"قرة عيني💜👀.. "

سلمي: هيييح اخيرا يااخي خلصنا اعدادي بقا

مريم: اه والله الواحد صحته خلصت واخيرا بقا ندخل ف الاحن

سلمي: اسكوتاااي متفكرنيش متفكرنييش

مريم بضحك: طب قوليلي يا هبله انتي هتعملى اي ف موضوع الخمار ده هتقولى لنبع الحنان ازاي

سلمي: مش عارفه والله يا روما بس انا مش هيأس وافضل ازن على دماغها وهقولها النهارده

مريم: تمام يا قمر يا رب توافق بقا

سلمي: يا رب يا رب يا روما

مريم: طب انا هقفل بقا هشوف ماما عايزة ايه وهبقي اكلمك بليل  سلام

سلمي: طب ماشي يلا سلام

خرجت سلمي لوالدتها
-لولا بقولك ايه

والدة سلمي: طالما لولا يبقي مصيبه قولى يختي عايزة ايه

-تعرفي عني كده، المهم مش عايزاكي تتعصبي وبراحه خالص تمام

الام: انسي يا سلمي مفيش خمار وقولتلك قبل كده

-ايدا عرفتي ازاي

الام: هو انتي بتقوليلي ي لولا غير ف ده امشي يبت من هنا روقي اوضتك

-بالله عليكي يا ماما علشان خاطري هجيبو والله ومش هزهق منه بس البسه يعني مريم لبسته وصحابي وانا لسه

الام: خلاص اقفلى ع الموضوع ده يا سلمي ويلا قومي ملناش دعوه بحد انتي لسه صغيره وقراراتك هوائيه وافكار مراهقين لسه

سلمي بدموع: بس انا عايزة البسو بجد وانا مش ضامنه عمري وداخله ثانوي اهو يعني عادي بقا ي ماما المفروض حضرتك تقوليلي كده

الام: خلاص انا مليش دعوه روحي قولى ل باباكي

سلمي بفرحه: عااااا بجد ي لولا يعني خلاص

الام: ايوا بجد بس شوفي والدك الاول

-سيبيها عليا دي يمزه

الام: يا حول الله يا رب البت اتهبلت امشي يابت من هنا

"انا سلمي عندي داخله على 16 سنه بحاول على قد م اقدر ارضي ربنا بحاول اني اقنع مامتي بلبس الخمار زي م انتو شايفين، بطلت لبس بناطيل من سنه ونص تقريباً بعد معرفت انها حرام وبحاول فكل الفتره دي ان ماما تقتنع بالخمار والنهارده قدرت اخليها توافق والحمدلله.."

دخلت سلمي اوضتها وهي فرحانه واتصلت على صحبتها مريم: رومييييييييي

مريم: ايه يابت خرمتي ودانيي

-عااااا مش مصدقاااااااه

مريم: يا رب صبرني ويهديكي وتقولى في ايه

-وافقت يا روما ماما وافقت اني البس الخمار واخيرا بس لسه بابا هو موافق يعني عادي بكرا تجيلي وننزل نجيب خمارات تمام