"ب مناسبة ترند( كفاية خوف م المجتمع) وكدا ف انا حقيقي بقول (كفاية خوف م المجتمع انا بكره المجتمع) وحقيقي انا بكرهه وبكرهه كل الظروف اللي حتمت عليا او علينا بإننا نتعامل مع العالم المتخلفة اللي عايشين معاهم يعني اي شخص او كائن غبي ف المجتمع الساذج بتاعكم دا يقولي انت شكلك وحش او ان شعرك وحش او بشرتك سودة او تحت عينك اسود كدا ليه بتسهري بليل تفكري ف مين ولا شكل جسمك م عاجبني ،ذوقك بلدي اووي ف الهدوم والكلام ،انت فاشلة،انت م هتنفعي ف حاجة،انت اخرك جمب امك،انت وانت وانت وانت.....
ليييه!!ليه!ليه تكون حياتي كلها ف ايد شوية كائنات معندهاش ذرة رحمة او رأفة ب اي مخلوق هما اللي يتحكموا فيها
البسي دا وماتلبسيش دا !؟
ودا ليه انا بلبس ليا ولا ليك بلبس عشان الطقم دا عاجبني وحبيته جدا ولا بلبس عشان سيادتك م عاجبك ذوقي مثلا
مالك ومال حياتي افكر ف مين ولا احب مين اخرج مع مين اروح فين البس اي اكل اي اشرب اي انا عارفة انا بتصرف ازاي وعارفة حدودي كويس جدا مادام م بتعدي دا وأثر عليك ،ليه كل دا انت ليك دخل ف اي ف كل دا!؟
خلي رأيك معاك لحد م اجي انا واطلبه منك
ماتفرضش رأيك وذوقك عليا
عندك نصيحة اتفضل قولها بكل ادب واحترام.
ماعندكش يبقي خلاص خلييك ف نفسك وماتتدخلش ف حياة غيرك
انت متعرفش حقيقي الكلام دا بيفرق ازاي مع اللي قدامك ازاي بيفضل يعاني لحد م يتخلص م اثره السلبي عليه
انت متعرفش كمية الاذي النفسي والمعنوي والجسدي عليه
متعرفش يعني اي انه يفضل قافل ع نفسه مثلا عشان حضرتك قولت ليه انك م بتعرف تعمل علاقات وم محبوب بين الناس
متعرفش يعني اي يبطل اكل الحاجات اللي بيحبها عشان حضرتك قولت ليه انك تخين و الهدوم م بتليق عليك
متعرفش يعني اي يبطل يتعامل مع الناس عشان خايف منهم خايف يواجهم خايف م نظراتهم ليه
متعرفش يعني اي انه يفقد الثقة ف نفسه نتيجة لكلامك السخيف اللي مالوش اي ستين قيمة
ربنا قال "ارحموا من في الارض يرحمكم من في السماء" ارحم الشخص البرئ اللي قدامك دا م قسوتك ف الكلام والمعاملة وتنمرك حط نفسك مكانه ولو ثانية وشوف انت هتعمل اي او هتتعامل ازاي ساعتها هتفهم معني الجملة كويس وانها قد اي بتبين انك سخيف ووحش وبشع لاقصي درجة
بلاش اي حاجة تجيب الزعل والتعب والاذي لاي حد بلاش ...
لو الحاجات دي انتهت فعلا ومابقتش موجودة ف المجتمع بتاعكم دا يبقي خلاص هحبه وهرجع اتعامل عادي وساعتها هقول( كفاية خوف م المجتمع انا بحب المجتمع)"
ل مها عادل 🔐❤
