الحلقه الأولى من " Blind "🖤
"سرحانه في اوضتها بتبص علي كل ركن فيها و كأنها شايفاه ، مشتته و كأنها ضيعت حاجه منها ، ضيعت قلبها و دموع عينيها اللى مابتخلصش مهما مرت الأيام و السنين و لا بينسى عقلها ولا بيمِل قلبها "
عُمر : سرحان في ايه يا جميل ؟
" تبتسم ابتسامه باهته و تشاورله انه يقعد جنبها "
داليا : مش لازم يا دكتور عمر
عُمر : بردو دكتور يا داليا ! طب أشويكي عالجريل ولا اعمل فيكي ايه !
" تطلع ضحكتها معلنه عن حالها اللي اتحول ميه و تمانين درجه لما دخل اوضتها "
داليا : مش عارفه ليه يا دكتور بحسك بتعاملني معامله دكر البط 😂😂🤦🏻♀
عُمر : بردو دكتور 🙂
داليا : خلاص حاضر يا عُمر
" يقعد جانبها و هو بيتفحص ملامحها "
عُمر : انتي كنتي بتعيطي ؟
" تتنهد و كانت تنهيدتها قربت تخلع قلبها من بين ضلوعه ، تبدأ سماء عينيها تمطر دموع "
داليا : مش قادره يا عُمر انسى ابداً ، حاسه اني لو نسيت هبقي فقدت اكتر شئ مهم ف حياتي !
عُمر : من ساعة ماعتبتي المستشفي دي و انتي ماحكيتيش حاجه لو تعلمي !
" تبصله بوشها الشاحب "
داليا : هحكي كتير اوي ، ياتري مش هتزهق ؟
" يبصلها بطمأنينه ، يا ريتها شافت عينيه اللي بتحفظ تفاصيلها لما يشوفها ، و قلبه اللي صوته بيعلي بكلمة " بحبك " لما يقرب منها كانت عرفت انه لن يكِل منها او يمِل "
عُمر : ده انا ازهق من نفسي و ماازهقش منك يا داليا !
" يقلع جزمته و يرفع رجليه يضمها لدقنه و هو ماسك بإيديه عليها "
عُمر : انا قاعدلك قاعدة العيال الصغيره لما ييجوا يسمعوا حكايات جدتهم احكي بقي عشان ماابطحكيش بحاجه ف دماغك ..
" تتضحك بعدين تسكت لوهله ، ترجع تبصله بشرود و يبدأ بوقها يتكلم باللي قفل عليه قلبها عشان ماتتألمش "
داليا : من حوالي 3 سنين ..
" تدخل والدتها تفتح شباك اوضتها ، تدخل الشمس كأنها بتلاعب شعرها البني و عينيها العسلي ، تبص لوالدتها بحُب "
داليا : صباح الفل يا ست الكل ♥️
نهاد : يا صباح الورد ، قومي يلا عشان ورانا تنفيض و ترويق
" تبصلها و هي بتمد شفتها زي الاطفال "
داليا : والله يا ماما اعيطلك احنا مش لسه مروقين امبارح !
نهاد : النهارده لازم الشقه تكون نضيفه 🌚
" تقوم من سريرها و هي بتتاوب و تقرب من نهاد "
داليا : اشمعنا بقي يا نونو ؟🤔
نهاد : كارما اختك جالها عريس و ..
" ماكملتش كلمتها لسه لقيت داليا بتتنطط زي الاطفال من فرحتها "
داليا : لولولولولولي اخيرا هلبس فستان سواريه بقااا !♥️♥️♥️
نهاد : عقبالك يا نن عين ماما يارب 💙
داليا : يارب يا ماما يارب ♥️
نهاد : ادخلي شوفي لو اختك عايزه حاجه انتي شاطره في الميك اب و ذوقك حلو في اللبس عايزاكي تخليها حلوه النهارده
داليا : بس كده ؟ عيونيي💕
" تخرج داليا من اوضتها عشان تغتسل و ترجع تبص لمرايتها بإبتسامه كبيره "
داليا : اللهم انت حسنت خَلقي ف حسِن لي خُلقي 💙
" تخبط علي الباب ، تدخل اوضه كارما بفرحه كبيره تطبطب بلطف علي كتفها "
داليا : الف مبروك يا نن عيني 💛
" تبصلها كارما بملامح بارده "
كارما : ميرسي 🙂🖤
" تقعد داليا علي حافة سريرها و هي باصلها بحزن "
داليا : انا عملت ايه عشان كل ده ؟
كارما : شوفي ياداليا عشان نكون واضحين
" تعدل قعدتها و هي باصه لداليا بجمود "
كارما : ماتحاوليش ابداً تقربي مني و تعملي انك اختي لانك مش اختي يا داليا انتي مش من دمي !
