الشاب : وشنو الضمان متعلسيني
تبارك : الضمان اني عندك وسلاحك بيدك اذا علستك اكتلني اني والي ابطني
الشاب : شوفي اكلج اني 15 مليون ميسوه
اخون جماعتي سويهن 20
تبارك : تدلل بس ممكن سؤال
الشاب : جواب
تبارك : انت متزوج
الشاب : اي وعندي بنيه وعندي ولد جاي بلطريق
تبارك : تقبل واحد يعتدي على زوجتك
الشاب : اكيد لا اله ادفنه وهوه عدل
تبارك : ليش لعد تعتدي على زوجة غيرك واني هماتين حامل واني وزوجي واهل زوجي ننتظر مولود وفرحانين ليش هيج
الشاب : هاذ شغلنه هيج يطلب ماكو شغل واني عندي عائله منين اجيب
تبارك : ليش ماكو شغل اكوو بس انت متريد تشتغل
لو فلوس الحرام للحرام
الشاب : شنو قصدج
تبارك : قصدي فلوس الخطف يروحن الدلال وغير دلال والشرب والسهر وعايف عائلتك
الشاب : تعودت لأن ماكو شغل حلال اعيش بي عائلتي
هسه ابو العماله من الصبح للظهر ينطونه 25 الف دينار ومرات كل سبوع سبوعين اله يحاسبونه ويوم يشتغل وسبوع كاعد بدون شغل
تبارك : اني راح اساعدك الخاطر بناتك
الشاب : هههههههاي وين تساعديني اني لازم اساعدج مو انت تساعديني
تبارك : لا اني اساعدك
الشاب : شلون
تبارك : انت عوفني ارجع لهلي هسه وهاذ رقم موبايلي واني اشغلك بعد شتريد
الشاب : اكلج انطيني فلوسي ولا اريدج ولا اريد مساعده منج
تبارك : اوك انطيني تلفوني اخابر وهسه نروح تستلم افلوسك وتعوفني
الشاب : اوك هاج خابري
تبارك : اتصلت ع فهد
فهد : كاعد وماما تبجي وتلطم على تبارك وبابا الدنيه طالعه من عينه واني كاره روحي ليش هيج ديصير ويه هاي اليتيمه وجان يدك تلفوني باوعت رقم تبارك صحت الوو اجاني صوت بنت كلبي تبارك
تبارك : ها فهودي
فهد : عيون فهودي خو ما اذوج
تبارك : لتخاف خلو يمي شاب معتبرني اخته وراح يعوفني بس اريد منك اجهز 25 مليون بدون محد يعرف ولتجيب اي شخص وياك بس انت تعال
وهاك هاذ الشاب يحجي وياك ويحددلك المكان
الشاب: الوو
فهد : اخويه فدوه لتسويله شي تره متتحمل وحامل خطيه
الشاب : لتخاف اسمع تكدر ادبر المبلغ هسه
فهد : اي هاذ المبلغ عندي
الشاب : جيبه وتعال الهيج مكان هسه اطلع
فهد : طالع
الشاب : بس اقسم بالله العظيم اي شي عتبر زوجتك والي ابطنه ميتين وانت كيفك
فهد : والله وغلاة مرتي والي ابطنه محد حيجي وياي
الشاب : متفقين يله
تبارك : سد الخط وباوعلي بنظره غريبه كتله شبيك
الشاب : احنه متفقين على 20 ليش سويتيهم 25
تبارك : انت تروح تشرب بيهم وتعوف مرتك وبنتك
هاي ال 5 ملايين مني الزوجتك خايهم للولاده بعتبار فلوس حلال خاف تولد بفلوس حرام ويصير بيهم شي زوجتك او ابنك
الشاب : هنا اجتلي صدمه وين جنت يعني هاي الي متعرفهم تفكر بيهم واني الي ابو الطفل وزوج المره مافكر بيهم هاي صدك تحجي اووووف سكتت يله كومي راح افتح ايدينج ورجليج وكعدي وراي براحتج
بعتبار انتي مأجرتني
تبارك : اوك طلعنه بس الدنيه بعتبار مغرب صارت واني مماكله شي جوعانه وعطشانه بس تحمل اريد بس اخلص منهم طلعنه المكان هوه يندله اني ما اندل
وهوه وفهد ع التلفون شوي وكفنه
الشاب : زوجج بس لا يلعب لعبه محلوه وياي
تبارك : لتخاف يحبني مستحيل يضحي بيه
فهد : سد الخط طفرت ماما وكالت
ام فهد : ها ماما بشر بس لا بيه شي بنتي
فهد : لتخافين ماكو شي بس طلبو مني 25 مليون
ام فهد : انطيهم لو مليار بس رجعو بنتي
