ملاذ : ي مجاهد ما شفت صحبك دا كان عايز يمقلبني كيف 😟
"مجاهد رفع يدو عشان يضرب ملاذ كف بس فارس مسك ليهو يدو".. فارس : ما حرام عليك تخلي يدك تهبش الزولة القذرة دي!.. ملاذ : هوووي احترم نفس.. فارس : اسمعيني هنا انتي آخر زول فينا بقدر يتكلم عن الإحترام.. وعايز ازكرك انو الله في والله شايف ااي شي والدنيا يوم ليك ويوم عليك وحيجي اليوم الحتندمي فيهو على أفعالك دي.. مجاهد : اصلو من زمان ما برتاح ليك نهائي والظريفة شنو ابوي وابوك بخططو ل عرسنا وما عارفين بتهم واطية كيف..ملاذ : حتى لو كلمتهم حانكر وما حيصدقوك وانت لي انا براي.. مجاهد : عين قوية وقلة حياء مع بعض!!.. ياخ الله يشفيك والله "في اللحظة ديك ابو مجاهد اتصل عليهو وفجأة".. مجاهد : منو؟؟ حادث شنو يا ابوي.. انا ما فاهم شي.. جاي جاي عليكم يا ابوي.. فارس : في شنو ي مجاهد الحاصل شنو؟!!.. مجاهد والعبرة خانقاهو : عمي عبد الله عمل حادث وحسي في المستشفي.. ملاذ بقت بتكورك : ابوووي ماالووو يا مجاهد ابوي مالو😭.." مجاهد فات وخلاها واقفة.. فراس لحقو سريع ومشوا على المستشفى".. ملاذ : الو محمد تعال جيب العربية سريييع.....
"في المستشفى"
مجاهد : اها يا ابوي الحصل شنو عليك الله.. الحاج مصطفى والعبرة خانقاهو : عمل حادث مع دفار!!.. مجاهد : لا حول ولا قوة الا بالله "ودموعو بدت تنزل".. فارس : استهدي بالله يا مجاهد وادعي ليهو بس وان شاء الله ربنا حيقومو بالسلامة.. نفيسة : استغفر ربنا يا مجاهد وقوم صلي ركعتين
"بعد مرور عدة ساعات"
مجاهد : اها يا دكتور طمننا.. الدكتور : المريض اتشلى شلل كلي وان شاء الله مع الزمن بتحسن.." صوت البكا ملى المكان وبعد شوية الناس هدت واتقبلت الواقع.. مجاهد مشى قصاد ملاذ وقال ليها".. مجاهد : إن شاء الله تكوني فرحانة بعد خيالك بقى واقع..
وقفة
اصلو القليبو اسود حسود.. مليان كره وانسان حقود.. مااا بمش قدام ومن مكانو الواطي اصلو ما بيفوت..وحيجي اليوم الفيهو يتجرح وينضرب باقسى الردود!!
ميوس💜
" فارس اتصل على تمنة عشان يجي يوصل نفيسة وصحبتها البيت ولمن جا وسلم على مجاهد وكفر ليهو مشى ل نفيسة وسلم عليها وإيمان كانت في الحمام ولمن جات.. عاينت ل تمنة من بعيد وانصدمت وطلعت طوالي بدون تكلم تمنة.. نفيسة بعد ما انتظرت كتير اتصلت على إيمان وإيمان قالت ليها : حصل لي ظرف ومرقت بدون ما اكلمك معليش.. نفيسة : ولا يهمك.. بس خلي بالك من نفسك".. تمنة : صحبتك دي وين ياخ.. نفيسة : إيمان قالت مشت ي تمنة.."تمنة اول ما سمع الاسم خشى في نفس الحالة ديك وعيونو حمرت.. نفيسة لاحظت ليهو بس ما سألتو.. مشت عشان تسلم على مجاهد.. ولمن نظراتهم اتلاقت حست كأنو بقول ليها خليك معاي وما تمشي محتاجك جمبي!!.. جاوبت ليهو بنظراتها انا جمبك للنهاية وروحي ملازماك دايماً حتى لو كنت بعيدة 💜"
فارس : ربنا يقومو بالسلامة يا ملاذ.. ملاذ : أنا بعتز.. فارس :دا ما وقتو.. ادعي لابوك بس حسي.. ملاذ : إن شاء الله
مجاهد : ما قصرت يا فارس والله.. امشي ارجع البيت و ارتاح
فارس : ما بمش واخليك وراحتي جمبك.. مجاهد والعبرة خانقاهو : تسلم يا اخوي.. فارس : الله يسلمك يا اخوي 💜
في بيت فارس
نفيسة : يا تمنة ممكن أسألك سؤال.. تمنة : اها قولي.. نفيسة : قصتك شنو مع اسم إيمان.. لاحظت ليك كل ما اجيب سيرة الاسم دا شكلك بتغير.. تمنة : دي قصص كبيرة عليك يا بتنا.. نفيسة : كنت بتحب وحدة اسمها إيمان ولا شنو.. تمنة بإبتسامة : والله ما شاء الله كبرنا وبقينا نعرف الحب.. نفيسة جواها : الحب جاري في عروقي يا تمنة كيف ما اعرفو!!.. نفيسة : احكي لي أمكن ترتاح.. تمنة : قومي قومي ختي لينا العشاء عليك الله.. نفيسة : طيب حاضر.. "لمن نفيسة قامت تمنة ناداها وقال ليها". تمنة : ماف شي اسمو حب ي نفيسة.. كلو أوهام بس!!.. يتبع
