💕أنت قلبي٢💕

الحلقة ١٠٦

#انت_قلبي٢
#بوسي_مصطفى
_______________
(الحلقة ١٠٦)

في شركة آسر...
حسام : ها اللي واخد عقلك يا ابن عمي.
آسر يفوق من سرحانه : بحلم اني رجعت بالزمن حوالي عشرين سنه كده.
حسام : هههههههههههه اشمعنه؟
و لو إني نفسي أنا كمان على الأقل مكونتش لسه اتجوزت.
آسر : و لا أنا.
حسام : هههههههههههه هنستعبط و لا ايه من عشرين سنه
كان عندك مليكة.
آسر : مكونتش لسه اتجوزت هايدي.
حسام : هايدي!!
اه فهمت.. هي بقى سبب سرحانك ده كويس إني ماجتش خطوبة ملك.
آسر : صحيح أنت ماجتش ليه؟
حسام : هههههههههههه أنت بتوهني علشان متردش على سؤالي صح؟
ما أنت عارف إني كنت واخد دور برد و مش قادر اقوم من السرير.
آسر : اه صح.
حسام : هو ايه اللي صح؟!
رد يا ابني ايه اللي حصل في الخطوبة؟
سهر و هايدي اتخانقوا مع بعض صح؟
آسر : لأ.
حسام : امال ايه اللي حصل؟
سهر انخانقت معاك لما عزمت هايدي؟
آسر : بالعكس دي سهر صاحبة الفكرة اصلا هي اللي خلتني اعصر على نفسي لمونه و ادخل هايدي البيت.
حسام : اممم!
طب ما تقول ايه اللي حصل يعني خلاك ترجع لعشرين سنه كده؟
آسر : كنت رايق وقتها صحيح كان في مشاكل بس كانت بتتحل لكن من يوم ما دخلت الشركة عند بابا و أنا حالي كله اتقلب.
حسام : حدد مين فيهم سهر و لا هايدي؟
آسر : يا عم سهر ايه بس اللي قلبت حياتى؟!
هي لو قلبت حياتي فعلا يبقى هيكون للأحسن.
حسام : حد قالك تتجوز هايدي؟
ما أنا وقتها قولتلك بلاش أنت اللي صممت.
آسر ' مكونتش عارف أنا بعمل ايه.
حسام : لا كنت واعي و مدرك أنت بتعمل ايه هقولك يا آسر أنت محبتش هايدي و أنا متأكد من كده اللي حصل إنك كنت فاكر لما تتجوز هايدي سهر هتفوق لنفسها و اهو لو مفاقتش معاك اللي تعوضك عنها و لو لفترة مؤقته.
آسر : صدقني أنا مكونتش ناوي اغدر بهايدي و لا كنت هتجوزها للسبب اللي بتقول عليه ده
بس لما فوقت و عرفت إني كده هظلمها لاني اتأكدت إني مقدرش أحب واحدة تانية غير سهر أنا عارف إني غلطت بس حبيت أصلح الغلط و قولتلها تاخد كل حقوقها و كل واحد يروح لحاله.
حسام يقاطعه : اه و أنت بتفكر في الحوار دا كنت اصلا تممت الجوازة.
آسر : لا قبلها.
حسام : و بعدين ايه اللي حصل؟
آسر سكت..
حسام : اكتشفت إنها حامل صح؟!
ندمان يا آسر؟
آسر : على ايه؟
حسام : ندمان إن عندك ولاد منها؟
آسر : لأ علشان دول رزق مينفعش اندم عليه أو ازعل يمكن دول اللي مصبرني عليها.
حسام : بقولك ايه ماتيجي ننسى بقى كل مشاكلنا دي أنت تنسى إنك متجوز و انا كمان و نعيش حياة العزوبية الليلة.
آسر : مش عارف ليه بدأت أقلق منك هههههههه
حسام : خلاص يا ابن عمي كبرنا على الشقاوة دي.
آسر : أتكلم يا حبيبي عن نفسك أنا لسه شباب.
حسام : اوباااا ايه ناوي تعملها لتالت مرة و لا ايه؟
آسر : لأ أنت دماغك راحت فين أنا خلاص يا حبيبي استويت.
حسام : هههههههههههه
طب يلا بينا دا أنا هسهرك حتة سهرة لا سهرت قبلها و لا هتسهر بعدها.
آسر : أنت واخدني تقتلني و لا ايه؟!
حسام : هههههههههههه ليه بتقول كده؟!
آسر : أصلك بتقول مش هسهر بعدها تاني و بعدين كلامك ميطمنش أنت هتسهرني فين؟
حسام : تعالى معايا بس و أنت هتعرف.
آسر : بقولك ايه يا حسام أنت عارف نظامي كويس.
حسام : يا عم عارف تعالى معايا بس و أنت مش هتندم.
_________