"فارس دق باب تمنة كتير ووقف ووقف بس ماف ااي رد.. مر كم يوم على الحالة دي وتمنة ما بطلع من غرفتو الا يكون البيت فاضي"
فارس : اخوك دا وضعو كعب شديد يا نفيسة.. وانا كل يوم بقيف جمب بابو وبسمع صوتو وهو ببكي 💔!!.. نفيسة : والله ما صدقت انو تمنة القديم رجع.. وحسي تاني اتغير 360 درجة!!
..فارس : حاسي اني مقيد وما قادر اساعدو نهائي!!.. نفيسة : نحن ننتظر شوية ولو الوضع دا استمر كتير يبقى في مشكلة بالجد!.. فارس : إن وجدت كلها ايام وتعدي وكلو ل خير.. نفيسة : إن شاء الله والله.. صحي اتزكرت ما وريتك.. فارس : اها قولي.. نفيسة : الليلة شفت ملاذ في جامعتنا.. جات من الصباح بسم الله.. وأول ما شافتني عاينت لي بطريقة كدا ما مفهومة وابتسمت!!.. فارس : ابتسامتك في وجه أخيك صدقة يا نفيسة 😂.. نفيسة : لو كانت ابتسامة صدقة ما كنت وريتك.. الزولة دي ابتسمت ابتسامة خبث كدا لمن خفت والله.. فارس : ما تخافي يا بتي.. ما بتقدر تعمل ليك حاجة مدام انا جمبك 💜.. ومجاهد زاتو جمبك 😉.. نفيسة بقت بتضحك وفجأة في اتصال جاها.. فارس : جبنا سيرة القط جانا ينط! 😂.. نفيسة بخجل : خليهو ما حرد عليهو أصلا أنا لسسة زعلانة!!.. فارس : ما تقولي لي من كلمة ملوذة دييييك.. نفيسة بقت بتضحك : عرفت كيف يا الشقي!! 😂.. فارس : اخوك داااهية يا بتي 😌.. ربنا يحفظني بس.. نفيسة : ربنا يخليك لينا يا اخوي 💜.. فارس : ويخليك لينا ول مجاهد ي بتي 😉💜.. بكرة ان شاء الله ناوي أجي جامعتك بدري اصلا فاضي وما عندي دوام.. نفيسة : عشاني ولا عشان زول تاني 😉.. فارس : الاتنين 😂.. نفيسة : اصلا بعد دا حتبدا تنساني مش 😔.. فارس : انتي عويرة ي بت؟.. اوعك تعيدي الجملة دي تاني.. انتي أغلى بت في حياتي والله 💜.. نفيسة : كذاب 😔.. فارس : الله يعين مجاهد على الغيرة الشديدة دي 😂....
"جا الصباح وفارس لمن صحى كان متشوق شديد ل شوفة إيمان ومنتظر متين وقت طلعة نفيسة يجي عشان يمشي يسةقعا مع مجاهد.. لقى في دولابو ورقة معلقة ومكتوب فيها : معليش يا فارس اول مرة احس اني ما قادر احكي ليك.. بس بوعدك اول ما اقدر انا حاطلع براي من الغرفة واحكي ليك.. تمنة
"فارس حسى بإرتياح شديد لمن قرأ الرسالة ومشى وقف جمب باب تمنة وقال ليهو : وانا في انتظارك يا اخوي.. تمنة قال مع نفسو : إن وجدت دي ما تكون آخر مرة تقول لي فيها يا اخوي!".. فارس : أنا ما قادر انتظر لحدي ما دوامك يخلص.. ارح انا بوصلك الليلة.. نفيسة : احم احم.. ابرد شوية يا روميو 😂.. خلاص حادق للترحيل واقول ليهو ما يجيني. فارس : ااي ااي سريع عليك الله.."نفيسة بتمشي الصباح بترحيل وفي الرجعة بترجع مع فارس ومجاهد "
