عائلتي الجديده

البارت السادس

البارت السادس
الكتابه (سمو الملكه)

يا من لها الأشواقُ تسري في دمي
‏هل تسمعينَ توجّعي وندائي؟
‏مازال يؤنسني خيالكِ كلما
‏فاضت بيَ الذكرى وطال عنائِي
‏لا تحسبي أني نسيتكِ لحظةً
‏ولتسألي وجدي وطول بكائي
‏والله ما لهجَّ اللسانُ بدعوةٍ
‏إلا ذكرتكِ في حروفِ دعائي

امي: البيت بيتك يمه اذا انته متبات لعد منو يبات عدنا؟
فهد: فدوه اروحلج خاله
ادم: بدون لوكه لك عتوي ويله ادعبل بسرعه
فهد: فهد رايح والله رايح بس كافي لاتطرد ذليتنا تره طاح حظك ادم
ادم: دروح شمنتضر لعد
عسل :راحو بيت عمي لبيتهم وبعدين كعدنا بالحديقه بيها ميز وكراسي بس ما اكو مرجوحه ف وصيت بابا يجيبلي مرجوحه لان كلش احبها وحتى بيتنا هناك  عدنا مرجوحه
كال راح اجيبلج بدايه الشهر كتله اوك
واحنا كاعدين كلنا بالحديقه حتى امي وابوي واني مسويه شعري ضفيره وشعري لحد ركبه رجلي طويل حيل وقطعه وحده واسود فاحم يجننن ماكو نفسه ابد دخلو علي واسد للبيت
علي اسد: السلام عليكم
الكل:وعليكم السلام
اسد بقه صافن ع شعري اول مره يشوفني هيج بدون حجاب وكذلتي نازله ع وجهي شكلي يجنن جان رحت اركض جبت شال واجيت استحي من ولد عمي بعدني ما متعوده عليهم ابد
خليت الشال وبقينا ندردش وجبنا كرزات وحب وفواكه وقواطي ببسي اني وشمس وزعنا ع الكل صارت كعده كلش حلوه ل١١ طشينا كل واحد راح بغرفته وعلي واسد بقو بالحديقه اني رحت للصاله وشغلت فلم وفتحت شعري وتمددت ع الطخم وشعري لان جان مظفور صار مكسر يخبل ونزلته وصل للكاع لان جنت متمده اضوج يصير جواي وبقيت اباوع ع الفلم لحد ما غفيت ما حسيت بس علي يكعدني ويلف بشعري ورا اسد واكف صافن صفنه عليه خرافيه حتى من شاف شعري بالضفيره اول مره مصفن هيج كمت كلت لعلي مادري غفيت واني اباوع كال عادي روحي لغرفتكم كملي نومتج حبيبتي
عسل : اوك تصبحون ع خير
علي اسد: اجمعين

صعد فوك كملت نومتي وهمه هم راحو نامو كعدنا الصبح ونفس كل يوم لحد مصارت العصر اجوي اسد وفهد وغزل حتى نروح للمول اسد ع مود علي يطلعون وفهد وغزل يرحون ويانه للمول تحضرنا ولبست بطرون جينز وقميص شويه جان قصير نزلت من الدرجه الاخيره صرت وجهه بوجهه ويه اسد اخذله نظره سريعه ع لبسي ردت انزل من الجهه الخ لان هو كبالي صار رجع صار كبالي
اسد: ترحين هيج للمول؟
عسل: ي هيج اروح لبسي ما بيه شي
اسد: بلي بيه ضيق ومو حلو بدلي
عسل: مااااا ابددددددل
اسد: بكيفج لعد مترحين
كتله ٱوكي عادي ما اروح
عسل: صحت ادم ما اروح وياكم للمول
ادم: هو اني رايح ع مود منو؟ وهو منو صاحب الفكره؟ اذا مترحين ما اروح شسوي رايح اصلا؟
عسل: لااا والله اخذ البنات وروحو تونسو اني ماكدر اروح
ادم: ما اروح اذا مترحين
شمس: الله عليج عسوله تعاي
ادم: ي تلوكيلها حتى اطلعكم
شمس: اذا عسل متروح تره ما اروح عيني استاذ ادم
فهد: لعد احنا مو بعينج ست شمس؟
شمس: لاانتو عيني وبطن عيني هم بس هي ع مود عسل الطلعه
عسل: كاااافي راح اروح بس لحضه واجي احجي واخزر باسد
اسد: بصوت ناصي عيونج لج لا افكسهن الج