Nalukot akong nawng sa dihang gitawag ko ni mama.
"Jia! Paglutog sud-an para panihapon."
Nisamot ug kaulbo akong kaspa.
Nyati nganong ako ra man permi?
Akong gilantaw akong manghod nga gatiktok ra sa daplin.
Ang animal way trabaho tibouk adlaw.
Tiktok ray nahibaw-an.
"Unsa may lutuon?!" pinabundak nako pagpangutana.
"Pagluto ug Tinola kay nakapalit kog isda." tubag ni mama nga gahigda ra sa sofa.
Wa koy choice maong nilihok nalang ko.
Giprepare nako ang tanglad lamas, ug isda.
Gilunod nako ang tanglad bahalag wala gihikot.
Gisunod dayon nako ang lamas ug gilunod ang isda nga wa hinloe.
Gibutngan dayon nakog bitsin, magic ug asin.
Giapilan pod nakog kamunggay para healthy.
Paghuman, akong gitilawan.
Nyati, way lami.
Murag nilutoan ug yawa.
Ako dayong gihaon ang kaldero ug mokuha na unta ug bowl sa dihang- -
"Maa! Nangahurot na ang bowl dinhe! Kinsay gakaon?"
"Paghilom te. Naa sa silingan oy. Gihurot ug hulam." sambat sa akong manghod.
"Oh sige kuhaa didto kaw para naa koy sudlan sa sud-an!"
"Ikaw kuha didto." ingon niya.
Halaka wao. Kahilas. Ako pay sugoun.
"Di ka molihok? Di jud tika pakan-on!" ana ko.
Dali dali dayon siyag tindog ug milakaw.
Gahuwat huwat pod ko dinhe aron makakaon nami.
Nyati wa japon siya naabot.
Pila kaminuto, oras ang milabay wa gihapon siya nagpakita.
Aha man diay tong animal?
Mapan-os nalang siguro ning giluto nako wa gihapon siya.
"ATE! ABLIHI BI KAY BUG-AT KAAYO!" siyagit sa akong manghod sa gawas.
Kanus-a nabugat ang yahong?
Dali dali pod kog dagan para ablihan ang pultahan.
Pagabri nako, bahong anso ug tae ang mitagbo sa akoa.
Yawa.
Bowl man nga butngan ug sud-an ang akong gisugo.
Ug nganong bowl man nga kalibangan ang gidala sa animal?!
