💕أنت قلبي٢💕

الحلقة ١٢٠

#أنت_قلبي٢
#بوسي_مصطفى
______________
الحلقة ١٢٠

في فيلا كريم...
سارة : مش عارفه بقولك الكلام دا ليه؟
يمكن علشان دايماً حاسه انك قلقانه من ناحيتي و يمكن علشان مندفعه في الكلام و مبعرفش أعبر كويس عن اللي جوايا بس صدقيني يا فريدة مفيش بيني و بين دكتور كريم غير كل احترام انا بعتبره اخويا الكبير و دا مخليني خايفه اقولك الكلام دا علشان متفهميش حاجه تانية بس أنا مليش أي حد هنا في مصر خالص الدنيا دي كلها مليش فيها غير جوزي اللي هو احنا اصلا مش عايشين مع بعض باستمرار لـ اسباب مفيش داعي أوجع دماغك بيها و كريم ابني
هما دول كل أهلي بعد وفاة خالي و انتي عارفه الدنيا مشاغل بقى
ولاد خالي فين و فين لما ب يسألوا و انا بصراحه علشان معشتش معاهم كتير مفيش يعني ارتباط بيهم قوي
و لما رجعت هنا مصر كنت راجعه مع دكتور كريم فهو بالنسبالي حد من اهلي عارفه إني زمان كان تفكيري غير كده خالص لإني كنت صغيرة زي اللي شبطانه في باباها بس لما فوقت لاقيت انه إنسان له بيت و زوجة و اولاد
مينفعش اتعدى الخطوط دي
رغيت كتير صح؟
فريدة : سارة انتي زي اختي الصغيرة ممكن تقبلي مني النصيحه دي؟
سارة : طبعاً يا فريدة.
فريدة : حاولي تعيشي جوه أسرتك ارجعي لزوجك و معاكي ابنك كوني عيله تفرحي وسطيهم طبعا مش هقولك ليه اكتفيتي بطفل واحد علشان ممكن يكون ليكي اسبابك اللي مينفعش حد يدخل فيها بس لو في فرصه
كبري عيلتك انتي محتاجه لـ ده
عارفه إن الماضي كان مؤلم بالنسبالك بس تقدري تكملي و تبقى أحسن و متلتفتيش وراكي.
سارة : أنا فاهمه كلامك يا فريدة
بس...
تقاطعها فريدة : معلش هسألك سؤال معرفش دا هيكون تطفل مني و لا بس أنا عايزة اطمن عليكي بتحبي زوجك و لا لأ؟
سارة : لو مبحبوش مكونتش اتجوزته.
فريدة : كويس قوي ليه بقى عايشه بعيد عنه و متقوليش إن هو اللي بعيد عنك عارفه ليه لإن الست بتعيش مكان ما زوجها موجود أنا زمان سافرت مع كريم و قبلت اعيش في بلد غريبه عني
و مكونتش عارفه اتأقلم هناك بس كان في هدف جوزي بيسعى ليه فكان لازم استحمل علشان يحققه اما انتي هناك دي تعتبر بلدك اتولدتي و تربيتي فيها يعني مش غريبه عنك صدقيني أنا بنصحك لمصلحتك مليش أي أهداف شخصيه غير اني اطمن عليكي.
سارة : عارفه يا فريدة و انتي طيبه قوي زي دكتور كريم.
فريدة : حاولي تفكري في اللي قولتهولك.
سارة بابتسامة : حاضر اوعدك إني أفكر.
______________

