#إقتباس_٢ {اقرؤه بِـ اللَكنه الصعيدى }
••••••••••
_إسمعنى يا ولدى ، عيشنا طول عمرنا عارفين إن محدش بياخد غير نصيبه
وإن مرت حد مبياخدهاش حد تانى واصل !
نظر ..... إلى والدته وعيناه تمتلئ رجاءاً ،ف أكملت هى
_اللى ربنا بيريده كُله خير يا .....، ربنا مبيكتبش شر على بنى آدم ابداً
_وجلبي ياماه!
_ربك يتولاه يا ولدى
_بس ربنا الل خلآنى أحبها ،واتعلج بيها ...ربنا الل كتب كل دا عليّا ومستحيل يبعدها عنى بعد كُل دا
تنهدت والدته العجوز وقالت ب حنو وهى تربت على رأسه
_زمان...كنت كُل م أولد واحد من اخواتك ويموت ، الل يموت على أسبوعين
والل يموت على شهر ،والل أولده ميت ...كنت أجول
يارب ليه مش بيعيش ليّا ذرية !! كُنت خايفه أبوك يتچوز عليّا عشان يخلف عيّل يشيل إسمه
كُنت أصلى واجول يارب ولد واحد وراضيه بيه بس يعيش ...وچيت إنت
ربيتك تربية الناس كُلها بتشهد بيها ، واتعلمت علام أحسن من أى حد
أبوك سمّاك .....عشان تعيش وتجعد ،عشان تعمر من ذريتك الل متكتبش له هو
فهمت ساعتها إن ربنا رزجنا بيك وبس،يمكن لو أخواتك الل خلفتهم عاشوا وأتوفوا كبار ياولدى ،كُنت مُت انا بحسرتى أو كان ربنا كتب عليك حاچه وحشه فيك كان راح فيها أبوك ،لكن ربنا أراد ان ميكونش غيرك ...عشان نعرفوا نربوك ونعلموك ويبجا ليك إنت كل حاچه نحتكم عليها أنا وأبوك!
تبسم ....وأراد أن يداعب والدته بكلماته حينما وجد الدموع بدأت تنساب على وجنتيها
_كنتِ سيبتيه يتچوز يا أمى ، كان زمان ليا أخوات بدل جعدتى وحدانى
ابتسمت والدته وقالت له مبتسم ثغرها
_ جولتله زمان لو اتچوزت عليّا باعبدالرحمن هسيب البيت وماهتعرف ليّا طريج،،وبعدين هو أنت وحدانى ؟! ليك بدل الأخ ٨ ..صح ولا لاء
نظر.... إلى اسفل مبتسماً ف أكملت له والدته وهى تربت على كف يده
_ربنا يا ولدى له حٌكمه فكل حاچه ...والل مبنعرفوش دلوكت ليه ...بنِعرفه بعدين !
تركته وأنصرفت ، تنفس بعمق واتجه نحو القبلة لينوى صلاته كالعادة ، وفى سجدته الأخيرة؛ دعا ربَّه قائلاً :
_اللهم إن كانت خيراً لي فَـقرِّبها مني، وقرِّبني منها، اللهم إن كانت شرَّاً لي :
توقَّف قلبه قليلاً! ثمَّ أكمل
_ فـ أقلبها خيراً، وقرَّبها مني، وقرَّبني منها!
ف تبسَّم قلبه ..وتبسمت روحه،وترك الأمر لمن بيده الأمر كله.
_______
إيه رأيكم 😃
حد شايف حاجه من تفاصيل الغلاف 👀
اللاف والكومنت والشيييييير حاجه قمر وبيخلينى طايرة من السعادة 🙈
أيام ونكشف عن ستار الغلاف وعنوان الرواية ،كل يوم ان شاء الله اقتباس جديد
#كونوا_بالقرب
#نور_إسماعيل 💙👑