" تسكت داليا ، تبدأ دموعها تنزل تبصلها وهي مش قادره علي رد القسوه "
داليا : انا اعتبرتك اختي ، و نسيت تماماً اني من ملجأ و اهلك اتبنوني عشان ماكانوش بيخلفوا و بعدين جابوكي ، فرحتي بيكي كانت كبيره كأنك بنتي مش اختي كمان .. اللي انتي شايفاه يا كارما .
" تقوم داليا تدخل اوضتها تلبس و اتحول وشها الأبيض لللون الاحمر بسبب كتمانها لدموعها ، و ايه ذنبها انها كانت في ملجأ للأيتام ؟ بأي حق بتعاقبها علي ذنب ماعملتوش ! "
داليا : انا نازله الشغل يا ماما ..
نهاد : نازله دلوقت .. مالك ياداليا في ايه !
" تحاول داليا تهرب من عين نهاد اللي كانت مصوبه عليها بشده "
داليا : تعبانه بس يا ماما ، سلام .
" تنزل داليا من بيتها للطريق الرئيسي و هي بتفكر مراراً و تكراراً بكلام كارما ، حق لو كنت غلطه و بنت حرام زي مابيقولوا ؟ ، يبقي ليها كل الحق ف كل كلمه بترددها .. ماحسيتش بنفسها و هي بتعدي الطريق الناحيه التانيه اللي كان فيه العربيات كأنها بتتسابق مين يوصل قبل التاني ، كانوا ماشيين بسرعه عاليه ، كانت بتعدى و كأنها صماء بكماء لا بتسمع ولا بتتكلم ولا بتحس ، ماحسيتش غير بقبضته لايديها و هو بيشدها ناحيته عشان ترجع و ماتمشيش اكثر "
داليا : ايه في ايه !
خالد : ايه اللي ايه انتي كنتي هتموتي !
داليا : ماسيبتنيش اموت ليه !
خالد : نعم !!
" تبصله و تسكت لوهله "
داليا : متشكره ..
" تسيبه داليا بين حيره كبيره مين دي ؟ و ايه حصلها ؟ معقول تكون هي اللي كانت عايزه تنتحر ماكانتش سرحانه ؟ "
خالد : ياانسه !
" تبصله يجري ناحيتها و يقف قدامها و هو باصص لعيونها بتفحص شديد "
خالد : هو انتي من الشارع هنا ؟
داليا : ايوه ، في حاجه ؟
خالد : لا اصل انا لسه جاي جديد و كنت نازل اشتري حاجات بس مش عارف اي سوبر ماركت هنا
داليا : قدام شويه هتلاقي
خالد : في مشكله لو عرفتيني مكانه ؟
" تهز رأسها بـ لأ ، تمشي قدامه بسرعه بخطوتين عنه "
خالد : اسمك ايه !
داليا : اسمي داليا ، ارجو فقره التحقيقات ما تطولش اكتر من كده ؟
خالد : هي اه هتطول اصل انا يعني عايز اعرف ناس جديده بدل ماانا عايش لوحدي هنا
داليا : اهلك مش معاك ؟
خالد : لا اهلي من سوهاج و انا عشان اشتغل جيت القاهره اتوظفت ف شركة Designer
داليا : ااه ، نورت 💙.
" يظل صامت لفتره لا تزيد عن عشر دقائق ، حتي تجرأ "
خالد : مخطوبه ؟
داليا : لا
" تتلفت ليه و تتكلم بنبره حادة "
داليا : ارجو انك ماتسألش اي حد لأن مش الكل لذوذ زيي و هيجاوبك في اللي هيقولك و انت مالك !
" يكمل كلامه و هو عاقد حواجبه "
خالد : و انتي لذوذه ؟
داليا : جدا جدا حقيقي ربنا يحميني بجد ، و ده غرور علي فكره عادي .
خالد : انتي غريبه حاسك طالعه من فيلم كارتون !
داليا : ليه يا باشا شايفني عامله قطتين !
خالد : بعيداً عن كلمة باشا ، بس انتي فعلا قصيره كده و تحسي انك طفله
داليا : انا مش قصيره انت اللي طويل بزياده .. ثم ان ربنا اخد من طولي و حط في لساني ف بلاش اناا .
