احببت عمياء(اشتقت لعيناكي)

البارت الاول

طب انا اعرف الي بيتجوز ده علشان واحده تغسل تطبخ تخلي بالها من البيت ، لكن دي عاميه !!،اعمل بيها اي
يعني اي تعمل بيها اي ،هي لعبه
بالنسبالي اه لعبه هتبقي زيها زي اي حاجه ملهاش لازمه ،ده كده انا الي هاخد بالي منها مش هي الي هتاخد بالها مني
يبني انت ابن عمها ،وهي ملهاش حد من بعدنا ،والعمر مفاضلش في كتير يبني وعاوز اطمن عليها
تقوم رميهالي طب وريهام مش دي الي انت كنت هتموت واتجوزها ،احنا فرحنا كمان شهرين وتقولي اكتب كتابك علي ندي ده اي الجنان ده
يبني اسمع الكلام بقي متغلبنيش
انا اسف مش هسمع كلامك لمجرد انك عاوز تطمن عليها ،هي مش عيله ،وبعدين دي عاوزه حد ياخد باله منها وانا فيا الي مكفيني ،انا خارج
يبني طب اسمع بس ،لااله إلا الله اتصرف ازاي انا دلوقتي ياربي
___
اهلا يا ندوش
مين الي بيتكلم،مش سامعك من الدي جي
ده فين الدي جي ده مش شايفه .
ندي:اهلا يا ساجد
ساجد:مش هتسلمي عليا ،اهلا يا ساجد وخلاص
ندي:انا اسفه مش بسلم
ساجد:بت انتي هبله ولا هي جمله واحده بتقوليها لكل الناس انا اخوكي يا ماما ولا نسيتي ،المهم اي اخبارك
ندي: خلاص يا عم مكانتش كلمه ،انا الحمد لله تمام
ساجد:عرفتي اي اخر الاخبار
ندي بفضول :قول
ساجد:مش انتي هتتجوزي
ندي بصدمه :نعم !!
ساجد:اه والله مش بهزر
غزل:اي هو الي مش بتهزر ،هتجوزوني وانا معرفش ؟!
ساجد :مش حوار متعرفيش كانوا هيعرفوكي بس اما تلاقي كتب كتابك تم خلاص
ندي:والله ،ده ازاي ده وانت فين من كل ده اصلا !؟
عمر:متقلقيش هو اصلا مش هيتجوزك خلاص ،وحتي لو كان وافق كان ده مستحيل يحصل .
ندي:مين ده اساسا
ساجد بسخريه:توقعي كده مين ،حد كده انما اي قمر خالص !!
ندي:اوعا تقول
ساجد:بظبط كده
ندي:عاوزين يجوزوني عمر
ساجد :عليكي نور ايوه بظبط كده
ندي : طب ياعم عادي ريحتني ،علشان هو اساسا بيحب ريهام ومستحيل يوافق
ساجد:عندك حق هو موافقش فعلا
عمر :ومين قال إني مش موافق ،والا انتي يا استاذه ندي مصدقتي اني موافتش طبعا مهو في اكيد حد بتحبيه وعامله دور الشيخه ده علينا مش كده
ندي:اولا: وانت بتتكلم معايا تتكلم معايا باحترام ،ثانيا :المفروض في حاجه اسمها السلام عليكم ،وثالثا :انا اسفه انا تربيتي متسمحليش اني ارد عليك ،مع السلامه يا ساجد
ساجد:استني انا هوصلك .
ندي:لا انا هعرف اتصرف شكرا
ساجد:يبنتي استني هتقعي كده
ندي :لا متقلقش .....ااه رجلي
ساجد:قولتلك استني
عمر:انا مش فاهم انا انتي مبتشوفيش ولااي مش شايفه الزرع قدامك
ندي:للاسف بقي انا فعلا مش بشوف ،شكرا لتذكيرك .
ساجد:قومي يا ندي ،قومي كفايه كلام انتي رجلك مفتوحه قومي
عمر بأسف: اساعدك
ساجد: عمر ممكن تتفضل من هنا
عمر بضيق:اناحبيت اساعد بس
ساجد:متشكرين
___
ندي:بيعايرني يا ساجد ،بيعايرني اني مش بشوف ،انا تعبت والله
