راحت تمشي حتى شافت باب اخر الرواق فتحاتو حتى تحلو عينيها على وسعهم حطت يدها على فمها و هي تشوف منظر السلاح مستف على كل الانواع و الرصاص من كل شكل كدبت واش راهي تشوف حتى تسمع صوت خطوات غلقت الباب و راحت تجري خرجت من القصر ركبت طونوبيلتها راحت تجري بأقصى سرعة و صورة الرصاص في عينيها حبست في بلاصة هادئة و خرجت من الطونوبيل تاعها هي تتفكر المنظر هذاك و تكدب في روحها على الفكرة لي جاتها سيات تربط الأحداث لي جازو عليها "رجل أعمال مشهور و معروف قاع يخافوه قدر يعرف عليا معلومات السجل تاعي ماشي مسجل فيهم و زيد حادث مرور كان قادر يقتلو لوكان ملحقش في الوقت المناسب " شدت رأسها لي راح يطرطق من الوجع و من التخمام بزاف ركبت طونوبيلتها و راحت للسبيطار خدمت خدمتها و رجعت للدار و نفس الأفكار تدي و تجيب فيها....
اما ماكس لي كي راحت من قدامو خرج يحوس عليها ملقاهاش راح للمكتب تاعو شاف واحد الأوراق حتى صونا التليفون تاعو: الو وي سام: واش برو لاباس ماكس: الحمد لله غير الخير! سام: لازم تجي للشركة لانو الغياب تاعك طال و بدأ الشك يدخللهم تسما يظهرلي لوكان جي خير ماكس: اوكي شوية نكون تم طلع لبيتو عمل دوش خرج لاف منشفة على خصرو و واحدة يمسح بيها شعرو .كمل لبس سروال كلاسيك اسود و شوميز بيضاء و فيستا كلاسيك بلو عدل شعرو و فحفح روحو بريحة رفد التليفون و مفاتحو و خرج ركب طونوبيلتو و قلع للشركة.
البنات الكل يتغامزو عليه و لي تكحل ولي تتمنى منو كان غزرة برك اما بطبيعتو مغرور و متكبر و دايها في روحو زيادة ....داخل بجبروتو و رجولتو و البنات عليه كي الذبان شكون غيرو آسر البنات ماكس. وصل للمكتب تاعو دخل في بالو يلقر سام اما مكانش عيط للسكرتيرة باش تعيطلو يجيه .. خمس دقائق و دخل عليه سام: واش برو لاباس! ماكس: وي لاباس خير كاشما كاين ولا سام: لالا كلش راهو يمشي كيما يلزم الحال متقلقش روحك قاع ماكس: يعطيك الصحة وقفت في الشركة و سيرتها وحدك ان شاء الله قريب نولي و وخدمو كيفكيف و كيما موالف سام: ان شاء لله مي لعشية نروحو نتعشاو مع بعض عندنا بزاف مخرجناش و مدابيك منسحقش اعتراض و اعتبرها حقي كي راني نسير في الشركة احم احم .و بدا يطلع كتافو زعما شاف فيه ماكس و تيرا عليه بقرعة ما : اخرج عليا سام: ههههه حقا واش راهي الطبيبة ماكس شاف فيه: كيفاش واش راهي راك تشوف فيا حبيبها خوها رجلها باش راك تسقسيني! سام: لالا يعني الورق لي جبتهم عليها فادو مافادوش خدمتها مليحة لالا هكا يعني ماكس تفكر نهار جبدلها على المعلومات تاعها و كيفاش تصرفت معاه بكل برود و هو علابالو ملييح انو هي ملداخل تخلعت ضحك و هدر: ايه فادو و فادو بزاااف اما علا خدمتها فعلى حساب الورق و واش قريت عليها أحسن و اشطر طبيبة اعصاب هنا يعني في عمر صغير قدرت تحقق نجاحات كبيرة. سام: صغيرة!! علاه شحال عمرها؟ ماكس :26سنة سام: اممم مليح بالاك ندير لافار. شاف فيه ماكس شوفة و حبط راسو في الورق و هدر: نحسب 3منلقاكش هنا راني سيريو.. هو قال 1 سام خرج أو بالاحر طال لانو يعرف صاحبو كي يتقلق. _____________ جوري: شوفي لازم نتلاقاو في الريسطو لي موالف 7تكوني تم منسحقش روطار ميار: بسمله لا احم و لا دستور واش بيك....اوكي نعرف هاد النبرة ملييييح و علابالي انو موراها حكاية و على الروطار يا حبيبتي هادي خدمتك أيا ملا 7 جوري: اوكي راني نجوزلك ميار: لالا مكله نجي انا جوري : ايا اوكي . راحت الدار دوشت لبست هكا
Oups ! Cette image n'est pas conforme à nos directives de contenu. Afin de continuer la publication, veuillez la retirer ou mettre en ligne une autre image.
