Kitty GoBlin... 😼 Complete.short story

Short ff

"ඇයව ආරක්ශා කිරීම මා ඔබට බාර කරනවා. අදුරු ආත්මයන් කුමරියට අනතුරු ඇති කරාවි. ඔබේ බලයෙන් ඈ සුරකින්න."

පිසාච රැජිනියගෙ අණින් මා මනුස්ස ලෝකයට ආවෙ පිසාච කුමරිය ආරක්ශා කිරීමෙ අරමුණින්. ඇය මනුස්සයෙක්ලු. ඇයට අවුරුදු විස්ස වන තුරුම ඇයට පිසාච ස්වරූපය ලැබෙන්නෙ නැතිලු.

කුමරියගෙ පියාණන් මනුස්සයෙක් උනු නිසා කුමරිය කුඩා කල ඉදන්ම හැදිලා වැඩිලා තියෙන්නෙ මනුස්ස ලෝකෙ. මනුස්ස පියා මියගිහින් පිසාච ලෝකෙට ආවට පස්සෙත් ආරක්ශාව වෙනුවෙන් කුමරියගෙ වයස සම්පූර්ණ වනතුරු එහෙම රදවන්න රැජිනිය තීරණය කලා.

මන් පිසාච ආරක්ශකයෙක්. හැම අවුරුද්දකටම වරක් අපෙන් එකා ගානින් කුමරියගෙ ආරක්ශාවට මනුස්ස ලෝකෙට යනවා.

හැබැය් ගියේ සතුටකින්නම් නෙවෙයි.නමුත්, මම නින්දට ඇබ්බැහි ඌවෙක් නිසාම එයාලගෙ අකමැත්තට හේතුවක් මේ වන තුරුත් මන් දන්නෙ නැ.

මමය් අවසාන ආරක්ශකයා. මේ ඇගෙ අන්තිම වසර. මගේ රාජකාරිය අවසාන වෙන්නෙ ඇයව පිසාච ලෝකය වෙත ආරක්ශාකාරීව රැගෙන ඒමෙන්.

මම මින් යුන්ගි(රාජකාරිය වෙනුවෙන් මට ලැබුනු නම). පිසාච ලෝකයට අනුවනම් මම සුගා....

~~~~~~~~

'කිම් සොං ඊ
345,
පියෝං තට්ටු නිවාස සංකීර්ණය,
දකුණු ප්‍රදේශය,
සෝල්.´

පිසාච ලෝකෙන් චුත වෙලා මනුස්ස ලෝකෙ මතු උනු තැන එහෙම්ම හිටගෙනම බෙල්ලත් ඇද කරන් මන් බලන් හිටියෙ මට ලැබුනු කොල කෑල්ල දිහා.

පීප්ප්ප්ප්... පීප්..පීප්ප්ප්...

මගෙ අවධානෙ ඒ වෙනුවෙන් රදවන්න බැ. මගෙ පස්සෙන් කවුදෝ සද්ද කරනවා. සාමාන්‍ය මනුස්සයෙකුට වඩා මගෙ කන් ඇසීම තියුණු නිසා මේ සද්දෙ  මගෙ සියුම් කන් වලට ඉතාමත් ඝෝෂාකාරී.

"අය්න් වෙනවා මනුස්සයො.. මොන මගුලක්ද  කරන්නෙ පාර මැද්දෙ හිටගෙන."

කවුදො කෑ ගහන්න ගත්තා.අපි එයාලගෙ බාශාවන්,හැකියාවන් අපේ ශක්තිය භාවිත කරලා ඉගෙනගන්නවා.මම තවමත් එයාලගෙ අමුතු බාශාව ඉගෙනගනිමින් ඉන්නෙ.