في المستشفى
كله واقف ومحمد عمال يلف والقلق بينهش في قلبه وعز بيحاول يهديه فجاة سمعوا صوت عياط عالي لطفل وكله فرح وباركوا لمحمد اللي كان بيحمد ربه.
الممرضة خرجت وهي شايلة ابن محمد ومريم.
الممرضة: اتفضل يتربى في عزك.
محمد اخده منها وشاله وهو حاسس بحاجة جديدة جواه وفرحة محسش زيها.. كله واقف حواليه وبيبصوا عليه.
محمد بلهفة: مريم فين؟
الممرضة: المدام جوا وتقدر تدخلها تطمن عليها هي بخير دلوقتي.
محمد راح عندها وكانت راقدة على السرير بتعب ولما شافت محمد ابتسمت بتعب ومحمد راح عندها وباس راسها.
محمد بحب: حمدلله على سلامتك يا روحي.. عاملة ايه دلوقتي؟
مريم بتعب: الحمدلله.. هاته اشيله.
اخدته منه بالراحة وهي بتبصله بحب كبير وحنان.. كان صغير جدا وهادي خالص شالته بايد ومسكت ايده الصغيرة وحست بنعومتها ولقته مسك صباعها بايدها ودا خلاها تدمع وباسته وهي قلبها بيرفرف فرحة. محمد اخدها في حضنه وبيبوس راسها ومسحلها الدمعة اللي نزلت.
مريم بابتسامة كلها حب وهي بتضحك: صغير اوي يا محمد.
محمد: امم.. عايزة تسميه ايه؟.. انتي اللي تعبتي فاختاري اسمه.
مريم بصتله بحب ورجعت بصت على ابنها: هسميه سند.
محمد كشر: اشمعنا؟
مريم بصتله بذهول وضحك: هتغير من ابنك يا محمد؟!.. سميته كدا عشان يكون زي اسمه.. يكون سند.
محمد اتنهد بابتسامة: ماشي سند سند..
بص لابنه بحب: سند محمد اشرف المناوي.. نورت يا باشا يا صغير.
قرب منه واذن في ودانه وبعدها باسه ومريم بتبص لمحمد بعشق.. سمعوا خبط على الباب فمحمد حط الطرحة على راس مريم ولفهالها.
محمد: ادخلوا.
كله دخل وهما مستنين يطمنوا على مريم ويشوفوا ابنهم.
وسام اخدته من مريم: بسم الله الرحمن الرحييم.. يا حبيب قلب تيته ما شاء الله جميل.
دينا: وريني يا ماما وريني.. هاتي اشيله.. انا عمتو يالا.
وسام: بالراحة يا دينا.. يا عيني يابني وقعت في عمة هبلة.
دينا: اخص عليكي يا ماما دا انا عمة زي العسل.
ايهم: الاسود.. العسل الاسود!
ياسين: طب دا يقولي يا خالو ولا يا عمو؟.. هيقولي خالو ما انا تبع امه.
محمد: ايه تبع امه دي؟! ما تتلم يالا.
ايهم ميل على ملاك اللي شالته بحنية: عقبالنا يا ملاكي.
أنت تقرأ
أوقَعتَني في غرامك
Romanceهي كارهة للرجال وعنيدة لكنها أيضا غامضة. وهو وسيم وهادئ وثري لكنه جدي وعملي جدا. هي تراه متكبر ومغرور ولا يختلف عن بقية الرجال . وهو يراها ذات لسان سليط وفتاة مزعجة لا يمكنه تحملها. كل منهما يكره الاخر ولا يفترقان الا والشجار سيد الموقف... يختلفان...
