်းလိမ်းနဲ့ လူမရောက်ဖြစ်တာကြာမှန်းသိသာလှသည်။ အမေ့အသုံးအဆောင်တွေ၊ အမေတန်ဖိုးထားတဲ့ပစ္စည်းလေးတွေကို တော်တော်ကြာမှပြန်တွေ့လိုက်ရတော့ အမေရှိနေသေးတယ်လို့တောင် ရည်မွန်ခံစားရသည်။ ငယ်ငယ်ကလိုမျက်ရည်ပေါက်ပေါက်ကျပြီး ငိုမနေမိတော့ပေမယ့် အခုထိဝမ်းနည်းမှုကတော့ ပျောက်ကွယ်မသွားသေးဘူး။
YOU ARE READING
Rain💛Moon (Completed)
Romance"I LOVE YOU" If the eyes do not admire, the heart will not desire~💛 Rose Thornless_အဲ့ဒီပန်းလေးရဲ့အဓိပ္ပါယ်ကမြင်မြင်ချင်းအချစ်တဲ့။ (မင်းလေးရဲ့စာအုပ်ကြားမှာညှပ်ထားတဲ့ပန်းလေးတစ်ပွင့်ရဲ့အဓိပ္ပါယ်ကကိုယ့်ရဲ့အချစ်ကိုကိုယ်စားပြုတာပဲ)။ မြင်မြင်ချင်းအချစ်ကခ...
