💕أنت قلبي٢💕

الحلقة ١١٦

#أنت_قلبي٢
#بوسي_مصطفى
_______________
الحلقة ١١٦

قسمت واقفه عند بوابة الجامعة
بتتكلم في التليفون 📞
قسمت : خلاص كلم بابي.
آدم : هههههههههههه ما أنا كلمته فعلاً و هو معندوش مانع.
قسمت : بجد! امتى الكلام ده؟
آدم : بالليل أول ما خرجت من عند خالتي و اخدت الموافقة من جوزها اتصلت على طول و قولت ل باباكي و هو معندوش مانع طالما محدش هيزعل مننا بس هتبقى على الضيق كده انتي عارفه الظروف.
قسمت : طبعاً طبعاً و بعدين الفرح في القلب مش بالهيصه يعني.
آدم : عندك حق اسيبك بس دلوقت معلش أصل عندي مذاكرة.
قسمت : اوك ركز في مذاكرتك و مشتغلش نفسك بأي حاجه تانية.
آدم : ازاي بس ما هو لازم دماغي تنشغل بحاجه تانية غير المذاكرة.
قسمت بخجل : طيب هقفل بقى.
آدم : خدي بالك من نفسك.. انتي مروحه دلوقت؟
قسمت : ايوه.
آدم : معاكي حد و لا لوحدك؟
قسمت : لأ رقيه معايا.

علي : بقولك مفيش وقت يلا بينا.
مجدي : ثواني بس سليم جاي معانا.
علي : يوووه بقى على العطله دي!
مجدي : ما تصبر شويه أنت مستعجل على ايه هو الجيم هيجي حد ياخده و يطير؟!
علي : لأ يا خفيف..
ينظر علي على الرصيف اللي قصاده الناحية التانية.

قسمت : يلا يا رقيه علشان منتأخرش رقيه... انتي يا بنتي.
رقيه : ايه فيه ايه؟
قسمت : ايه فيه ايه!
هي وصلت للدرجادي انتي مش سمعاني يا بنتي بقولك يلا.
رقيه بتنهيده : طيب حاضر.
قسمت : طب ما تمشي واقفه ليه
هو المكان دا هنلاقي فيه تاكسي؟!
رقيه : طيب ماشيه أهو.
تنظر قسمت على الناحية التانية : اممم هي الحكاية كده بقى؟!
رقيه : حكاية ايه؟؟
قسمت : انتي عارفه متستعبطيش يلا بينا.
رقيه : يلا يا أختي.

مجدي : سليم جه يا علي يلا بينا.
علي : هاه!
مجدي : هاه ايه؟؟
بقولك سليم جه يلا مش كنت مستعجل.
علي : اوك يلا بينا.
___________

في التليفون 📞
أمل : هههههههههههه يا حبيبي ألف مبروك.
هشام : ياسمين اللي تعبانه قوي يا مامي.
أمل : معلش يا حبيبي هو في الأول كده بعد كده الدوخه دي هتروح هاتيلي بقى ريتاج تقعد معايا كام يوم عقبال ما ياسمين صحتها تبقى تمام.
هشام : ياسمين متقدرش تستحمل إن ريتاج تبعد عنها.
أمل : طب خلاص تعالوا اقعدوا معانا كام حتى علشان اخد بالي من ياسمين و لما تحس إنها كويسه ابقوا ارجعوا بيتكم تاني.
هشام : يا حبيبتي متتعبيش نفسك ياسمين لا هتسيب بنتها
و لا هتسيب بيتها دماغها ناشفه اسأليني انا.
أمل : لأ ممكن اسألها هي
ههههههههههههه
هشام : كده بقى هندخل في مشاكل و مش بعيد أنا اللي جاي بشنطة هدومي اقعد عندكم.
أمل : تشرف و تنور بس متجيش من غير ريتاج.
هشام : برضو!
ههههههههههههه دي بقيت أهم مني بقى!
أمل : مش بيقولوا أعز الولد ولد الولد أنت حبيبي و دنيتي كلها بس ريجو بقى حاجه تانية.
هشام : و أنا موافق إنها تبقى حاجه تانية و تالته كمان
ههههههههههههه
اتش اخباره ايه؟
أمل : في الشركة لو عايزة روحله على هناك.
هشام : ايه دا انتو متخانقين و لا ايه؟!
أمل : بقولك ايه أنت معطلني ممكن تقفل بقى.
هشام : ليه رايحه فين؟
أمل : عندنا فرح يا حبيبي.
هشام : اه صحيح دي ياسمين قالتلي الصبح و أنا نسيت أما اكلمها اشوفها هتروح و لا غيرت رأيها و لو لسه تعبانه هقعدها في البيت و تبقى تعتذر لصاحبتها.
أمل : خلاص ابقى سلملي عليها و قولها ألف سلامة يا سمسمه هاجي بكره اشوفها.
هشام : يا سلام دا بيتنا هينور.
أمل : حبيبي تسلم خلي بالك من نفسك سلام.
هشام : مع السلامة يا مامي.
_______________