و ميار
Oups ! Cette image n'est pas conforme à nos directives de contenu. Afin de continuer la publication, veuillez la retirer ou mettre en ligne une autre image.
و خرجو يتلاقاو لحقت جوري و قاعدا تستنة في ميار حتى جات ميار: واش مامي جيت متحمسة يا جدك جوري: راني نشوف خلينا نكمونديو و نحكيلك كمونداو واش ياكلو و بدات جوري نحكي لميار على واش شافت
دخلو بكل كاريزما و حطة شاف ماكس الريسطو لقاه شيك دار نعينيه على المحل قاع لمحها قاعدة مع طفلة ياكلو و تهدر تبان مركزة مع الهدرة تبسم على جنب و راح قعد في طابلة وين يقدر يشوفها كانت تهدر بيديها و دير فليجاست و تضحك . اما سام لي كان يهدر مع ماكس و شاف بلي ماراهش معاه : ياو مصباح و انا نهدر وين راك !دار شاف واش راهو يشوف لقاها هي سام :ااااه هادي هي لي داتلك عقلك . شاف فيه ماكس حتى خاف منو سام: يااااو شحال مرة قتلك متشوفش فيا هكدااا. عند البنات: جوري: علابالك راني نستنى غير وقتاش نكمل معاه و الله غير خفت و زيد مشفتيش كيفاش دايرين شغ..... حبست الهدرة تاعها يبست كي شافتو ميار و هي تاكل: ابيييييه كملي شحال من خطرة قتلك متحبسيليش فنص الحكاية جدددك .......ياااو وين رحتي ايييو و دارت تشوف وين تشوف لقات راجل يشوف فيها . خبطتها برجلها ملتحت حتى فطنت جوري : ااااي واش ميار: نتي لي واش من موقبيل و انا نهدر معاك و لا عجبك 😉 جوري : وين عجبني صحا نقولك حاجة مي متخافيش ميار: من واش نخاف انا احااااي جوري: شدي روحك ميار: اهدري جوري : صاحب السلاح و الرصاص هادوك.... ميار: رجل الأعمال و فاقد الذاكرة 😂واشبيه توحشتيه واقيل جوري: لالا واقيل هو توحشني لانو راهو هنا بشحمو و لحمو و شافت فيه..... ميار: كحكحككحكحكح واااااش!!!!! جوري خبطتها تحت الطابلة: بلعي فضحتيناااااا هكاك تسوغيييي!!!!! بهدلتينا قدام الناس ميار: خليني من الناس دوك راكي تتمسخري جوري: لالا هاه وراه و اشارتلها براسها دارت ميار بلاااااعقل تشوف فيه ميار: هو شباب بزااااف مي يب...... جوري: بلعي قالو شباب بزاااااف ديجا امشي نروحو ميار و هي تلبس فيستتها :ايه ايه هيا جوري: ولا خلينا نزيدو حلاتلي ميار: لالااا نروحو جوري : علاه مزال الحال ...... ميار: ايه..لالا عندي خدمة جوري : كي جيتي ماكانتش عندك خدمة و لا خفتي ميار: ايي نوضي برك. ناضو و خرجو كل واحدة راحت الدار...... اما سام ة ماكس كلاو و راحو للبار سهرو و رجعو للدار............