ابو فهد : هسه اجيبلك المبلغ
فهد : بابا تبارك عده فلوسه ميحتاج
ابو فهد : وهيه بنتي اني ادفع فلوسه لو تريد انسه وكفته وياي
فهد : بابا هيه بس وياك واكفه خليني ساكت
ابو فهد : رحت جبت ال 25 مليون واجيت يله امشي
فهد : وين بابا
ابو فهد : نروح نجيبه ونجي
فهد : بابا يمكن سمعتني شنو حجيت ويه الي خاطفينه
ابو فهد : يعني تروح الوحدك
فهد : اي اروح الوحدي
ام فهد : لا ماما تحجي صدك اخاف يكتلونك
فهد : كل واحد يروح بيومه
دلال : خليت واحد من الشباب يم تبارك ورحنه نجيب عشه ومشروب ونجي رحنه نص الطريق شفنه سطرات وتشدد خلينه ورجنه كلنه شوي فد ساعه ونروح
من رجعنه سمعنه الحجي كله خططنه خوش صيده جانت بس تبارك هسه تبارك وفهد من طلعو طلعنه وراهم نراقبهم من بعيد
الشاب : هسه يجي زوجج ونشاء الله ترجعين بدون مشاكل واليوم تباتين ابيتكم
تبارك : الله كريم بس امانه سلملي على زوجتك وبوسلي بنتك
الشاب : انشاء الله تدللين
فهد : طلعت من البيت وعفت ماما تبجي وبابا يتوسل اروح وياك خليتهم وطلعت خابرت صديقي بل معرض الي يمنه كتله اكلك اريد مسدس للبيع كال اي اكو اتفقت ويا ع السعر رحت اخذته ونطيته فلوسه وطلعت اني والشاب ع التلفون لحد ما كال اطبك ع صفحه وكفت
الشاب : شغل رباعيه
فهد : شغلت
الشاب : طفي الرباعيه
فهد : طفيت
الشاب : شغل الأشتره اليمنه
فهد : شغلت
الشاب : طفي اليمنه وشغل اليسره
فهد : طفيت اليمنه وشغلت اليسره
الشاب : منو وياك
فهد : ماكو احد
تبارك : لتخاف كتلك محد يجي ويااا
الشاب: الأحتياط واجب
تبارك : يله شغل خلي نروحله
الشاب : لا تنزلين انتي لحد ما اني اكلج
تبارك : لا ما انزل بس امشي شغل ومشه تعدينه على فهد بس ميعرفنه تعدينه فهد 500 متر تقريبآآ وكفنه
فهد : اتصل بيه الشاب وكلي شغل وتقدم 500 متر
شفت السياره من وكفت كلت اكيد هذول جايين ياخذون الفلوس سحبت المسدس لكفته اطلقه يعني جاهز وخليته بظهري وشغلت تقدمت عليهم وكفت يمهم نزل الشاب وبيده تبارك نزلت اني وبيدي الجنطه
الشاب: شوف ماريد هوسه ويمكن تروح بيه زوجتك لو ابنك لو انت لو اني انطيني الفلوس واخذ زوجتك والله وياكم ماريد مشاكل
فهد : والله واني ماريد شي بس زوجتي اخذ الفلوس وروح كلشي ماريد منك
الشاب : جيب الفلوس خلي اشوفهم وارجع السيارتك
فهد : تقدمت اريد اخلي الفلوس يمه ماحسيت اله صرخ وجر تبارك ختلو وره السياره اني هم ركضت وره السياره طبكت علينه سياره ذبو اسلحتكم لا تخلونه نرمي
الشاب : والله ماسلم نفسي لو اموت
تبارك : يمه راح نموت
فهد : حضنته كتله لتخافين لو اموت ماخليهم يمسون شعره منج
الشاب : خويه خويه اخذ فلوسك وزوجتك وروح السيارتك اني راح ارمي عليهم كم اطلاقه وانتم ركضو للسياره
فهد : محسيت اله كتله وانت شلون
الشاب : اني ماكدر اطفر سيارتي صايره مقابيلهم يعني اذا اصعد انكتل
تبارك : خويه امشي ويانه
الشاب : وين امشي وياكم انتم اخذو فلوسكم روحو اني ادبر اموري
فهد : خويه امشي ويانه عوف السياره تولي اخوك سايق هسه اذبه ع البك الخلي السياره تحفر التبليط
الشاب : قتنعت كتلهم شوفو من ارمي اول طلقه انتم ركظوو
فهد : اوك بس انت انسحب ويانه
الشاب : اوك رميت طلقه
تبارك : اني وفهد نركض والشاب يرمي ويرجع لي وره صعدنه بل سياره احنه الثلاثه وفهد رجع بسرعته
