💕أنت قلبي٢💕

الحلقة ١١٠

#انت_قلبي٢
#بوسي_مصطفى
______
الحلقة ((( ١١٠ )))  على الواتباد

فريدة : مش مفروض إنه كان بيضايقها و...
و سكتت فريدة..
ندى : ما أنا دماغي مش مستوعبه اللي بيحصل دا أنا قولت إنه بيكرهها.
فريدة : ما محبه إلا من بعد عداوة.
ندى : يمكن بس مش دي المشكلة.
فريدة : عارفه و اخوكي بيستهبل بقولك ايه أنا دماغي خلاص حاسه إن فيها عماله تدور يمين و شمال و مبتهداش
معندكيش حاجه قويه غير البنادول أصله مش جايب نتيجة.
ندى : قصدك ايه يعني عايز تاخدي ممنوعات يا فريدة؟!
فريدة : ممنوعات ايه انتي عايزة توديني في داهيه!
أنا أقصد حاجه بتاخديها يعني للصداع الشديد ده.
ندى : لا معنديش.
فريدة : مش قادرة خلاص.
ندى : أدخلي نامي شوية تلاقي دا من الإرهاق علشان مبتناميش كويس.
فريدة : قلقانه طول الليل و محدش اصلا بينام لا أنا و لا كريم و لا علاء مفيش بس إلا عيني يدوب غفلت كده على الكنبه دي امبارح بس قومت بعدها دخلت جوه اتحايل على النوم ابدا مش عايز يجي.
ندى : طيب خدي منوم.
فريدة : اروح اجيبه من الصيدلية؟
ندى : بصي هو دا مجرد اقتراح يعني بس أنا شايفاه إنه مش صح هتتعودي عليه.
فريدة : لا دا مؤقت بس.
ندى : أنتِ حره أنا قولتلك حل و في نفس الوقت فكرتك ب النتايج السلبيه بتاعته.
فريدة :"انتي هتحيريني ليه؟! يا ريتني ما سألتك.
ندى : معلش يا فريدة اجمدي اليومين دول و خليكي جنب جوزك.
فريدة : ليه بتقولي كده أنتِ شايفني مثلا بتدلع يا ندى؟!
ندى : ييييه على سوء الظن بتاعك يا بنتي مش قصدي بس شايفكي مرهقه فبحمسك يعني إنك تجمدي علشان عزيمتك متقلش.
فريدة : ندى طنط سميرة بالنسبالي مش حماتي هي مرات عمي اللي ربتني مع ماما و فاكره ذكرياتنا مع بعض و اوقات لما كنت برجع من المدرسة ملقيش ماما في البيت تنادي عليه علشان اتغدا معاها و اقعد عقبال ما ماما ترجع علشان مقعدش لوحدي بس أنا كنت بتكسف و مواقف تانية كتير.
ندى : اكيد كنتي بتتكسفي من كريم.
فريدة بإبتسامة : منهم هما الاتنين على فكرة أنا اكتشفت إن قصة حب كريم ليه دي من زمان قوي بس أنا كنت مغفله
ندى : و ايه الجديد يعني ما انتِ طول عمرك مغفله!!
فريدة : ندى متخلنيش ازعلك.
ندى ' بقولك ايه أنا طالعه اجهز الغدا و هنزلك تاني سلام.
فريدة : هتنزلي تعملي ايه؟!
ندى : رخمه.. انا هنزل اطمن على طنط سميرة مليش علاقة بيكي ها.. سلام بقى.
___________
في شقة جد ليلى...
جد ليلى : مبتاكليش ليه يا ليلى؟
ليلى : ما أنا باكل أهو.
جد ليلى : طبقك زي ما هو بلاش تضحكي عليه.
ليلى : ممكن اسأل حضرتك سؤال؟
جد ليلى : طيب ممكن الأول تجبيلي دوا السكر من جوه أصل نسيت اخده.
ليلى : حاضر... بس هو فين بالظبط علشان مدورش كتير.
جد ليلى : في الدرج اللي جنب السرير على ايدك اليمين و أنتِ داخله.

دخلت ليلى جوه و بتاخد الدوا من الدرج.. لمحت صورة لشاب لكن الصورة كانت قديمة
بتتأمل في ملامح الشخص اللي في الصورة..
اتأخرت شوية و جدها بينادي من بره مسمعتش قام يشوفها اتأخرت ليه..