صار عندي غلط بالبارت السادس حبيت اوضحلكم ريحان كانت متزوجة سلام مو ياسر للتوضيح و سلام استشهد
يعني زوج ريحان و ابو شاهين هوا الشهيد سلام
#جواهر_محطمة
#للكاتب _ محمد_ ابو جود
#البارت_السابع
هذا البارت يوضح حياة اهل حسن يعني ما بي احداث مهمة
من لگيتك چن لگيت الكون
محبس من عقيق ،
وحآير بـ يآ چف آضمه !!
ضلت امي تخابر اندكت الباب مال الشارع رحت فتحتهة انصدمت و اني اشوف كدامي ابوية سكران دفعن و دخل كعد بنص الكراج مال البيت و ضل يصيح
ابو حسن : عبيييييييير ( عبير هي ام حسن)
ريحان : عزااا بابا فدوة اسكت راح ننفضح
ابو حسن : معليج صيحولي عبير حبيبت گلبي
ريحان : درت وجهي شفت حسن و امي واكفين اباب المطبخ و حسن صاير نار
حسن : سكتي ابوج احسن ما اجي ادفنة بكاعة
ريحان : بس إهداء لخاطر الله ما تشوف مو بوعية
حسن : بوعية مو بوعية سكتي احسن
ريحان : كوم بابا ادخل للاستقبال
ام حسن : ما يدخل لبيتي و هوا سكران
ريحان : يمة الله يخليج لعد وين اودي بس خلي اكعدة بالاستقبال ،،، ضلت ساكتة امي و اني اخذت ابوي للاستقبال كعد بالكاع و ضل يبجي
ابو حسن : اريد عبير كليلها والله اني مو غلطان والله مو غلطان
ريحان : اوووف يا بوية ان كنت غلطان لو مو غلطان انت سويت عملتك و طاح الفاس بالراس
ابو حسن : بس اني احب عبير و ما اريد اعوفهة كليلها اسويلهة عرس جبير بس خل ترجعلي
ريحان : ههه بوية عبير صارت عجوز وينهة وين العرس
ابو حسن : اني ما غلطان همة اولاد الكلب ضحكو علية
ريحان : و مع ذلك انت غلطت و نتيجة غلطك امي تركتك و بيبيتي ماتت ،،، ضل يبجي لحد ما نام و هوا يهمس بأسم عبير طلعت من الاستقبال لكيت امي كاعدة تسبح و تستغفر ربهة
ريحان : يمة ليش ما ترجعيلة والله متندم كافي الزعل صارلة اكثر 25 سنة يعني من قبل لا تولدين حسن انتم متزاعلين و اليوم حسن عمرة 25 سنة بعد شتردين اكثر من هل زعل
ام حسن : والله والله والله لو تنطبك سابع سما على سابع ارض ما ارجع لابوج اذكرج بعملتة لو ماكو داعي
ريحان : ضليت ساكتة و امي دخلت للغرفة و حسن طلع برة البيت ضليت كاعدة و صافنة بالفراغ و رجعني عقلي لهذاك اليوم الاسود الي صار بي كلشي و امي و ابوية بسببة انفصلو و بيبيتي ماتت بقهرهة