والشاب مطلع ايده ويرمي فتر فهد وشخط السياره بسرعته خلصنه منهم وصلنه للبيت الشاب ساكت
وصلنه للبيت تلكانه بابا
ابو فهد : الحمد لله ع السلامه بابا نورتي بيتج
تبارك : شمرت نفسي بحضن بابا والدموع تنزل
ام فهد : ماما بنتي
تبارك : حضنت ماما واني ابجي وماما تبجي
فهد : نزلت خويه تفضل انزل
الشاب : لا خويه اخذو راحتكم اني اروح
ابو فهد : خويه وين تروح صدك جذب تعال تفضل
الشاب : اني خايف يبلغون عني بس ماعرف ليش امنت بيهم ودخلت وياهم للأستقبال كعدنه نسولف اني وفهد وابو فهد
ابو فهد : فهد ماعرفتني بصديقك الي وياك
فهد : بابا اني هم ماعرفه بس الي اعرفه هوه الي جان خاطف تبارك
ابو فهد : شنو انت شجاي تحجي
الشاب : عمو اسمع مني شوي اول شي هاك هاذ المسدس مالتي اني هسه بدون سلاح السلاح عندك تريد تكتلني اكتلني بس اني ندمت والله وبنتك هيه الي رجعتلي عقلي
تبارك : ماما جوعانه كلش خلي اسبح واكل اي شي
ام فهد : اوك ماما دخلي سبحي وطلعي انشاء الله الأكل جاهز
تبارك : دخلت سبحت وطلعت تلكتني ماما الحمد لله من رجعتي سالمه
تبارك : الله يسلمج ماما
ام فهد : ماما كلياتنه بدون اكل خليت ابو فهد خابر ع المطعم راح يدزون اكل هسه ونتعشه والضيف خطيه هسه جوعان صدك اكلج ماما هاذ صديق فهد
تبارك : لا ماما هاذ واحد من العصابه الي جانو خاطفيني 😁😁😁😁
ام فهد : صخام هسه يكتل فهد وابو فهد
تبارك : صدك خفت كلت خاف يسويه هاذ رحت بسرعه وكفت يم الباب سمعت الكلام دكيت الباب ودخلنه اني وماما
الشاب : والله عمو هاي بنتكم خلي تحجي اذا سمعته حجايه وحده وهاذ ابنك اني كتلهم اخذو فلوسكم وروحو اني اضل ردت انقذهم واني اضل بس ابنك اصر ينقذني
ابو فهد : ضليت ماعرف شسوي شحجي
فهد : خويه هسه كوم اسبح وخلي نتعشه وباجر الله كريم نلكه حل
الشاب : لا خويه انطوني بس 10 آلاف كروه وباجر ارجعهم بس اروح العائلتي
فهد : خاف تلكاهم كدامك
الشاب : اني اعرف ما الهم امان ميندلون اهل زوجتي واني كل عمليه نريد نسويه اخذ زوجتي لهله اخاف على عائلتي
فهد : لعد بات هنا متروح والله
الشاب : لا خويه ماريد ازعجكم
ام فهد : ماما انت كل هاذ السويته ونخليك تطلع هسه كوم اسبح وخلي نتعشه
فهد : اكلك صدك ما عرفنه اسمك
الشاب : اني اسمي ياسر ابو رهف
فهد : عاشت الأسامي
ياسر : وانت العايش
فهد : جهزو ملابس ال ياسر خلو يسبح
تبارك : ردت اكوم ماخلتني ماما خطيه
راحت طلعت ملابس من ملابس فهد وهوه طلع للحديقه يخابر
ياسر خابرت : زوجتي طمأنيت عليه وعلى رهف بنتي وكتله خاف يصير علي شي راح يتصل بيج رقم اذا ولد اسمه فهد واذا بنيه زوجت فهد اسمه تبارك هذول تثقين بيهم
زوجة ياسر : اني اعرفكم عن نفسي اسمي اماني
عندي بنيه وحامل بولد بس ياسر صدك يشرب بس ممخلينه محتاجين شي ومادري بي شنو يشتغل من اسأله شنو تشتغل يكول منا ومنا هيه شنو المنا ومنا مادري 😁😁😁 المهم
اماني : ياسر لا تخوفني بيك شي اكو شي
ياسر : لا ماكو شي من اجي احجيلج كلشي وهسه يله خلصت شغل اريد اسبح
اماني : اوك حبيبي دير بالك ع نفسك
ياسر : فهد فهد
فهد : نعم كول خويه
ياسر : خلي اسبح بس شوفلي الطريق
فهد : خويه ماكو احد الحمامات خاصات هذني للخطار فوت اسبح
ياسر : اريد افوت .....
انتظروني في البارت القادم ولتنسون التصويت مع تحيات
(((((((((((((((((((( طائر الجنوب ))))))))))))))))))))
