💕أنت قلبي٢💕

الحلقة ١٠٩

#انت_قلبي٢
#بوسي_مصطفى
________________
الحلقة( ١٠٩)

في فيلا مراد...
امل خارجه من المطبخ بصنية الشاي و الكيك.
بدر : طنط امل بقى أستاذة في عمايل الكيك هتدوقي منها احلى و اطعم كيك عمرك ما دوقتيه في حياتك.
أمل : بألف هنا و شفا بس مش أنا اللي عامله الكيك دا بصراحه دي ليلى هي اللي صممت تعمله بنفسها.
سرينا : أكيد هيبقى حلو.
ليلى ب إبتسامة : ميرسي.
شادي بهمس : ايه ميرسي دي؟!
على فكرة بتعرف عربي كويس جداً.
ليلى : أنت فيه ايه مالك؟!
شادي : مخنوق و على أخرى.
ليلى : ليه في حاجه حصلت في الشغل؟
أمل : بعد اذنكم.
بدر : اتفضلي يا طنط.
دخلت أمل المطبخ مرة تانية.
(التليفزيون شغال)
شادي : شايف يا بدر اللي بيحصل؟
بدر بحزن : حاجه توجع القلب بس بأيدينا ايه؟
ليلى : فعلاً عجزنا دا هو أكتر حاجه مفروض نحزن ليها.
سيرينا : دي ا§ر**ائيل صح؟
شادي بغضب : نعم!!
إسمها فلسطين!
سيرينا : مش هتفرق
اصلا الصراع دا بقاله كتير
و انا ليه وجهة نظر بصراحه في الموضوع ده.
شادي : اللي هو ايه؟ و بعدين برضو اسمها فلسطين
و مسموش صراع دا لما يكون طرفين ليهم حق عند بعض
لكن دا طرف صاحب الأرض و التاني محتل غاصب للأرض.
سيرينا : اوكيه حتى لو زي ما بتقول
فـ العرب هما اللي مش عايزين يتنازلوا فيها ايه لما كلنا نعيش في سلام طول ما في إرهـ..اب بالشكل دا مفيش حد هيعرف يعيش.
شادي : إرهـ...اب من مين بقى علشان أنا مبقتش فاهمك
من أصحاب الأرض اللي بيدافعوا عنها و لا من المحتل؟!
سيرينا : أنت شايف مين صاحب الأرض؟
شادي : أنا شايف إن صاحب العقل يميز  الدخيل على الأرض دي هو المحتل !
سيرينا : الأرض كلها ملك ليهم يعيشوا الاتنين في سلام.
شادي : خلاص حضرتك خديهم عندك في بلدك و عيشوا مع بعض في سلام سهله اهيه !
ليلى : حاول تهدأ.
شادي : أنتِ مش سامعه كلامها اللي يخرج الواحد عن شعوره.
سيرينا : ليه بتكرههم مفروض إنك مسلم يعني تحب كل الناس و مفيش في قلبك حقد أو كره لفئه معينه.
بدر : ممكن نقفل على الموضوع ده.
شادي : لا استنى علشان  النقطه دي بالذات لازم يترد فيها
كرهنا للمحتل دي فطرة حضرتك احنا بنكره الظلم
يعني لو من الصبح كده جه حد اعتدى عليكي و اخد بيتك انتِ هترحبي بيه و بكل حب هتخرجي منه يا سلام على الإنسانية !
بدر : أنا بقول نقوم نمشي.
سيرينا : لأ طبعاً بس هما شايفين إن دي أرضهم و الطرف التاني شايف إن دي أرضه فالحل إنهم يعيشوا مع بعض.
شادي : حاجه اخيره هقولهالك علشان بس أنتِ عايشه بعيد عنهم لكن إحنا اللي موجودين هنا شوفنا من ارهـ... ابهم كتير
أهالي بورسعيد و السويس و إسماعيليه أرض سينا اللي خرجناها منهم بعد ما قدمنا ارواح كتير من أجدادنا
أطفال مدرسة بحر البقر تشهد على إرهـ.. ابهم لو شايفه إنهم كيوت و مظلومين خدوهم عندكم أهو تريحونا منهم.
بدر : خلاص بقى يا شادي.
شادي : خلاص ايه مرات حضرتك بتساوي بين اللي بيدافع عن أرضه و بين المحتل اللي بيقتل و يهجر أصحاب الأرض
بتساوي بين العزل اللي بيتقتلوا من غير سلاح و بين اللي معاهم بنادق و رصاص حي و جرافات بتهدم بيوت
بتساوي بين اللي بيدافع
عن مقدساته و بين اللي بينتهك حرمتها أنت ايه يا اخي ما تفوق بقى أنت مش مركز في الكلام اللي بيتقال قدامك و لا ايه؟!
ليلى ' اهدا بس يا شادي.