ကျွန်တော့်ရဲ့ မနက်ခင်းတွေ ကစပြီး ညတွေ ဖြစ်သွားတဲ့အထိ ကျွန်တော် လူတစ်ယောက်တည်းကိုပဲ ငေးကြည့်နေခဲ့ဖူးတယ်။
သူ့ကို သိလား ? ။ သူက ကျွန်တော် အချစ်ရဆုံး လူသားလေး လေ ။ သူ့နာမည်လေးက "ခရာနွေဦး"တဲ့။
သူက သိပ်ပြီးတော့ ဆွဲဆောင်မှုရှိတဲ့ ကောင်လေး ။ အရမ်းချစ်ပြတတ်တဲ့ကောင်လေး ။ ပြီးတော့ အရမ်းဟန်ဆောင်ကောင်းတဲ့ ကောင်လေးတစ်ယောက် ။
*
"ဟေ့ရောင် 'သမိုင်း' "
" ဘာလဲ ? " သမိုင်း မေးငေါ့၍ မေးလိုက်သည်။
"အဲ့ဒီ ကောင်မလေးက ဘယ်သူလဲ ? ။ ချစ်စရာလေး !"
" ငါတို့မေဂျာက Queen လေ ။ "
"ဒါဆို မင်းနဲ့ခင်တယ်ပေါ့ ။ "
" ခင်တယ်လို့လဲ မဟုတ်ပါဘူး ။ မေဂျာတူတော့ စာအကြောင်း ၊ ကျောင်းအကြောင်း ပြောမိကြရုံပါပဲ ။ "
"အော် ! နောက်တစ်ခါ ငါ့ကို သူနဲ့မိတ်ဆက်ပေးပါနော် ! နော်လို့ ! ဟေ့ရောင်ရ ။ " ဟု ဆိုပြီး နွေဦး
တစ်ယောက် သမိုင်း ပခုံးလေးပေါ် သူ့လက်လေးတင်၍ သဇင်နှင့် မိတ်ဆက်ပေးရန် တောင်းဆိုလေသည်။
ထိုစကားကြားတော့ သမိုင်းဆက်သွားမည့် ခြေလှမ်းတို့ ရပ်လိုက်သည်။ ပြီးတော့ နွေဦး ရဲ့ မျက်လုံးအစုံတို့ကို ခဏတာ ငေးကြည့်လိုက်ပြီး .....
"ဟင်အင်း မဖြစ်နိုင်ပါဘူးကွာ " ဟုဆိုပြီး သမိုင်းတစ်ယောက် နွေဦးဖက်ထားရာမှ ရုန်းကာ ရှေ့သို့ ဆက်လျှောက်လိုက်သည်။
သမိုင်းရှေ့ကနေထွက်သွားတော့ နွေဦးက သမိုင်းနောက်မှ ပြေးလိုက်ကာ သမိုင်းပခုံးလေးကို ထပ်မံ လက်တင်လိုက်သည်။
"ဘာလို့လဲ?!!"
" ဘာလို့ဆိုတော့ သူက Queen ဆိုတော့ မာနကြီးမယ် ထင်လို့ပေါ့ဟ ။ "
"အော် ! အဲ့လိုကို ။ ဒါမဲ့ ဘာမှ မဖြစ်ပါဘူး ။
အချစ်စစ်ဆိုတာ အခက်အခဲတွေ များတာ
ငါသိပါတယ် ။ဒါကြောင့် ငါ့ကို သူမနဲ့ မိတ်ဆက်ပေးကွာ ။ နော် သမိုင်း ! နော် လို့ !။ "
YOU ARE READING
SILENCE
Teen Fictionချစ်နေရက်နဲ့ ဖွင့်မပြောရတာ နာကျင်တယ် " ခရာနွေဦး" ရယ် ........ ချစ်နေရက်နဲ့ ဟန်ဆောင်ညာရတာလည်း ပင်ပန်းတယ် "သမိုင်း" ရဲ့ ... ........................................................................ ခ်စ္ေနရက္နဲ႕ ဖြင့္မေျပာရတာ နာက်င္တယ္ " ခရာေႏြဦး" ရယ္...
