💕أنت قلبي٢💕

الحلقة ١١٤

#انت_قلبي٢
#بوسي_مصطفى
_____________

الحلقة ((١١٤))

في شقة مجدي.. بعد كام يوم.
رقيه : قسمت يلا بقى يا بنتي هنتأخر.
داليا : مفيش نزول قبل ما تفطروا.
رقيه : مامي مش هينفع هنفطر في الجامعة.
داليا : مفيش فطار بره سامعه؟
رقيه : سامعه.
داليا : أجرى شوفي اخوكي مقامش ليه و لا مش ناوي ينزل المدرسة النهاردة؟!
مروان : أنا قومت اهو و لبست كمان.
داليا : طب اقعد افطر هدخل لتيته علشان تاخد الدوا.
مروان : مامي الملح معاكي البيض دا مفيهوش ملح خالص.
داليا : الجبنه عندك مبحطش ملح و انت عارف.
مروان : رقيه معلش ادخلي هاتي الملح.
رقيه : يا سلام و أنت متقومش ليه؟!
مروان : اوك بس لو طلبتي مني حاجه مش هعملها و مش هنزل اجيبلك حاجه من تحت.
رقيه : لا هتنزل و غصب عنك كمان علشان بابي منبه عليك إن أنا و مامي و قسمت مننزلش نشتري حاجه من تحت و أنت موجود.
مروان : هعمل نفسي نايم و بعدين طالما بتحتاجوني كده
لما اطلب حاجه تعمليها فاهمه.
و قام مروان دخل المطبخ..
رقيه : قال فاهمه قال!

داليا : ايه اللي اتكسر جوه ده؟
رقيه : هههههههههههه
دا مروان اللي في المطبخ.

مروان و في ايده الملح : حد يحط البتاع كده؟!
رقيه : هببت ايه جوه؟!
مروان : أدخلي شوفي.
رقيه : اخلصي بقى يا قسمت كل دا بتلبسي.
قسمت خارجه من جوه : خلاص لبست اهو.
________

في فيلا مراد...
شادي : مامي أنا خارج حضرتك محتاجه مني حاجه؟
أمل : لا يا حبيبي خلي بالك من نفسك.
شادي : حاضر.

امل في التليفون 📞
اه شادي رايح الجامعه النهاردة.
نورهان : بالتوفيق..
أمل : متعرفيش ليلى هترجع البيت و لا لأ.
نورهان : اسكتي أصل أنا متغاظه منها قوي.
أمل : ليه بس؟
نورهان : بكلمها من كام يوم بتقولي أنا مستريحه هنا يا خالتو
تخيلي! من أمتى بتستريح هناك.
أمل : خلاص سبيها براحتها طالما مستريحه هناك.
نورهان : هتعملي ايه دلوقت؟
امل : و لا أي حاجه الولاد كلهم خرجوا و هشام كمان و أنا قاعدة لوحدي متيجي.
نورهان : لأ تعالي نخرج نشم شوية هوا جو البيت بقى يخنق.
أمل : اوك هلبس و اعدي عليكي.
نورهان : خلاص و أنا مستنيه.. سلام.
أمل : مع السلامة.
______________

في فيلا آسر..
سهر في التليفون 📞
ليه مش جايه الاسبوع ده مش قولتي هتيجي يا مليكة؟
مليكة : سيف عنده شغل.
سهر : يا بنتي بقالك شهر بعيد عننا ايه موحشتكيش و لا ايه؟
مليكة : ازاي بس يا مامي كلكو طبعاً وحشني بس مش بـ ايدي.
سهر : خلاص يا حبيبتي طالما انتي كويسه أنا مطمنه عليكي مش لازم تيجي و نشوفك.
مليكة : حضرتك زعلانه صح؟
سهر : لا يا حبيبتي مش زعلانه
طالما بخير انتي و جوزك أنا معنديش مشكلة تقعدي براحتك.
مليكة : مش براحتي يا مامي بس مش بـ ايدي بس احنا اصلا جايين الاسبوع الجاي علشان فرح نادين.
سهر : خلاص مجاتش من الكام يوم دول هستنى بقى اعمل ايه.
مليكة : سلميلي على بابي كتير قوي و قوليله إنه وحشني.
سهر : حاضر يا حبيبتي هقوله.
مليكة : علي و مجدي و ملك خرجوا؟
سهر : ايوه النهاردة أول يوم في الجامعة زي ما انتي عارفه.
مليكة : ياااه وحشتني الجامعة حاسه إني بقالي كتير قوي مروحتهاش.
سهر : خلاص لما تيجي ابقى اعملي زيارة لهناك اقفلي بقى
و شوفي جوزك سمعاه بينادي.
مليكة : ثواني يا سيف جايه أصل نسيت اللبن على النار.
سهر : يا خبر اقفلي و روحي شوفيه.
مليكة : هههههههههههه
لا ما سيف في المطبخ زمانه بيمسح البوتاجاز.
سهر : ابقي خدي بالك يا بنتي.
مليكة : نسيت يا مامي حاضر يا سيف جايه.
سهر : اقفلي و روحي شوفي جوزك سلام.