*تفسير إسم الرحمن والرحيم*
"صلوا على الحبيب"
إي الفرق بين الرحمن والرحيم ..
هما إسمان من أسماء الله تعالى ...
الرحمن هو صفة الله التي تعني المبالغة في رحمة الله اللي بتشمل جميع مخلوقاته ، سواء آمنوا به أم لم يؤمنوا ، أما الرحيم فهو المتصف بالرحمة اللي بتشمل المؤمنين فقط ، ودا معناه إن الرحمن أشمل وأعم من الرحيم ...
وقد قال الله سبحانه وتعالى عن نفسه في القرآن الكريم :
"وربك الغفور ذو الرحمة"
قال الله تعالى :
"وَكَانَ بِالْمُؤْمِنِينَ رَحِيماً" [الأحزاب : 43]
لما يجي أي حد مننا يعمل ذنب ويجي يتوب وخلاص مش هيعمله تاني ويقعد يستغفر ... يلاقي الشيطان يوسوسله إنه هيتحاسب مهما عمل وإنه أي خير أو أي حاجه هيعملها مش هتتحسبله في ميزان حسناته ، وإن ربه مش راضي عليه ومش هيغفرله فييأس !
"وَلَا تَيْأَسُوا مِن رَّوْحِ اللَّهِ ۖ إِنَّهُ لَا يَيْأَسُ مِن رَّوْحِ اللَّهِ إِلَّا الْقَوْمُ الْكَافِرُونَ"
فيه هيستسلم وهيكمل ذنوب عشان موثقش في رحمة ربَنَا وإنه قد إيه غفور رحيم وبيحبنا فيستسلم ، وبكدا يكون الشيطان ضحك عليه والشيطان كسب وساعتها اللي سمع كلامه دا خسر وكتير اوي ، أما بقى اللي مسمعش كلامه وطنشه وفضل مكمل في الخير والإستغفار والتوبة لأنه واثق وعارف إنه بس لو عمل أي ذنب حتى الكبائر حتى الشِرك بالله فهو هيغفرله وهيمسحله كل حاجه كأنه معملش حاجه خالص لمجرد بس إنه تاب من قلبه ومعتش هيعمل كدا تاني فعلا وإستغفر وخلاص ربه سامحه وبكدا الشيطان خسر والشخص دا كسب وكسب كتير اويي ..❤️
مهما تعملي ذنوب مهما كانت إيه هي .. بيعفر للي بيشرك به ويرجع تاني يؤمن بربه بيرجع تاني يصلي ويتوب ، مش هيغفرلك ذنوبك الأقل!!
لو بتعملي الذنب وقولتي مش هعمله تاني يارب صدقني والله ، وبترجعي تعمليه فإنتي كدا مش وحشه لا لا انتي بس متوبتيش من قلبك فعلا وكرهتي الذنب دا وسبتيه عشان ربك عشان بتحبيه ، إنما انتي سبتيه عشان حرام وبس لكن معرفتيش هو حرام ليه ، لو عملته ربَنَا هيشوفني إيه ، أو لو فضلت أعمله هيأذيني ولا لا الذنب دا !
لما تيجي تبعدي عن ذنب أيا كان إي هو ابعدي عنه وانتي عارفه عنه كل حاجه عارفه حرام ليه وربَنَا له حكمه في إنه يخليه حرام .. اعرفي عشان لما الشيطان يوسولك تكوني انتي اصلا واثقه من إنه حرام فعلا ومستحيل ترجعي تعمليه وربَنَا هيغفرلي بإذن الله ومش هتكرريه .. لا الشيطان هيعرف بقى يوسوسلك ولا أي حاجه عشان خلاص خد فكرة عنك إنك بتبحثي وبتدوري وبتعرفي وبتتعلمي فيسيب الوسواس دا ويفكرلك في حاجه تانيه وهكذا لحد ما انتي اللي هتكسبي عشان فضلتي تعافري والجنه محتاجه اللي يعافر عشانها ..
فإفضلي عافري ودوري واعرفي بحيث إن الشيطان يزهق منك ويبعد على الأقل لو شوية والشيطان مش هدفه إنك تعملي ذنوب لالا خالص هدفه الوحيد وبس إننا نكفر بالله لأنه هيفضل في النار للأبد وقولتلكم إن الكافر بس اللي هيفضل في النار للأبد فدا هدفه الوحيد فبيبدأ معاكي من الصفر لحد ماتموتي .. طب هنخاف منه! هنخاف من شيطان ربك هو اللي خلقه أصلا وخلقك ! هنقعد نفكر فيه وإنك تخافي تكفري وتبقي من أهل النار! وهتروحي بقى معاه والوساوس اللي مش هتخلص !