في شقة كمال و نادين..
وليد : حاول تقنعها يا استاذ كمال
على الأقل ترجع بيتها و لو مش حابه وجودي في البيت أنا هشوفلي مكان تاني اسكن فيه بس بلاش تفضل سايبه بيتها كده.
كمال : تفتكر إني مقولتش الكلام دا يا ابني بس هي اعصابها تعبانه.
وليد : عارف و نفسي اعتذرلها عن أي وجع سببته ليها بس بلاش تعاقبني بالطريقة دي
البيت فضي عليه و مبقتش طايق أعيش فيه قولها إني عمري ما اتجوز عليها و لا فكرت دي كانت مجرد....
خرجت فيروز من الغرفة مندفعه ناحيته : عمرك ما فكرت ايه؟؟؟
قول تاني كده!
وليد : كانت لحظة ضعف و فوقت بعدها يا أم حذيفه.
فيروز : لحظة الضعف دي خلتك تلبس و تتشيك و تكدب عليه علشان تروح تتقدم يا عريس؟!
وليد : لو عايز كنت كملت يا فيروز.
فيروز : طب ما تكمل هو فيه حد حايشك؟!
كمال : اقعدي يا بنتي استريحي.
فيروز : يطلقني يا بابا مش عايزة أعيش معاه.
كمال : اقعدي يا فيروز و اهدي و اخزي الشيطان يا بنتي الكلام دا مش بالساهل يتقال كده.
فيروز بتبكي : بقى سهل علشان هو اللي وصلنا للنقطه دي
تفتكر يا ابن خالي لو المشكلة كانت عندك أنت كنت طلبت الطلاق و روحت اتجوزت
جاوب ساكت ليه؟
وليد : فيروز انتي ست جدعه و دايما كنتي واقفه في ضهري و أكيد مكونتيش هتتخلي عني.
فيروز و هي مازالت بتبكي : اه
علشان كده فكرت تجيبلي ضره في البيت طب يا اخي كنت شوفتلها مكان تاني بعيد عني
خلاص مفيش اي احترام لمشاعري مفيش أي حاجه حلوة تفتكرهالي؟!
وليد : فاكرلك كل خير يا بنت عمتي.
فيروز : اه بأمارة اللي عملته.
وليد : علشان خاطري خلينا ننسى و نبدأ صفحه جديدة.
كمال : هنزل بس اجيب حاجه من تحت و جاي.
فيروز : حاجة ايه؟ قولي عليها و أنا انزل اجيبها.
كمال : لا خليكي أنا عايز امشي رجلي شويه.
و فتح كمال باب الشقة و خرج.
وليد نظر لفيروز بابتسامة.
فيروز : ايه بتبصلي كده ليه؟!
وليد : قلبك ابيض بقى يا فيروز
انسي يا حبيبتي.
فيروز : انسى هو اللي حصل دا يتنسي.
وليد و قام و قعد جنبها.
فيروز : اتفضل ارجع اقعد مكانك.
وليد : بس أنا عاوز اقعد هنا.
فيروز : بقولك اتفضل ارجع مكانك.
فاجئ وليد فيروز ب احتضنها حاولت تبعد لكنه احتضنها بقوة.
وليد بحنين : وحشتيني.
فيروز بعتاب : هونت عليك؟
وليد : عمرك ما تهوني.
فيروز : دي الأمانه اللي وصتك عليها ماما؟
وليد : أنا آسف.
فيروز : و اعرف منين إنك مش هتفكر في الموضوع دا تاني؟
وليد : عمري ما افكر فيه حذيفه عندي بالدنيا و انتي ست الستات يا بنت عمتي.
فيروز : مش مصدقاك.
وليد : طب اعملك ايه علشان تصدقي؟
اقولك هكتب لك المصنع باسمك.
فيروز : مش عايزة حاجه.
وليد : بس انتي ليكي حق عندي و لازم تاخديه.
فيروز : أنا مكونتش عايزة حاجه و لا عمري فكرت إنك تكتبلي حاجه انا كنت بس عايزة احس بالأمان.
وليد : مفيش حاجه هتحصل تاني تخليكي متحسيش بالأمان معايا صدقيني يا فيروز مفيش في دماغي غيرك و لا عمر في ست تملا عيني غيرك.
فيروز : و مامتك؟
وليد : عارف انك زعلانه و مش هقولك انسي بس بلاش نهد البيت علشان خاطري.
فيروز : طب سيبني.
وليد : هسيبك بس تقومي تلبسي و تنزلي معايا.
فيروز : كده على طول؟!
وليد : امال عايزة ايه؟
فيروز : تستأذن صاحب البيت الأول.
وليد بابتسامة : حاضر لما يرجع
ههههههههههههه
شوفتي بقى لما سابنا اتفاهمنا ازاي.
فيروز : تقصد ايه يعني؟!
وليد : أقصد إن الراجل دا دماغه كبيرة قوي ههههههههههههههههه
____________