💖ကိုကိုရဲ့အချစ်ခံလူသား 💖(Complete)

🍎Final. 1🍎

Unicode
Zawgyi
.
.
.
၇ လခန့်ကြာသောအခါ

ကိုကိုအလုပ်ထဲပြန်ဝင်နေပြီဖြစ်သလို
ယံယံလည်းOrderပြန်လက်ခံနေပြီ။

နှစ်ယောက်လုံးကအလုပ်နဲ့မို့ တစ်ခါတလေ သားသားလေးကိုကုမ္ပဏီခေါ်သွားရသည်။

ဝန်ထမ်းတွေကလည်း သားသားလေးကိုဝိုင်းချစ်လို့မဆုံးနိုင်တော့။

ဇွဲဇွဲလေး ဇွဲဇွဲလေး ဆိုပြီးအားလုံးရဲ့ပါးစပ်ထဲနေရာယူထားသည်အထိ သားသားလေးက လူတကာရဲ့အချစ်ကိုရယူနိုင်သူဖြစ်သည်။

သားသားလေးရဲ့နာမည်အပြည့်စုံသည်
ဇွဲသက်တန့် ဖြစ်၍အားလုံးကတော့
ဇွဲဇွဲလေး လို့သာခေါ်ကြသည်။

ဒေါ်လေးကတော့ လွန်ခဲ့တဲ့ငါးရက်တုန်းက ဆုံးသွားခဲ့ရှာပြီ။

ဒေါ်လေးတဖြည်းဖြည်းပိန်သွားတာကို
ယံယံတို့သတိထားမိသည့်နေ့မှစ၍ နေ့တိုင်း ဆေးရုံဆေးခန်းသွားပြပေးသော်လည်းအရာရာအားလုံးက နောက်ကျသွားခဲ့ပြီ။

ဘယ်လောက်ပင်ပိုက်ဆံအများကြီးပေးနိုင်ပေမယ့် ဆရာဝန်တွေလက်လျှော့သွားပြီဆိုရင် သဘောပေါက်ရတော့မှာပဲ။

ကိုယ်ဝန် ခဏခဏပျက်ကျတဲ့ဒဏ်ကိုခံခဲ့ရတဲ့ မိန်းမသားတစ်ယောက်
ကိုယ်ဝန်သည်တစ်ယောက်ရဲ့လိုအပ်တဲ့အာဟာရတွေ လုံးဝမရှိတဲ့မိန်းမသားတစ်ယောက်
အနားမှာဘယ်သူမှရှိမနေလို့ ကိုယ်ဝန်ပျက်ကျနေချိန် သွေးသွန်မှုကိုပြင်းပြင်းထန်ထန်ခံနေရတဲ့မိန်းမသားတစ်ယောက်
အကူညီမဲ့နေ၍ဘာဆေးဝါးကုသမှုမှမရခဲ့တဲ့မိန်းမသားတစ်ယောက်

တစ်ကိုယ်လုံးကို CTရိုက်ကြည့်လိုက်တော့
ဆရာဝန်ကအရာအားလုံးနောက်ကျသွားခဲ့သည်ပြော၏။

သားအိမ်နေရာ၌ပြည်တည်နေပြီး ဆီးသွားရင် သွေးအမြဲပါတတ်သည်။

ဆီးပိုးရှိနေသည့်အပြင် သွေးတွေကလည်းမသန့်တော့ဘဲ အညိုရောင်ပြောင်းချင်လာပြီ။

ဒါကို လွန်ခဲ့တဲ့ တစ်နှစ်ကျော်ကျော်နှစ်နှစ်
ကကုသမှုခံယူခဲ့ရင် ကလေးမမွေးနိုင်တော့တာကလွှဲလို့ ကျန်တာအဆင်သွားပြေလိမ့််မည်ဆိုပြီးဆရာဝန်ကပြောပေမယ့် ထိုအချိန်မှာဒေါ်လေးအနားယံယံမှရှိမနေဘဲ။