لاا لاااااا متقربش مني ونبي أبعد عني و بدأت أصوت و هو بيقرب مني و انا حاسه جسمي متكتف مش قادره أتحرك و صوتي أنعدم و ضربات قلبي بتزيد و فجأه.....
*********.
أنا فرح محمد بس حياتي مش فرح خالص عندي 24 سنه بشتغل سكرتيره في شركه الجنايني ياسر هو ابن مدير الشركه الاستاذ رضا الجنايني
و دي حكايتي..
- سلمي انهارده المقابله بتاعت الشغل تفتكري هتقبل
= ايوا يا فرح ليه لأ، يعني فكري شويه لو انتي صاحبه الشركه و جالك واحده الأولي علي الكليه لمده أربع سنين و الكل نفسه انها تشتغل معاه هتقبليها ولا لأ
- أكيد هقبلها يا سلمي بس مش عارفه انا خايفه اوي و متوتره حاسه إن في حاجه غلط و مش مرتاحه
= طب أهدي بس كده و قومي البسي علشان منتأخرش
قومت لبست و روحت الانترفيو و أتقبلت فعلا و كنت حاسه انهم مبسوطين فعلا إن انا هشتغل معاهم و كنت خارجه فرحانه و مبسوطه جدا و الدنيا مش سيعاني و يا فرحه ما تمت إذ بواحد يسيب براح الكون كله و يجي يخبط فيا أنا.. حاجه غريبه
_أي يا عم مش تحاسب
راح قالع النظاره بحركه سلو موشن كده عرفينا انتو أكيد و رفع حاجبه و بصوت عالي نسبيا قالي
= عم؟! أنتي مين يا شاطره و أيه اللي مدخلك الشركه دي حد قالك أنها دريم بارك للي زيك أتفضلي بعد أذنك ده مكان شغل مش لعب أندهولي الأمن دي دخلت هنا إزاي..
قاطعت كلامه و بصوت عالي
- أنت اللي مين يا اخينا، أنت جيت خبطت فيا و بدل ما تعتذر قاعد تزعقلي كمان أنا بشتغل هنا و مسمحلكش إنك تكلمني بالطريقه دي أنت فاهم
= والله؟! انتي تعرفي إن أنا صاحب الشركه دي أصلًا
هنا حسيت إن مايه ساقعه وقعت عليا مبقتش عارفه أعمل ايه ولا أقول ايه ده انا لسه مستلمه الشغل مفرحتش بيه
(بصوت بيرتجف من الخوف)
- أنااااا... اناااا.. انا اسفه بجد معرفش إن حضرتك المدير بس علي حد علمي أن استاذ رضا هو المدير و انا كنت فوق معاه دلوقتي و معرفش..
و هنا هو قطع كلامي
= بس بس انتي هتاخدي عليا و هتحكيلي قصه حياتك اتفضلي و بعد كده ابقي بصي قدامك و انتي ماشيه
انا كنت هرد عليه اقوله انت بتقول ايه انت اللي خبطت فيا علي فكره بس يالا هو مشي علي طول
ركبت العربيه بتاعتي و مشيت و طبعا الزحمه اللي كلنا متعودين عليها و انا واقفه بالعربيه لقيت ست عجوزه جايه بتخبط علي الشباك فتحتلها
_ ايوا يا ماما تؤمري بحاجه
= ياريت يا بنتي تساعديني بأي حاجه ربنا يسترها معاكي يا فرح و يفتحلك طريقك
_ايوا ايوا طبعا و طلعت فلوس و اديتهالها و مشيت
فجأه الكلمه رنت في وداني ربنا يسترها معاكي يا فرح؟! اتصدمت هي عرفت اسمي منين و بدأ جسمي يبرد و مرعوبه جدا رجعت تاني بسرعه لنفس المكان بس ملقتهاش نزلت زي المجنونه أدور عليها بس ملقتش حد وقفت و كنت حاسه إني تايهه مش فاهمه حاجه مين الست دي و تعرفني منين أكيد في سبب انها تظهرلي فجأه كده
عاوزين تعرفو باقي الحكايه و مين الست دي اعملولي فولو هنا و علي الفيس عشان يوصلكم البارت التاني اول ما انزله علي الفيس Basant Ahmed
#روايه_العالم_الاخر