" اول ما فارس ونفيسة وصلوا الجامعة لقوا مجاهد في وشهم.. وكان شكلو متغير ومصدوم شديد وقال ل فارس : بنصحك ما تخش جوا وتعرف الحاصل!.. فارس : في شنو؟؟.. إيمان مالها يا مجاهد؟؟؟.." فارس دخل ولقى كل الناس ملمومة وبتعاين في الحيطة..لمن مشى ودخل وعاين ما قدر يصدق عيونو!!.. شاف في الحيطة صورة مفبركة ل إيمان وهي ما محتشمة💔!!.. في اللحظة دي إيمان يادوب جات ولاحظت انو كل الناس بعاينوا ليها والشمتان شمتان والبضحك بضحك!!. ما اشتغلت بيهم وكملت طريقها بس شافت فارس واقف قدامها واخيرا شافت صورتها 💔.. أو بالأحرى صورتها الما صورتها!!!.. إيمان بقت بتبكي وما قادرة تسوعب الحصل وطوالي طلعت من الجامعة ونفيسة لحقتها.. فارس دخل في حالة ما طبيعية ومشى شرط الورقة حتة حتة وبقى بكورك في ناس الجامعة كلهم : انتو كيف ترضو بالمنظر دا وواقفين وبتتفرجوا كمان!!.. معقولة الجامعة دي كلها مافيها زول واحد ولو بالغلط عندو ضمير واحساس!!.. انت ما عندك اخت؟؟.. ولا انتي بترضي الحاجة دي ل نفسك؟!!!.. واحد من الأولاد : نحن ذنبنا شنو لو هي عديمة شرف!!.. "فارس هاج في الولد وبقى بضرب فيهو لمن حاجزوهو اولاد.. فارس : إيمان دي اشرف منكم كلكم فاهمين.. منكم كلكم!!.. دا منو العلق الصورة دي.. دا منو؟؟؟!!!.." الجامعة كلها التفتت لواحد من الأولاد وأول ما فارس عاين ليهو الولد قام جاري وطلع من الجامعة وفارس جرا وراهو لممن قبضوا.. فارس ما قدر يضربو لانو عارف الناس حتتلمى ويحجزوهو والولد ممكن يهرب تاني!!.. فارس : قبل ما اوديك السجن وتتسجن على الجريمة العملتها دي عايز اعرف البت دي سوت ليك شنو عشان تأذيها كدا!! الولد وهو برجف : لالا عليك الله السجن لا.. والله انا ما بعرف البت دي اساسا والله عليك الله ما تخرب لي مستقبلي.. فارس : مستقبلك؟!!!..بتقدر تخرب حياة بت بس خايف على مستقبلك يا واطي!!.. اديني اسم الزول الدفع ليك عشان تعمل جريمتك الوسخة دي!!.. والولد : ملاذ.. بت اسمها ملاذ والله ما عارف عنها ااي شي تاني.. فارس اول ما سمع الاسم فك الولد واتصدم وما عرف يمشي وين أو يعمل شنو!!
"بعد مسافة فارس رجع الجامعة وما لقى نفيسة.. اتصل عليها وورتو مكانهم.. فارس مشى ليهم وحيلو ما شايلو من الصدمة.."
فارس : ارجعي يا نفيسة محاضراتك حتبدا.. نفيسة : حاضر يا اخوي.. ما تزعلي يا ايمان يا حبيبتي بتتحلى بإذن الله.. إيمان وهي لسسة بتبكي : إن شاء الله.." نفيسة مشت وخلت فارس واقف مع إيمان"
فارس : ما تشيلي هم انا عرفت العمل كدا منو وان شاء الله حيتعاقب.. إيمان وهي بتبكي : وشرفي الضاع حيرجع كيف يا فارس.. حيرجع كيف فهمني 😭.. فارس : عارف انو دا ما الوقت المناسب بس حأقول ليك اني دايرك بالحلال و ولو الدنيا كلها وقفت ضدك حأكون معاك للنهاية 💜.." إيمان انصدمت شديد ووقفت بكا بس فجأة مسحت دموعها ومشت بدون ما ترد!!.. فارس مشى وراها لحدي ما وصلت بيتها وقبل ما تدخل وقفت وقالت ليهو : ما تتعب نفسك وتمشي في طريق مسدود ومافيهو أمل انك تصل.. فارس : الرجلين اتخلقت للمشي. وانا حافضل امشي لحدي ما اصل.. إيمان : صدقني حتتعب يا فارس والله حتتعب وانت بالجد بتستحق الأحسن.. فارس : ما عايز الأحسن منك.. عايزك انتي وبس.. إيمان : مستحيل نبقى ب بعض صدقني! ودخلت البيت وقبل ما تقفل الباب فارس قال ليها : طيب وريني سبب واحد ب كلامك دا يا ايمان.. إيمان قالت ليهو : اسأل اخوك تمنة وطوالي قفلت الباب وقعدت في الواطة وبقت بتبكي!!.. يتبع
