#جواهر_محطمة
#للكاتب _ محمد_ ابو جود
#البارت_الثالث
شنسّى مِنك؟
حدةَ الصوت وسمارك طولك ونَبرة ضحكتكّ والحچايات الحَنينة المنها صِرت اعشگ لهجتك ..
شنسّى مِنك؟
شيخ سرحان : بوية جواهر احجيلي شنهي موضوعج ويا ابوج و مرتة
جواهر: ضليت احجي و ابجي ... شيخ والله تعبت والله موتوني ذل و قهر الله وكيلك مرت أبوية مو محترمة و ابوية صاير محبس عدها والله مرة عزمت صديقتي و ضربتني كدامهة و طردتها و ما تحترم امي والله امي تتمرض تريد علاج و مرت ابوية تكول ماكو داعي هسة اطيب و ما تخلي ابوي يجيبلها علاج و التنظيف كلة علية اني و امي و كل مرة توز ابوية علية و تخلي يكتلني والله جسمي صار متعود ع الضرب و هسة هاي اخر شي تعاركت وياها لان تريدني اغسل الملابس و اني عندي امتحان
و راحت وزت ابوية خلتة يحرك كتبي و ملابس مدرستي و الله اني من حركت گلبي ركضت عليها ضربت رأسها بالحايط و خنكتها و حتى على صوت الصريخ التمن نسوان جوارينة و ابوية من عرف صعد سكطني بالضرب لحد ما شردت و اجيتك والله تعبت والله للصبر حدود اشكد ما اصبر
و اكول يجي يوم و تنعدل مرت ابوي بس ماكو ولا تتغير نفس الطاس و نفس الحمام والله صدك لو كالو طبع البدن ما يغيرة الا الجفن والله نذليت هواي عايشة بغربة و اني بنص اهلي والله تعبت تعبت اتمنى اموت و اخلص
جواهر : رفعت راسي لكيت ام سرمد و زوجت سرمد و رقية و سكينة يبجن وياي و الشيخ مبين ضايج و مقهور
شيخ سرحان : اعوذ بالله من هيج بشر ما عدهة مخافة الله حسبي الله و نعم الوكيل بيهم بوية شنهي الحل الي يرضيج و اني جاهزة الة
جواهر : ما ادري شيخ بس اني داخلة على الله و عليك ما عندي غيرك يساعدني
شيخ سرحان : ان شاء الله بوية ما يكون خاطرج الا طيب بوية سكينة اخذي اخيتج خلها ترتاح
جواهر : كمنة بالغرفة ضلن كاعدات يمي كلهن شوية و رقية شهكت و ضربت على خدهة
الكل : شكو
رقية : اكو شغلة ابالي اذا طلعت صدك هسة اجيجن
مرت سرمد : الحمدلله و الشكر البنية خالص عقلهة
سكينة : من زمان توج دريتي
جواهر : شوية و راحت مرت سرمد و اني فرشتلي سكينة و نمت بالكوة نمت و اني بس اتگلب و افكر بالمستقبل المجهول وين اخرتي يا ترى
ثاني يوم كعدت الساعة بالعشرة لكيت البنات ماكو بالغرفة ضليت كاعدة بمكاني استحي اكوم
شوية و دخلت ام سرمد
آم سرمد : صباح العافية يمة
جواهر : هلا عمة صباح الخير
ام سرمد : كومي يمة ليش كاعدة وحدج تعالي محد بالبيت الولد و الشيخ كلمن راح لشغلة
جواهر : اي عمة هسة جاية ،،، كمت غسلت وجهي و رحت للمطبخ يم البنات وصلت للباب و سمعت رقية
