💕أنت قلبي٢💕

الحلقة ١٠٨

#انت_قلبي٢
#بوسي_مصطفى
_______________
الحلقة(( ١٠٨))

في فيلا مراد..
نورهان : و بعدين حصل ايه؟
أمل : هيحصل ايه يعني؟!
هشام قالها إنه هيفكر في الموضوع دا و يرد عليها.
نورهان : قوليله بلاش يا أمل علشان خاطري.
أمل : أنا كمان مش مستريحه للموضوع دا معلش متزعليش مني يا نور.
نورهان : و هزعل منك ليه بالعكس أنا أهو بقولك قولي لهشام بلاش.
أمل : أنا مبدخلش في شغل هشام بس لما قالي مقدرتش اعدي الموضوع كده عادي و قولتله برضه بلاش.
نورهان : عُمر مخاصمني مبيكلمنيش يا أمل.
أمل :"ليه كده بس؟
علشان الموضوع إياه برضه؟
نورهان : مش طايق وجودها في البيت لمحت لبدر إنه يستقل يعني في بيت لوحده على الاقل يبقوا براحتهم بس أنتِ عارفه بدر لسه مكونش مستقبله و معملش أي حاجه علشان يقدر يفتح بيت غير إنه كمان لسه بياخد مصروف من باباه و طبعاً عُمر شوية و هيقطع عنه المصروف ده لإنه على اخره و خايفه يحصل بينهم مشكلة كبيرة اتحط في اختيار صعب قوي بين جوزي و ابني.
أمل : مش هيحصل حاجه يا نور متقلقيش عُمر بكره يتعود على الوضع ده.
نورهان : بيتهيألك يا أمل عُمر لو سكت مبينساش المهم بلاش هشام يوافق على الموضوع ده تشوف حد تاني و بعدين هي متجوزه ابني علشان تعمل مصلحه من وراه و لا ايه مش فاهمه؟!
أمل : المواضيع جات مع بعضها يعني أكيد مكانتش تعرف هشام قبل ما تتجوز.
نورهان : هتسافروا امتى؟
أمل : ليه رجعتي في كلامك و لا ايه؟
نورهان : لأ بس عايزة أعرف علشان اعمل حسابي.
أمل : يوم الخميس الجاي.
نورهان : هشام هيروح معانا؟
أمل : لأ عنده شغل.
نورهان : معلش يا أمل أكيد هو كمان عايز يغير جو.
أمل : لا خلاص أنا مبقتش بزعل و لا يضايق اخدت مناعه.
نورهان : هههههههههههه
ما هو باين اهو بدليل التكشيره اللي على وشك.
ليلى نازله من فوق : ازيك يا خالتو.
نورهان : الحمد لله
ايه رايحه فين؟؟
ليلى : جدو كلمني بيقولي إن جدتي تعبانه و طالبه تشوفني.
أمل :"ألف سلامة عليها طيب استني يا ليلى هكلم خالك علشان اجي معاكي.
ليلى : حاضر.
نورهان : طب اقعدي واقفه ليه؟
______________
في شقة مها..
فيروز : وليد أنا هطلع اطمن على بابا هدى كانت قالتلي إنه تعبان.
وليد : طيب يا حبيبتي اطلعي.
فيروز : مش هتطلع معايا؟
وليد : هحصلك اطلع مع ماما يا حذيفه.
حذيفه : حاضر.
فيروز : محتاجه حاجه يا طنط علشان يمكن انزل من فوق الاقي حضرتك نايمه.
مها : لا عايزة سلامتك.
فيروز : سلام عليكم.
يرددوا : و عليكم السلام.
تخرج فيروز مع ابنها.
مها : ها قولي عملت معاها ايه قولتلها إنك هتتجوز.
وليد قام بسرعه يطمن إن فيروز طلعت فوق.
مها : ايه مالك أنت خايف من ايه؟
وليد : يا ماما فيروز لسه متعرفش فمش عايزها تعرف قبل
ما أنا اقولها.
مها : يعني مفتحتهاش في الموضوع؟!
وليد : لأ.
مها : مستني لـ امتى يا وليد
الناس مش هتفضل مستنيه كده يا ابني دا حتى عيب ندخل بيوت الناس كده و نسيبهم متعلقين بالشكل ده.
وليد : يا ماما الموضوع مش بسيط.
مها : لأ مش صعب اوي كده أنت بس جمد قلبك و قولها و هي براحتها يعني.
وليد : يعني ايه براحتها يا ماما؟
مها : يعني تقولها هتجوز سواء وافقتي و لا لأ يبقى احسنلك توافقي برضاكي.
وليد : أنا اقولها كده؟!
مها : ايوه خايف من ايه؟!
وليد : حضرتك عارفه لو فيروز شمت بس خبر بالموضوع دا هتعمل ايه؟
مها : هتعمل ايه يعني هتلم هدومها و تاخد ابنها و تروح تقعد عند حد من أخواتها و لا ترجع هنا شقة جوز أمها!!
اطمن مش هيحصل هي ملهاش مكان تروحه و محدش هيستحملها يا حبيبي و بعدين أنت لا أول و لا آخر راجل يعني يعمل كده ثم أنت ليك اسبابك
و هي هتقعد معززه مكرمه في بيتها تاكل و تشرب و تاخد مصروفها و أنت هتروحلها برضه هي عايزة ايه تاني؟!
وليد : لسه بفكر يا ماما الموضوع مش سهل لو فيروز رفضت و أنا صممت هتطلب الطلاق و أنا بصراحه مستحيل أطلقها
و اهدم بيتي.
مها : خلاص يا حبيبي كنت قولت كده من الأول ليه بقى ندخل بيوت الناس و نعشمهم أنا غلطانه اصلا اني صدقتك.
وليد : أنا بس محتار و خايف من رد فعل فيروز.
مها : يا ابني خايف من ايه هي كبيرها تزعق تغضب كام يوم بس هترجع
هتروح فين يعني اسمع كلامي و عجل علشان الناس متزعلش احنا مصدقنا إنهم وافقوا.
________