💕أنت قلبي٢💕

الحلقة ١١١

#انت_قلبي٢
#بوسي_مصطفى
______
الحلقة ((( ١١١ ))) 

عمار خطيب ملك بيفتح باب الشقة.
عمار بدهشه : طنط!!
هايدي : ايه مالك اتفاجئت كده؟
عمار : اهلا بحضرتك.
هايدي : متشكره ملك هنا؟
سلمى : مين يا عمار؟
هايدي : أنا يا سلمى ازيك؟
سلمى مردتش و دخلت جوه

منه : ايه مالك؟
سلمى : هايدي واقفه بره ياريت تطلعيلها تخليها تاخد بعضها و تنزل علشان متحصلش مشكلة و أنا بصراحه نفسي تحصل علشان افش غلي فيها.
منه : لمي الدور يا سلمى.
سهر : ليه يا منه تلم الدور ايه اللي يجيب هايدي هنا اصلا؟
منه : دا مش بيتي علشان اسأل سؤال زي دا يا سهر.
سلمى : معلش بس دا بيت اخويا يعني بيتي و ميشرفش اخويا ان البني آدمه دي تدخله.
منه : شكلك عايزة تعملي مشكلة يا سلمى.
سلمى : لأ انتي اللي خايفه على مشاعر ابنك و خطيبته معلش عندك حق ما هو خلاص بقيتوا نسايب.
منه : بلاش خلط الأمور يا سلمى
ملك بنت اخويا يعني أنا خطبت لـ ابني بنت اخويا مش بنت هايدي علشان تقولي بقيتوا نسايب.
سلمى : وفاء دخلتها!! وقعتك مهببه يا وفاء.
منه : ايوه روحي اتخانقي مع وفاء كمان.
سلمى : تصدقي خسارة إني ارد عليكي.
منه : متشكره.

تخرج سلمى متلاقيش هايدي.
سلمى : امال راحت فين؟
وفاء : نزلت مع ولادها يا سلمى.
سلمى : و انتي تدخليها هنا ليه؟
وفاء : اطردها يعني يا سلمى
و بعدين لما راجل البيت يبقى موجود هو يتصرف بقى.
سلمى : يا شيخه!!
طب حتى اعملي حساب لـ سهر.
وفاء : سهر فوق دماغي يا سلمى بس انا بلاش تحطيني
في النص.
سهر : خلاص يا سلمى محصلش حاجه.
وفاء : متزعليش مني يا سهر.
سهر : لا يا حبيبتي مش زعلانه منك أنتى صح.
منه : استريحي بقى يا سلمى.
سلمى : معلش هو حد قالك إني تعبانه؟!
منه : لا بقولك استريحي يعني اقعدي.
سلمى : برضه مش تعبانه قولتلك.

تحت. أمام العمارة...
هايدي : لا فيك الخير قوي و بتسأل على مامتك.
علي سكت..
هايدي : على العموم مش دا موضوعنا أصل مش هتجيبه
من بره النداله وقلة الأصل وراثه في عيلة ابوك.
علي نظر لملك و مردش..
ملك : مامي لو في مشاكل بين حضرتك و بابي احنا ذنبنا ايه؟
هايدي : قولي الكلام دا لـ اخوكي.
علي : حاضر.
هايدي : المهم أنا كنت جايه علشان اقولكوا اني قاعدة كام شهر كده عند خالتو يمنى لو حد يعني حب يسأل عني.
ملك : ليه حضرتك قاعدة عند خالتو ؟؟
هايدي : شوية مشاكل كده لما احلها هرجع شقتي.
علي : ايه هي المشاكل دي؟
هايدي : هبيع الشقة.
ملك : ايه!!
علي : و ليه تبيعي الشقة؟
هايدي : محتاجه فلوس و اختك عارفه الكلام دا كويس.
علي : فلوس ايه اللي تخلي حضرتك تبيعي الشقة هو مبلغ كبير للدرجادي؟
هايدي : ايوه.. اسمعوا بقى خلونا في المهم انتو عارفين إنكم ولادي و مصلحتكم تهمني.
ملك : أكيد يا مامي.
هايدي : انا وصلني كلام إن ابوكو
ناوي يكتب نص الشركة للي متتسماش.
علي : مين اللي متتسماش دي؟!
هايدي : هو فيه غيرها مرات ابوك.
علي : هي اسمها سهر و على فكرة مش مرات ابونا بالمعنى اللي حضرتك تقصديه دي أمنا اللي ربتنا و بابي يكتبلها اللي هو عايزة دي فلوسه و هو حر فيها.
هايدي : ايه رأيك في كلام اخوكي ده؟؟
و طبعا لازم يمجد في الست هانم مرات ابوه مش بقول النداله و قلة الأصل وراثه عندكم.
علي : هو أنا لحد اللحظة دي مش فاهم هي عملت ايه لحضرتك لا اتجوزت بابي و حضرتك على ذمته
مع إن دا قرار الرجل مش الست و لا رميت ولادك عند أي حد و كان ممكن تعمل كده على فكرة لاننا مش مسؤلين منها بس هي معملتش كده حضرتك بتكرهيها دي حاجه ترجعلك بس بلاش تشوهي صورتها لاننا برضه مهما سمعنا مش هنصدق غير اللي شافته عيونا و اللي بيفرض علينا إننا نقول كلمة حق في الست دي و بلاش نظلمها أكتر من كده.