ساجد:ده ابتلاء من ربنا يا حبيبي وانتي لازم تصبري علي الابتلاء ده علشان تاخدي عليه حسنات وربنا يرفعك منازل فالجنه ،فاصبري واستغفري كده علشان ده قدر مينفعش نعترض عليه
ندي:عندك حق ،استغفر الله العظيم
ساجد:قومي بقي نشوف رجلك دي
ندي:هقوم ازاي يا ساجد
عمر:لا مهو انا مش هشيلك ويجيلي مزق فضهري يعني
ندي:تصدق انك غتت
ساجد :عارف ،يلا هشيلك وأمرنا لله
ندي:متشكرين لافضالك
_____
ريهام :الو ياحبيبي انت فين
عمر:في الشغل هكون فين يعني اي الاسأله الغبيه دي
ريهام :في اي براحه شويه ،مالك ؟
عمر:ماليش ،يلا مع السلامه ....
ريهام :ماله ده .
__
استاذ عمر استاذ مراد بره ادخله
عمر:دخله هو ده محتاج يستأذن
مراد:ابو العماميير اخبارك ،وحشني
عمر:ابو العماميير منك لله كرهتني فاسمي
مراد:ده دلع زي القمر ،بذمتك حد بيدلعك غيري
عمر:لا لوالدلع المقرف ده ف لا ،وكويس اصلا ان محدش بيقولي كده كنت قتلته
مراد:يلاهوي هتقتلتي اهون عليك
عمر:في اي يلا مالك اظبط كده
مراد:بهزر معاك ياراجل ،مالك قافش كده لي ؟
عمر:اتعكيت في حوار كده
مراد:حوار اي ؟
______
ندي:يااه يبت يا حور لو اشوفك
حور:معلش بقي النصيب ،وبعدين بلاش تشوفيني علشان هتحسدي جمالك
ندي:اه طبعا ملكه جمال المريخ بتتكلم معانا
حور:بقي كده ياندي ،انا ماشيه
ندي:امشي ده انتي وشاشه الواحد عاوز يستجم
حور:ماشي ماشي مهو من لاقي أحبابه نسي أصحابه ،انا مش عارفه اي الممتع فالكتاب ده يعني
ندي:علشان ده اخر كتاب قرآته قبل مااتعمي ،وخلتهم يعملوا لي الكتاب بطريقه برايل علشان اعرف أقرأه دلوقتي
حور:انا اسفه ياحببتي مكنتش اعرف
ندي:ولا يهمك ويلا بقي هوينا
حور:ماشي يااختي هسيبك مع كتبك
_____
عمر:بس كده ده الي حصل
مراد:هي مش ندي دي البت الاموره الي ديما بتلبس نضاره شمس ،معرفش بتتنك علي اي دي
عمر:يبني بتلبسها علشان عنيها انا مش لسه قايلك أنها كفيفه
مراد:ظلمتها والله ،بس انا مش فاهم اي المشكله في الجواز يعني؟
عمر:يبني انا بحب ريهام !
مراد:يعم دي ريهام جمب ندي ،زي انا وانت كده
عمر:زي انا وانت ازاي يعني
مراد:متشغلش بالك ،المهم هتعمل اي؟
عمر:مش عارف؟
مراد:عارف انا لو منك ،هتجوزها ولوفعلا ريهام بتحبك هتستحمل واهو تبقي عملت وصيه ابوك وكمان اختبار لريهام ،اسيبك انا بقي
عمر: مع السلامه ، يا معين يارب .
______
فتحيه:انا مش عارفه بس انت حاطط الموضوع فدماغك لي مهو بيحب واحده تانيه
عم محمد:انا مش هطمن عليها غير وهي مع عمر
فتحيه :وانا ابني ذنبه اي من كل ده
عم محمد:انتي الي مش عارفه قيمتها ،ده هيندم بس الصبر
عمر:ومين قال إني هندم ،انا موافق.
ندي :إذا كنت انت موافق فا انا مش موافقه ولا هتتجوزني غصب .
.ريهام :جواز اي الي بتتكلموا عنه ،مين الي هيتجوز؟
فتحيه :عمر .
ريهام :نعم!!
#اشتقت_لعيناكي💞

By: Toka Ashraf 🌸

(ادعوا لوالدي بالرحمه والمغفره فضلا )...