#جواهر_محطمة
للكاتب _ محمد_ ابو جود
#البارت_الثاني _عشر
جواهر : طلعو كلهم ضليت كاعدة و كلمة حسن تتردد بعقلي ( و حق من احق الحق و احل القسم يا جواهر الا احطمج و اكطع عنج الهوى )
كمت و اني اجر ذيال القهر وياي صعدت لغرفتي حطيت راسي ع المخدة و صفنت يا ترى راح تخرب حياتي اكثر من ما هي خربانة لو شنو مصيري يا ترى ما اعرف اشلون اخذتني النومة كعدت الدنيا ليل كلش كمت بطني موتتني من الجوع بدون اكل
نزلت لكيت امي و امل كاعدات بالصالة ما حجيت وياهن شي رحت للمطبخ سويت لفة مال جبن و رجعت ردت اصعد
ام جواهر : جواهر ابوج اتفق ويا حسن من الصالون و گبل للقاعة زحمة منا تطلع الزفة
جواهر : ما رديت اي شي لان هل زواج ما هامني و لا راح يهمني هل زواج مثل القبر راح يخنكني
ضليت كاعدة للفجر اقرا قرآن كمت صليت الفجر و جهزت نفسي لحد الساعة 7 اتصلت علية ريحان كلتلي جايتج بالطريق
ريحان : رجعنة للبيت حسن عصبي نار و لا حجيتة ويا حرف لليل سوو حنة مال ولد برة و اجن عماتي كلهن و خالاتي و بناتهن و اكيد الكعدة ما تحلى بدون سم الحية هاجر
هاجر : يعني والله ما اعرف حظ حسن شنو ما لكيتو غير جواهر تركبونهة بحسن
بتول : و شبيهة جواهر لعد تردين مثلاً نركبلة وحدة مثلج
ريحان : هاجر لا تدخلين بحسن لا تنسين انتي و امج و كل عماتي حسن لا يحبجن و لا طايقجن
ام هاجر : ها خير شبيج گبيتي علينة شمسوين
ريحان : ايبااااخ شمسوين اذكرج بهاجر و شسوت بحسن
الرجوع بالزمن....
ريحان : بيوم من الايام حسن راح هوا و اصدقائة للحلة يزورون العلوية شريفة و امي جانت يم الجوارين اندكت الباب رحت فتحتهة جانت هاجر سلمت عليها و دخلت
جنت اني اغسل ملابس بالغسالة و واكفة بالحمام و هي ضلت واكفة يمي و سوالف عادي شوية و كلتلي
هاجر : اكلج ريحانة حسن وين بس اريد يشوفلي موبايلي ما اعرف شبي
ريحان : نسيت حسن بالحلة فكلتلها حسن فوك اصعديلة
راحت هاجر صعدت و اني اتذكرت حسن مو هنا ردت اصيح عليها بس كلت لا هسة هي ما تلكا و تنزل كملت الملابس و كعدت بالصالة تقريباً خمس دقايق و نزلت هاجر ركض تصرخ و تبجي صحت عليها ما ترد طلعت من البيت ركض استغربت هاي شبي
امي شوية و رجعت و حسن لليل رجع من الحلة و راحت من بالي سالفة هاجر و ما كلتلهم ما جنت اعرف بالمكيدة الي دا تصير لحسن
ثاني يوم حسن بالشغل و بس اني و امي بالبيت اندكت الباب رحت فتحتهة شفت عماتي اربعتهن و هاجر دخلن بس مبين بيهن شي مو طبيعيات
