💕أنت قلبي٢💕

الحلقة ١١٩

#أنت_قلبي٢
#بوسي_مصطفى
______________
الحلقة (((١١٩)))

في شقة هشام..
هشام : ها يا ياسمين ايه رأيك؟
ياسمين : اللي تشوفه يا هشام.
هشام : يا حبيبتي احنا لسه بتتناقش مع بعض و أنا مش هاخد قرار في الموضوع دا غير لما تقولي رأيك.
ياسمين : هي الفكرة حلوة فعلاً
إنك انت  و اخواتك تبقوا ساكنين في عمارة واحدة و خصوصا انها تبقى ملككم يعني محدش هيدخل بينكم.
هشام : تمام و دي كانت وجهة نظر بابي علشان كلنا نتجمع في مكان واحد.
ياسمين : خلاص شكلك واخد القرار.
هشام : لأ ما هو تقولي رأيك بقى الأول.
ياسمين بابتسامة : موافقة يا هشام.
هشام : كنت عارف إنك هتوافقي هو بابي الأول كان بيشتري شقة لـ شادي و بعدين عرف إن العمارة جديدة و لسه مسكنتش قال و ليه ماخدهاش من بابها و خلاص.
ياسمين : فكرة كويسه.
هشام : نشوف بقى بيعه للشقة دي و لا نسيبها و خلاص اهي مش هتخسر يعني.
ياسمين : و أنا بقول كده خليها طالما مش محتاجين لفلوسها و لا صح انت عايز فلوس علشان الشقة الجديدة.
هشام : بابي قال دي هدية مني ليكم و كل واحد من اخواتي له نفس الهدية و لما قولت هشتريها زعل جدا و كان هيخاصمني لولا إني لحقت نفسي و قولت خلاص موافق.
ياسمين : هههههههههههه
________

في فيلا مراد.
هشام : مش عارف اقولك ايه يا عُمر.
عُمر : ابني صعبان عليا و في نفس الوقت عايزة يتعلم من الدرس دا يمكن يطلع بالتجربه دي بحاجه مفيدة و قلبي برضو مش مطاوعني اسيبه كده.
هشام : ساعده يا عُمر لو تقدر.
عُمر : ما هو المشكلة إن أنا مش عارف اساعده ازاي هو مش عايز ينزل قال لمامته مش هنزل و اسيب ابني اللي في بطنها و في نفس الوقت هو تايه هناك ولازم يشتعل بجانب الدراسة كمان ورافض أي مساعدة ماديه مني حتى الفلوس اللي كنت ببعتها مبيتخدهاش و بترجع ليه تاني.
هشام : خلاص يحاول يحسن أموره مع مراته علشان الحياة تمشي و يكمل دراسته في هدوء..
عُمر ' بيقول لمامته إن الحياة بينهم بقيت مستحيله ايه بقى السبب و ايه اللي غيره كده مش فاهم.
___________

في لندن..
بدر : انتي بتقولي ايه أكيد اتجننتي!
سيرينا : ليه تجننت بيقولك إن كله فري وظيفة و بيت و إقامة هناك كله كله ببلاش زي ما بتقولوا.
بدر : يبقى كلام شادي كان صح.
سيرينا : مين شادي؟؟
اه اه افتكرت دا قريبك صح؟ ايه بقى اللى قاله شادي ده؟
بدر : أنا كنت مفكر إنك مجرد متعاطفه معاهم لانك فاهمه إنهم مظلومين لكن بعد مساندتك ليهم و موافقتك على السفر هناك اتأكدت إنك زيهم.
سيرينا : زيهم دي حلوة ولا ايه افهم؟
بدر : هما شوية لصوص بلطجيه بيسرقوا البيوت و الاض من اصحابها فشوفي انتي لما تبقى زيهم دي حاجه حلوة و لا وحشه؟!
سيرينا : مش هسمحلك بـ  أي غلط.
بدر : بس بقى كفايه كده و بعدين عايزة تروحي هناك براحتك بس ابني أخده الأول.
سيرينا ' بتحلم ابني هيعيش معايا هنا أو هناك أنت بقى طلق و خلاص مش عندكم طلاق برضو؟
بدر : عايزة ابني أنا يروح يعيش هناك انتي تجننتي؟
سيرينا : مش بتقول دي أرض أهلكم اللي هناك خلاص نروح نعيش فيها ما هم هيبقوا أهل ابني كمان.
بدر : يروح يبلطج و يسرق حاجه مش من حقه و لما يقاومه صاحب الحق يقتله مش كده؟
انتي عايزة ابني أنا يعيش هناك و يشارك في قتل اخواته انتي أكيد مجنونة.
سيرينا : خلاص مجنونة أخرج من البيت.
بدر : دا بيتي على فكرة.
سيرينا : هتصل بـ اهلي يخرجوك بره و لو اتصلت بالشرطة هسجنك بـ أي تهمه.
بدر : بقى كده!
سيرينا : أنت تشوف مكان تعيش فيه.
بدر : علشان تعيشي براحتك صح!
سيرينا : أعيش براحتي و اعمل كل اللي في نفسي مش عاجبك طلق يا حبيبي.
بدر : دا انتي بجحه قوي.
سيرينا : لو راجل صحيح مش تقبل على نفسك الوضع ده.
بدر : ما هو أنا هطلقك بس لما تنزلي اللي في بطنك.
سيرينا : وقتها مش هتلاقيني هنا.
بدر : هاتموتي يعني؟
سيرينا : عايز تقتلني؟!
بدر : أنا هخرج لإني مش طايق أعيش معاكي.
__________