#جواهر_محطمة
#للكاتب _ محمد_ ابو جود
#البارت_التاسع
لا ما تحس !! ، و انه ادري
بيك شكد نَحس ..
و لو دمعي حط چادر حِزن يم غيبتك ،
ضحكاتك تچودر عِرس ..!
ريحان : رحت كعدت شوية و عم الصمت بالمكان و الكل مصدوم من شفنة جواهر نزلت لا مكياج و لا فستان
جواهر : من نزلن نهاد و ريحان كمت بسرعة طلعت الملابس الجوة المخدة و كمت مسحت المكياج كلة و فليت التسريحة و لفيت شعرية كباية و لبست دشداشة سودة و عصابة سودة و حجاب اسود و شكلي صار مثل الارامل و العدهن فواتح نزلت جوة كلها سكتت و صفنت علية و وحدة تلفت للثانية و يرجعن يباعلي كامت ريحان
ريحان : جواهر شنو هاي وين الفستان و التسريحة و المكياج
هاجر : بس لحظة عرفينة ع الاقل هاي جنتكم ال هههههه الحلو ههههههه
ريحان : صمي حلكج و انطمي لا اجي انعل والديج
ام هاجر : ريحان احترمي نفسج مو جهال كدامج
ريحان : بلي جهال و نص و اذا انتي و بنتج ما تسدن حلكجن اجي اشكة الجن بالقندرة
هاجر : قندرة على راسج و راس اهلج
جواهر : احترمي نفسج و اخذي امج و برة بيتنا يلةةةة
ام هاجر : حلووو حلو والله الجنة و حماتهة متفقات علينا
جواهر : ترى الدنيا لاعبة بية جولة و زايعة الاحترام اني قسماً بالله اذا ما تولين انتي و الجلبة مالتج الا اخلي عياطج يوصل لسابع جار
امل : احترمي نفسج و انتي تحجين ويا اختي
جواهر : املللل خلي اختج تطلع من البيت احسن ما اطلعجن محملات اثنينجن يلة
هاجر : امشي يمة امشي هي ضلت علينا بس العاهرات
جواهر : هههه اني عاهرة يلة لعد مدامني عاهرة ما علية عتب ،،،. ركضت على هاجر و جريتها من شعرهة و هي جرتني من الحجاب من حركة كلبي ضليت اضرب بوجهة بوكسيات و هي تخرمش بية و صريخنة صار عالي و النسوان بس يفاككن ما يكدرن و ابوي طلع من الاستقبال و الزلم تصيح شكو شصاير بالكوة فاككونة طلعت هاجر خشمهة يصب دم و اني شعري مهوس و وجهي مخرمش
نهاد : عزا العزاجن مو بنات
جواهر : التفتت لابوية و كلتلة خلي الشيخ يجي يعقد يلةة ،،، دخل ابوية للاستقبال
ريحان : تعقدين بالاسود
جواهر : اي شبي الاسود يخبل
ريحان : يا عيني ما يصير
جواهر : غير الاسود ما البس و اذا ما يعجبكم اعوف العقد و اصعد
ريحان : تقربت عليها و حجيت بصوت ناصي ... انتي بفعلتج هاي دا تصغرين امي كدام النسوان
