💕أنت قلبي٢💕

الحلقة ١٠١

#انت_قلبي٢
#بوسي_مصطفى
______________
الحلقة (١٠١)

في المطعم...
فريدة : خلاص يا كريم مضايقش نفسك بقى.
كريم : يا حبيبتي أنا مش مضايق بس معرفش ليه صعبانه عليه.
فريدة : يا حبيبي أنت كنت عامل كل دا علشان تساعدهم ممكن برضه تساعدهم من غير ما تيجي عندنا البيت و طنط هنحاول نقنعها تيجي تعيش معانا و اهو ناخد بالنا منها و نراعيها.
كريم : ماما أنتِ عارفها يا فريدة مش هتوافق ما جربنا قبل كده و منفعش..
فريدة تنظر الناحية التانية بإبتسامة.
تقوم مليكة اللي كانت قاعدة على طربيزة قريبة منهم.
فريدة كمان تقوم تسلم عليها.
فريدة : ازيك يا ملوكه اخبارك ايه يا حبيبتي ؟؟
مليكة : الحمد لله
ازيك يا طنط ازي حضرتك يا دكتور..
كريم : الحمد لله
ايه جايه لوحدك و لا ايه؟؟
مليكة : لأ جايه أنا و سيف.
فريدة : امال هو فين؟؟
مليكة بتتلفت و بإبتسامة : اهو جه أهو.
يقوم كريم يسلم على سيف و يعزمه يقعد معاهم يعتذر سيف و يرجع هو و مليكة يقعدوا على نفس الطربيزة..
مليكة : كل دي مكالمة يا سيف؟!
دا أنا كنت خلاص بفكر أرجع البيت.
سيف : اعمل ايه في نادين رغايه رغي مسبتنيش غير أما اخدت مني وعد إن في نص ساعة أكون عندها.
مليكة : ايه دا يعني هنمشي؟!
سيف : لا طبعاً هنقعد ناكل براحتنا أنا قولتلها نص ساعة أو ساعة بالكتير يلا شوفي هتطلبي ايه.
مليكة : ما أنا طلبت خلاص.
سيف ببتسامة : مبتضيعيش وقت اشوف انا ايه اللي موجود في المنيو.
مليكة : متتعبش نفسك أنا طلبتلك معايا.
سيف : هههههههههههه كتر خيرك
يا ترى طلبتلنا ايه بقى؟
كريم يشاور لسيف و يخرج مع فريدة.
مليكة : محترم اوي دكتور كريم.
سيف : اه.
مليكة : و كمان طنط فريدة عارف هما لايقين جدا على
بعض زيي أنا و أنت كده.
سيف : اه.... اه.
مليكة : أنت مشغول في ايه؟
سيف : حمزة عمال يتصل و أنا بكنسل.
مليكة : طب ما ترد عليه.
سيف : جعان و مش قادر أتكلم و دا هيرفهندي أكتر.
مليكة ببتسامة : اهو الأكل جه اهو.
سيف بيشمر كم القميص.
مليكة : ياااه دا أنت جعان اوي.
سيف : هههههههههههه
دي معايره و لا حنيه بقى علشان ابقى عارف؟!
مليكة ببتسامة : أصل أنا كمان جعانه اوي.
سيف : هههههههههههه طب خلي الورد دا عندك كده.
مليكة : هاكله دا و لا ايه؟!
سيف : لا علشان أنا اللي هأكلك.
مليكة : اوك يا خوفي تاكل لوحدك.
سيف : هههههههههههه لا متخافيش.
_______________

في التليفون📞
إنتصار : عملية ايه؟؟؟
رقيه : طمنيني يا تيته مامي قالتلك ايه؟؟
إنتصار : يا بنتي استني مش سامعه حاجه اقفل التليفزيون
دا يا مروان.
رقيه : خلي عندك دم و اقفل التليفزيون اللي عندك ده.
مروان : حاضر اهو التليفزيون اتقفل.
إنتصار : الزايده؟؟؟
طيب يا بنتي ابقى طمنينا لما تخرج.
رقيه : زايدة ايه يا تيته هي قسمت هتعمل عملية بجد؟؟
إنتصار : اه مامتك اللي بتقول.

مروان : هي العملية دي بسيطه مش كده يا تيته.
إنتصار : إدعي إن اختك تقوم بالسلامة.
مروان : أنا رايحلهم.
إنتصار : هتروح فين اقعد هنا معانا.
رقيه : و أنت تعرف المستشفى اصلا.
مروان : هي في المستشفى؟؟
رقيه : امال يعني العملية هتتعمل فين استنى بقى أما أكلم مامي اشوفهم فين؟؟
بتتصل رقيه : مفيش رد.
إنتصار : محدش فاضي يرد على التليفون دلوقت استنوا شوية يمكن حد يتصل يطمنا.
_______________