#جواهر_محطمة
#للكاتب _ محمد_ ابو جود
#البارت_الرابع
و من گتلك
اموت بدون ما اشوفك چنت چذاب
لا خلف الله ع الچيلة التحطلي صواب
مِنا و انتهت و الباب يوسِع باب.
الطفل : ياسر راح لبيت الصايغ ابو جواهر و متعارك ويا و بالكوة فاككوهم
جواهر : بس سمعت كلام الطفل لطمت على خدي و حسيت الدنيا بدت تلعب بية متت من الخجل و الفشلة كدام بيت الشيخ سرحان هاي صارتلهم مشاكل بسببي
لشوي و اجت ام سرمد
زوجت سرمد : هاا عمة شصار
ام سرمد : ياسر رايح هاد على بيت ابو جواهر و متعاركين بيناتهم متكامشين و الناس فاككتهم و ابو جواهر راد يرفع عليه قضية بس ادخلت الناس و سكتو و هسة كاعدين ابيت ابو جواهر
جواهر : خالة اني اسفة كل هاي المشاكل صارت بسببي
ام سرمد : فدوة لطولج اروحن يمة لا تحجين هيج هاي المشاكل مكتوبة علينة
جواهر : ضليت ساكتة و كلنا قلقين على الشيخ لان اتأخر حيل لليل يلة اجة اول ما دخلت تلكتة ام سرمد
ام سرمد : شني حجي اتأخرتو بشرو شصار و ياسر وين
سرمد : باجر عمام ابو جواهر يجون علينة يفاصلون علمود السالفة الصارت ناس لا حياء و لا خجل ولا شرف جايين يهدون علينة لان حامين شرفهم الكواويد
شيخ سرحان : لا تحجي ع الناس يا سرمد
ام سرمد : و ياسر وين
سرمد : ما قبل يرجع للبيت بقى برة
ام سرمد : و شني سالفة البنية جواهر شصار عليها
سرمد : البنية مخطوبة لواحد و منطين الموافقة اهلهة
زوجت سرمد : بس جواهر تكول ما مخطوبة اخر مرة انخطبت قبل شهرين و ابوهة رافضهم
سرمد : اي صح بس هسة جايينها ناس من اقارب مرت ابوها و ابو جواهر منطيهم البنية
جواهر : عرفت السالفة بيها امل و ادري كلشي لعبة من عدها ثاني يوم اجو زلم معكلة بيهم بالعشرين نفر و ابوية و كم زلمة خير من المنطقة ،،، رحنة اني و ام سرمد و زوجت سرمد يم باب الاستقبال نتسمع عليهم
شيخ ياسين: الله بالخير يا جماعة
الكل : الله بالخير و العافية
شيخ ياسين : اي يا شيخ سرحان انت تعرف ليش احنة جايين عليكم
شيخ سرحان : اي نعم اعرف شرفتوني بجيتكم و على راسي
شيخ ياسين : سالم راسك و عامرة ديارك احنة ولو زعلانين عليك
شيخ سرحان : الله لا يجعل زعل بيناتنة