لا انتي واثقه في ربك واثقه في رحمته ، وفي حبه ليكي وواثقه في إنه قادر يدلك على الصح وميسبكيش ، وقادر يخليكي أقوى من وساوس الشيطان ، وقادر يخليكي من بنت بتعمل ذنوب لبنت بتعمل خير وبتتعلم عنه وقادر يخليكي من الناس الصالحين بل هتكوني أكتر منهم كمان ، والله قاااادر بس انتي اللي بتعافري! بتعملي لجنتك! بتفضلي تدعي إن ربك يثبتك ولا لا! بتحبيه ولا بتقولي بحبك يارب من غير ماتعملي مين بيحب من غير مايعمل للحب دا .. حبك لربنا كدا بالظبط لازم تعملي عشان تكسبي حبه ورضاه وجنته ورؤيته وسماع صوته دا كفيل يخليكي تتعبي عشان توصلي إتعبي انتي الكسبانه في الأخر والله انتي ربك مش بيكسب مننا حاجه ولا محتاجنا في حاجه لكن احنا اللي محتاجينه ومحتاجين إنه يغفرلنا محتاجين يوم القيامه رحمته ويدخلنا الجنه ، وشفاعة سيدنا محمد عليه الصلاة والسلام لينا احنا بس اللي محتاجين ومع ذلك مبنعملش ونيجي في الأخر نقول ياريت رغم إننا عارفين إنه خلاص قُضي الأمر وبقينا في الموقف اللي كنا بنتخيله تحت في الدنيا ونستهون بيه ...💔
ربك غفور بيحبك وبيحبها وبيحبني وبيحبنا كلنا وهندخل الجنه برحمته بس لازم تثقي في رحمته وتوبي حتى لو فضلتي ترجعي لعل وعسى يكون الرجوع لله بلا عودة للذنب .. خلاص بقى واستوب لحد كدا هو هيغفرلي وانا هبدأ من جديد عشان انا بحبه بحبه هو وبس ، ولازم اعافر واتعب عشان اوصل زي ماغيري كتير وصل ولازم اكون من الفايزين واللي هيقوله الحمدلله بجد إنه رحمنا من النار ..❤️
رحمة ربك واسعه أرحم من ابوكي وامك عليكي بيحبك وانتي بتعصيه وبيبقى عايزك ترجعي ، مش هيحبك وانتي بترضيه وبترجعي! مستحيل حبيبتي مستحيل ارجعي بقى الدنيا ايام والله وهتمشي منها مهما عيشتي فيها فهي زائلة هتختفي زي ماغيرنا م
اتوا ومشيوا منها احنا هنبقى مكانهم في يوم من الأيام ... بحبك جدا وبتمنى ترجعي لربك واللي خلقك واللي بيحبك مش يكون كل همك ترجعي للشخص دا ولا فلان زعلان مني أروح اصالحه ولا ولا ولا .. ربك أولاً وبعد كدا ماشي فكري في اللي عايزة تفكري فيه ....
وربك عز وجل قال :
"وَمَن جَاهَدَ فَإِنَّمَا يُجَاهِدُ لِنَفْسِهِ ۚ إِنَّ اللَّهَ لَغَنِيٌّ عَنِ الْعَالَمِينَ"
إنك تجاهدي فدا لنفسك وبس عشان تكوني من الفايزين يارفيقتي ونتقابل في الجنه فوق ونقول أخيرًا مشينا من الدنيا أخيرًا..❤️🌸
"وَمَن يَأْتِهِ مُؤْمِنًا قَدْ عَمِلَ الصَّالِحَاتِ فَأُولَٰئِكَ لَهُمُ الدَّرَجَاتُ الْعُلَىٰ"
"وَالَّذِينَ آمَنُوا وَعَمِلُوا الصَّالِحَاتِ لَنُكَفِّرَنَّ عَنْهُمْ سَيِّئَاتِهِمْ وَلَنَجْزِيَنَّهُمْ أَحْسَنَ الَّذِي كَانُوا يَعْمَلُونَ"
أنت تقرأ
هنصعد سلم الالتزام معا🥺💜🌸
Spiritualبصوا عاوزين نلتزم بقي؟ اصل الحياة مش لهو ولعب بس عاوزين نعمل صح بقي♥ ولَن يُخيب اﷲ صِدق إلحاحَك ما دُمت مُتيقناً :")) وكمان الجنه جميله اوي مش يلا بقي نفوق ونقرب من الله
