💕أنت قلبي٢💕

الحلقة ١١٨

#أنت_قلبي٢
#بوسي_مصطفى
_______________
الحلقة (((١١٨))) 

في التليفون 📞
مليكة : ثواني يا ياسمين.
ياسمين : انتي بتعملي ايه؟
مليكة : بحاسب الكاشير.
ياسمين : اممم يعني انتي مش في البيت؟
مليكة : لأ نزلت اشتري شوية حاجات.. الجو حر اوي.
خرجت و بتفتح شنطة العربية.
مليكة : خليكي معايا.
ياسمين : بقولك ايه ما تقفلي و لما تبقي فاضيه كلميني.
مليكة : خلاص اهو بشغل العربية
كنتي بتقولي ايه؟
ياسمين : كنت جايه ليكي بس خلاص بقى خليها بكره.
مليكة : ليه انتي فين؟
ياسمين : لسه خارجه من البيت عند عمو هشام هعدي على إياد في المحل ندردش شويه.
مليكة : انتي عند انكل هشام الصبح بدري كده!
ياسمين : لأ بايته أنا و هشام هناك و سيبت ريتاج مع طنط أمل.
مليكة : طبعا الفرحه مش سيعاكي دلوقت!
ههههههههههههه
ياسمين : لا تصدقي وحشتني برضو.
مليكة : هههههههههههه عليه برضو الكلام ده!
بقولك ايه خلصي مشوارك و عدي عليه و لا اقولك اعدي أنا عليكي و تيجي معايا.
ياسمين : أجي معاكي فين؟
مليكة : مش عارفه ايه اللي طلعها في دماغي
ههههههههههههه
قولت اروح لعمو كمال اتغدا معاه النهاردة.
ياسمين : طب و فيها ايه؟!
مليكة ' يا بنتي افهميني بقى مفيهاش مشكلة طبعاً أما اروح اتغدا معاهم خصوصا إن طنط فيروز هتكون هناك أصل بتكسف من عمو كمال مش دي المشكلة بقى.
ياسمين : خلصيني يا مليكة علشان وصلت و واقفه
في الشمس.
مليكة : قولت يعني اعمل الغدا بنفسي و افاجئهم.
ياسمين : هههههههههههه
مليكة : من غير تريقه لو سمحتي.
ياسمين : انتي هتعملي غدا لوحدك يا مليكة؟!
مليكة : اعمل و معملش ليه؟
ياسمين : لا يا حبيبتي بس بتطبخي على قدك انتي و سيف
و هو يعني بيستحمل هيعمل ايه
ههههههههههههه
بس تروحي تطبخي لباباه كمان
الراجل مش صغير ومعدته متستحملش
ههههههههههههه
مليكة : اقفلي يا ياسمين.
ياسمين : هههههههههههه
استني بس قوليلي هتعملي ايه على الغدا علشان لو احتاجتي مساعدة يعني و لا حاجه.
مليكة : هعمل مكرونة بالباشميل.
ياسمين : حلو.
مليكة : و صنية بطاطس بالفراخ
و جيبت بطه بس مش عارفه دي تتسلق و لا تتشوي في الفرن عمري ما عملتها.
ياسمين : هساعدك بس عشر دقايق كده اخلص موضوع مهم مع إياد و هكلمك.
مليكة : متشكره قوي يا ياسمين مش عارفه اقولك ايه.
ياسمين : هههههههههههه
يا عيني كنتي غرقانه و أنا انقذتك.
مليكة : ما هو بصراحه عايزة اعمل حاجه حلوة ليهم و خايفه تبوظ مني.
ياسمين : المهم النيه طالما نيتك خير هيطلع الأكل حلو.
مليكة : خلاص أنا كمان قدامي حوالي ربع ساعة و اكون عندك تخلصي و نروح سوا.
ياسمين : اوك.. سلام.
مليكة : مع السلامة.
_____________

في إيطاليا..
آسر : ايه رأيك يا حبيبتي في الأكل؟
سهر : لذيذ قوي.
آسر : طب ما تيجي نتمشى شوية.
سهر : اوك يلا بينا.
شويه و اثناء المشي...
يوقف آسر أمام سهر..
سهر بابتسامة : ايه يا آسر فيه ايه؟
آسر : شوفي دا كده.
سهر : ايه ده؟
آسر : اقري و انتي تعرفي.
سهر : دا عقد......
و بتكمل سهر قرايه..
سهر : ايه ده مش فاهمه حاجه!
آسر : دا عقد شراكه بيني و بينك.
سهر : ايوه فاهمه بس ليه؟
آسر : علشان تبقى شريكتي في كل حاجه في الشركة و البيت و في قلبي كمان..
سهر نظرت ليه و مردتش.
آسر : ايه دا هي المفاجأة معجبتكيش و لا ايه؟
سهر : ايوه برضو ليه يا آسر؟
آسر : يا حبيبتي هو ايه اللي ليه
حاجه بملكها و قررت إن مراتي حبيبتي تشاركني فيها.
سهر : بس دا ممكن يعمل مشاكل.
آسر : مش فاهم مشاكل ايه
و بعدين محدش له عندي حاجه دي فلوسي و تعبي و مجهودي و أنا حر فيها.
سهر : الولاد يعرفوا؟
آسر : لأ و بعدين انتي شاغله نفسك بالحوار دا ليه افرحي بقى أنا عملت كل دا علشان اشوف ضحكتك.
سهر : آسر ياريت ترجع عن القرار ده.
آسر : مش راجع يا سهر أنا حُر افرحي بقى علشان خاطري.
سهر بابتسامة : بس دا كتير عليه.
آسر : مفيش حاجه تكتر عليكي يا روح قلبي بعد كده بقى مش هقدر امضي ورقة غير بموافقتك.
سهر : يا خبر ليه؟
آسر : مش شريكتي بقى لو عملت حاجه من غير موافقتك تقدري تحبسيني بالعقد ده.
سهر : لأ بعيد الشر عنك أنا احبس حبيبي برضو و دا اسمه كلام!
آسر : هههههههههههه
بهزر يا حبيبتي لازم تعمليلي توكيل بقى علشان اقدر أدير الشركة براحتي.
سهر : هههههههههههه
و لو رفضت؟
آسر : هتضطري كل يوم تنزلي معايا الشركة علشان تديرها بنفسك.
سهر : لا يا حبيبي و على ايه
اعملك توكيل أسهل.
آسر : بقولك ايه تعالي نشرب حاجه.
سهر : اوك يلا بينا.
____________