💕أنت قلبي٢💕

الحلقة ١١٣

#انت_قلبي٢
#بوسي_مصطفى
_______________
الحلقة ١١٣ على الواتباد

في فيلا مراد....
هشام بيكمل لبس و هو نازل على السلم بسرعه..
أمل : أنت متأكد يا هشام؟
هشام : لسه بتصل بالمستشفى
قالولي دكتور كريم مش هيقدر يجي لإن والدته توفيت   والخبر انتشر في المستشفى كلها بس بتصل بيه مردش.
أمل : طيب أنت رايح فين؟
هشام : هروحلهم على البيت يا أمل دا الواجب و دي الأصول.
أمل : تمام يا حبيبي مقولتش حاجه بس استنى أما ألبس.
هشام : لا كده هتعطليني اقولك شادي يبقى يوصلك بس
أنا مينفعش استنى أكتر من كده.
أمل : اوك خلاص هكلم سهر اشوفها هتعرف تيجي معايا دلوقت و لا ايه.
هشام : خلاص سلام.
أمل : مع السلامة..

في التليفون 📞
هنادي : طبعاً هاجي معاكم
انتي خرجتي من البيت؟
داليا : لأ لسه بلبس أهو.
هنادي : خلاص و أنا هدخل البس بسرعه جوزك اللي هيوصلك؟
داليا : لأ مجدي وقتها كان في الشركة لما  عرف الخبر
راح من هناك هو و آسر جوز سهر.
هنادي : امال هتيجي في تاكس؟
داليا : لأ أمل هتعدي عليه و سهر هتعدي على ياسمين.
هنادي : تمام هجهز عقبال ما تيجوا.
داليا : سلام..
____________

في شقة حلمي (والد كريم)
فريدة بتبكي : محستش بحاجه
غير لما دخل عليه محمد و أنا نايمه بيعيط و يصحيني بيقولي يا مامي تيته ماتت قومت مفزوعه فكرت نفسي
بحلم خرجت بسرعه اشوف فيه ايه لاقيتهم كلهم بره لسه هصوت من الخضه لاقيت كريم بيزعق و قال محدش يفتح بؤه كانت شهد وقتها بتعيط لاقيتها سكتت
دخلت جري اتأكد لاقيتهم مغطينها... آآآآآه يا طنط سميرة فراقك صعب قوي.
ندى : قوي يا فريدة انا كنت في المطبخ لاقيت حازم نزل جري بقوله فيه ايه مردش و لا التفت ليه عرفت من انس كان طالع و أنا نازله جري على السلم اشوف فيه ايه لاقيت ماما و بابا واقفين عند الباب هنا.. اتأكدت فعلاً من الخبر.
فريدة و هي بتبكي : بقول دا أنا قاعدة امبارح بالليل في الصاله زهقانه بعد ما كلمتك و قولتي إنك تعبانه و مش هتقدري تنزلي.
ندى تقاطعها : نمت بعدها على طول.
فريدة : أنا بقى مكانش جيلي نوم و عايزة بس حد اتكلم معاه دخلت اعمل قهوة و علاء جه بعدها دخلت الاوضة علشان انام الغريبه إني فعلاً نمت على طول
ياريتني قعدت معاهم و منمتش.
ندى : كنتي هتعملي ايه بس يا فريدة هوني على نفسك كلنا موجعين بس محدش بـ ايده حاجه علاء اللي مموت نفسه من العياط..صعب عليه قوي أول مرة اشوفه في الحالة دي.
__________

حازم : حاول تجمد كده يا علاء
و ادعيلها يا حبيبي بلاش اللي أنت عامله في نفسك ده.
علاء : غصب عني يا حازم غصب عني دي أمي.
يشاور أكرم لـ علي ابنه..
علي : نعم يا بابا.
أكرم : اطلع هاتلى النضاره من فوق عيني مزغلله.
علي : حاضر.

حازم : انس خد ولاد عمك و اقعدوا في الصاله علشان في ناس جايه دلوقت هنقعدهم هنا.
انس : حاضر يا بابا
تعالى يا محمد يلا يا كريم.