💕أنت قلبي٢💕

الحلقة ١٠٥

#انت_قلبي٢
#بوسي_مصطفى
_______________
((الحلقة ١٠٥))

في فيلا آسر و بعد إنتهاء حفل الخطوبة...
سهر : خلاص يا آسر علشان خاطري قفل على الموضوع ده.
آسر : عارفه إنك أنتِ اللي حوشتيها عني أنا كان زماني قتلتها.
سهر : ايوه روح اقتلها و بعد كده ادخل السجن و انا بقى و الولاد نتبهدل علشان حضرتك عايز تنتقم و خلاص.
آسر : أنتِ بتقولي ايه هو دا كل اللي همك مسمعتهاش قالت ايه و لا عملت ايه؟؟
دي كانت بترقص مع صحاب ولادك اللي هما قد ولادها
زي اللي كانت شاربه حاجه مستحيل السيجاره دي تكون فاضيه.
سهر : استنى هنا رايح فين؟
نزل آسر جري للجنينه قعد يدور على السيجارة اللي كانت حدفتها هايدي في الأرض بيدور في نفس المكان اللي كانوا واقفين فيه..
اسر اخد السيجارة و طلع فوق بيفتح اللفافه اللي عليها
و بيشمها.
سهر بدهشه : انت بتعمل ايه؟
آسر : الهانم بتشرب سجاير محشيه.
سهر : سجاير محشيه يعني ايه مش فاهمه..
آسر بيتصل بالتليفون..
سهر : آسر تعالى ننام و سيبك من حوار هايدي دا.
آسر : ما هو لو هتضر نفسها بس يبقى في داهيه متهمنيش في حاجه.
سهر : طيب ما هي لو زي ما بتقول يبقى فعلاً بتضر نفسها
و بس احنا مالنا بقى؟
يشاورلها آسر تنتظر لحد ما يخلص المكالمة.
هايدي بصوت ناعس : الو
آسر : مش فايقه طبعاً روحتي تكملي شرب في البيت عندك.
هايدي : آسر !! أنت بتكلمني دلوقت ليه هي سهر مش جنبك و لا نامت؟؟
آسر : أنتِ بتقولي ايه؟؟
هايدي : ما أنت عارف إني بحبك آسر أنا متجوزتش غيرك صدقني.
آسر بغضب : متفوقي و أنتِ بتتكلمي علشان متقوليش الهبل اللي بتقوليه ده.
هايدي بتزعق بصوت عالي : بقولك بحبك تعالى بقى و سيبك من سهر انا أجمل منها..
آسر : أكيد اتجننتي أنا أصلا بتكلم معاكي ليه روحي كملي اللي كنتي بتعمليه.
هايدي : كنت بحلم بيك و لاقيتك بتتصل شوفت بقى الصدف.
يقفل اسر التليفون.. تقوم سهر اللي كانت بتستعد علشان تنام.
سهر : كانت بتقولك ايه؟؟
اسر كان سرحان و بيفكر..
سهر : اسر أنا بكلمك.
آسر : ها يا سهر كنتي بتقولي حاجه؟
تقرب سهر من آسر و تنظر في عيونه : بقول اللي واخد عقلك.
آسر : يا سهر أنتِ كمان !!
تمسك ايده : تعالى هنا رايح فين
بقولك هايدي كانت بتقولك ايه و كنت سرحان فيه ايه دلوقت؟
آسر نظر في عيونها و بإبتسامة : سرحان في عيونك يا حبيبتي.
سهر : لا مبياكلش معايا الكلام ده.
آسر يُقبل خدها : طب و كده.
سهر بإبتسامة : كده بقى يبقى بتستعبط و عايز تتوه.
آسر : ابدا يا حبييتي بس كل الحكاية إني مش عايز اتكلم
في الموضوع دا الليلة.
سهر : ما أنا كنت بقولك كده من شويه.
آسر : خلاص و أنا سمعت الكلام و مش هتكلم.
سهر : خالص؟
آسر بإبتسامة : هتكلم طبعا بس عن حبييتي و روحي و مراتي.
سهر : تعرف انا كنت خايفه قوي الموضوع يبوظ بعد اللي حصل بس كلام عمار عجبني قوي.
آسر : اه بعد ما سلمى كانت عايزة تولعها.
سهر : هههههههههههه
آسر : بتضحكي على ايه؟!
سهر : اصل سلمى كانت عماله تقولي دي بتغلط فيكي تعالي هاتيها من شعرها ههههههههههههه
بس أنا قولتلها معايا راجل هو اللي هيعرف يتصرف معاها.
آسر : و اتصرف الراجل ده؟
سهر بإبتسامة : طبعاً اتخانق معاها و طردها كمان
بس كويس انك معملتش كده قدام الولاد.
آسر : حاولت امسك اعصابي علشان بس شكل ملك قدام اصحابها و علي كمان عارفه حساس قد ايه رغم إن علاقته بمامته مش قوي بس الحاجات دي بتأثر في نفسيته جدا.
سهر : بكره بقى هخرج معاهم
هنتغدا بره و معرفش بقى ايه المفاجأة اللي محضرنها ليه.
آسر : اووو مفاجأة كمان
أنا عايز حد يعملي مفاجأة أنا كمان.
سهر : هههههههههههه بس كده من عيوني.
يحتضنها آسر : المفاجأة الحقيقة اللي بفرح بيها لما بتكوني جنبي اسف قوي يا حبييتي على الكلام السخيف اللي قالته الست دي في حقك.
سهر : خليها تقول أنا و لا بيهمني.
آسر ' يا واد يا جامد.
سهر : هههههههههههه
__________