صدفه ياس

البارت الواحد والعشرون

ثم يأتي هدوء الليل

ليثبت أن الضجه

بداخلك وليست من حولك

**********************

فات يمهه بالغرفة وانه رديت لغرفتنه

صليت وتمددت عالمصلايه واستسلمت للنوم

لهناك وفزيت لكيت الحجيه تمسد على راسي

ابتسمت الهه وكمت حضنتهه

الله شهل صباح هذا الفتحت عيوني على هل وجهه

هههه حبيبتي فدوه للبنيات

بعد عيني ضل بالي عليج البارحه

نوب ما كعدتي للصلاة

ايي ماما دخت ووكعت على حميد هناك

خطيه حار بيه وبعسوله

يمكن حطولي منوم لان راسي

ما كدرت ارفعه

الحمدلله على سلامتكم حبيبتي انتي

الله يسلمج يماما

اكوم اسويلنه ريوك

اخذي راحتج امي

طلعت بوجهي للحمام بدون ما ادكه فتحته صار

ياس كبالي واكف يغسل وجهه

اجيت افلت كبل لا يلتفتلي ونردمت بالحايط

انضرب اصبعي الزغير شاطت روحي

لا اراديا عطت ايييي

طلع ياس يركض شمالج بويه شفتي جني

واكف اغسل وجهي قابل شفتيني

عريان وهيج شردتي

صفنت بوجهه شمدري انه فتحت

الباب جان الصابون بوجهه

ومدنك راسه حتى ما حجيت انه

اجت الحجيه كوه تمشي شافت رجلي شهكت

مشتني للكرسي وكعدتني وانه دايخه

شون عرفني اجه يركض بيده الكطن

والديتول جر رجلي وانه جريتهه

منه والحجيه حجت عليه

خليه ولج يعقمه دمج خلص

انه اباوعلهه ولازمه رجلي

يله ولج مو احاجيج

مديت رجلي عقمهه ولفاهه وكام جيت

اكوم ما خلتني الحجيه هوه سوه الريوك

حطاه عالميز وراح جاب عسوله شايلهه

ويبوس بيهه بس شفتهه تذكرت البارحة

شون تحجي وتبجي على ابوهه

بسرعه دنكت لان نزلت دموعي ما ردت احد

يشوفني بس وين عسوله انتبهت