صدفه ياس

البارت الخامس والعشرون

لا عاد الصبر يلجم مصب العين

ولا مثل الخلك بدموعنه انمثل

طالت والعمر كلما تلف بيه

يطول غم ذاك العمر

من ينكضي اتعلعل

*****************

بيومهه النوم جافاني خفت

من الردت اسويه بس كل البيبان

نسدت بوجهي وبقه بس هل باب

وإذا ردت اخلص نفسي

لازم امشي واعبر هل باب

....................

وتين احجيلهه وروحي محتركه جن كلشي

صار نعاد اليوم كمت اجر النفس بالكوه

الحجيه كامت تبجي على بجاي نوب

من شافتني بهل حاله كامت تلوم

روحهه هسه أني شحجاني

كافي امي موتيهه لروحج بس حسبي الله ونعم الوكيل

مددتني على جربايتهه وكامت تقرا قران وتمسد

على راسي رجعت لصدمه ذاك اليوم ورديت

اردد بهل كلمتين اعتدى عليه واعتدى عليه

الى ان انسدت عيوني بعد ما جنت اقاوم

النعاس وما ريد انام

ياس.خاف جنت عايز ضيم وشلعان كلب

من شفت هل بنيه زاد ضيم كلبي من

وراهه طول الفترة العاشت بيهه عدنه

اني احبهه من بعيد صدك حبيت قبل

بس هل مره الاحساس يختلف

ما اعرف اوصفه ابد وما دري شلون وشوكت

وكعت على وجهي هل وكعه خفت اعترف

واخسرهه وهم سالفتهه ما معروفه بس الي مطمني

انو من خلال العشره اتاكدت هيه خوش بنيه

بعد كلشي صار كلما اسالهه سبب طلعتج من اهلج شنو

متحجي تكلي صعبه احجيلك انته هنا الشيطان

يتربع براسي بس ما اكدر اجبرهه تحجي

الى ان زل لسانهه وحجت كدام امي ابوهه عايش

يا بويه هنا الحجيه كسفت احوالي

وحجت عليه حجي اول مره اسمعه مدري

بيا لغه المهم هم رجعت حاجيتهه ما

رضت تحجي عاد كتلهه سولفي لامي

من قبلت ضليت مناطر بغرفه امي بالرغم هيه

دايره وجهه مني مزاعلتني بس اطك واموت

اذا ما اعرف السالفه شنو الى ان اجت