" يوصلوا قدام السوبر ماركت "
داليا : السوبر ماركت اهو ، سلام
" يمسك دراعها تبصله بحدة يسيبها و يرجع خطوه "
خالد : هشوفك تاني ؟
" تسكت و تبتسم بلطف "
داليا : بإذن الله اذا ربنا اراد 💛
خالد : ضحكتك حلوه ، ماتخبيهاش تاني !
" تترسم علي وشها ضحكة استحياء و تمشي لمقر شغلها ، داليا من العُمال المميزين في التصميمات للملابس العصريه و فساتين المحجبات و تنسيق الألوان سوا عشان يكون في الاخير عمل زاهي يبص الكل ليه بإنبهار "
سلمي : انتي بني ادمه براس حميييير ازاي تسيبيني من غير فطار !!
" تبصلها بحيره و هي بتسأل "
داليا : انتي مافطرتيش !
سلمي " لا طبعا افطر من غيرك ازاي !
داليا : الصحوبيه علي حق ، افطري انتي انا مش قادره اكل
سلمي : ايه حصل ؟
" تحكيلها داليا اللي حصل ، و ليه لا ؟ فإنها سرها و أمانها و أمانيها بالأصدقاء تحققت بها ، الكَتِف الذي لا يمِل و لا يميل و الحضن المفتوح دائماً لها و لدموعها فقط .♥️"
سلمي : فكك منها كارما دي اساسا كائن لزج كده معرفش انتي مستحملاها ازاي ، و بعدين مش مهم هي تحبك المهم ان انا بحبك !
داليا : كفايه عليا حُبك انتي يا ست 💛.
سلمي : صحيح المدير كان عايزك
داليا : ايه تانييي !
سلمي : علي فكره بيحبك !
داليا : حبه برص انا مش ناقصه وجع قلب و دماغ
سلمي : حوش حوش البت ارتبطت مليون مره
داليا : بس يا سلمي ايش فهمك انتي اعرف واحد يقولي راحه فين و جايه منين و بغير عليكي من وش جزمتك و من عين البوتوجاز و انا اصلا دبش يا سلمي !
سلمي : فاكره حلمي لما قالك انتي سايبه النجوم فوق و بتعملي ايه هنا رديته عليه قولتيله ايه ؟
داليا : طلعلهم والدتك
سلمي : من بعدها نقل قسم تاني ماشوفناش وشه حرام عليكي
داليا : يستاهل حد قاله يحاول يستظرف ؟
سلمي : غلطته فعلا هو اللي دبش
" يرن تليفون مكتبها بمدير الشركه "
داليا : ايوه يا فندم .. انا لسه واصله دلوقت و .. حاضر يا فندم جايه
" يادوب يقفل و تنفخ بعصبيه "
داليا : مش فاهمه كان ايه خلاه ينقذنييي !!!
سلمي : مين اللي نقذك ؟
" تقوم داليا من علي مكتبها و تروح ناحية الباب "
داليا : هقتل الراجل اللي جوه ده و اجي احكيلك .
" تقفل الباب وراها و هي بتستحلف تدي مديرها درس في التعامل بلطف مع الناس و انه ينقي كلامه و هو بيتكلم "
رؤوف : انتي ازاي تتـ ..
" تقاطعه في الكلام بنبره حادة و وشها يحمر بسبب عصبيتها زي تنه و رنه "
داليا : انت تعرف انا كان هيحصلي ايه و لا انا مريت بإيه من الصبح عشان تقولي اتأخرتي و مااتأخرتييييش !!!
" يحاول رؤوف انه يتمالك نفسه قدامها لانها معاها كل الحق في اللي قالته "
رؤوف : انتي عارف ان الشركه ليها نظامها !
داليا : زي ماانت عارف اني بني ادمه مش أله يعني بيحصلي ظروف و بتعب !!
رؤوف : انتي عارفه انك من اكفء الي اشتغلوا هنا و مش عايز اخسرك لأي سبب ، اهدي و اقعدي
" تقعد داليا قدامه و هي في قمة اللامبالاه مستنياه هو يبدأ بالكلام "
رؤوف : في واحد هييجي جديد هنا و انتي هتتولي مهمة انك تعرفي علي كل حاجه
داليا : يا ولي الصابرين .. هو مفيش غيري حضرتك !
رؤوف : لا مفيش اشطر منك هنا ، فـ عشان كده اختارتك
أنت تقرأ
رواية Blind ل شهد رمضان
Romanceما خفي كان اعظم ، كان سبب الندبة ! " الجزء الاول ل روايه غدًا القاك "
