رن هاتف موده برقم والدتها فأجابت: السلام عليكم خير يا ماما.
منى الأم: وعليكم السلام يا حببتي اخبارك ايه؟
موده بتنهيده:أنا كويسه.
منى:وصحباتك والجو عندك.
موده:كلنا كويسين مالك.
منى:مش عارفه يا بنتي قلبي مقبوض.
موده:متقلقيش انتي لسه عند خالتو.
منى:اه ومش هعرف انزل البلد دلوقتي خلوا بالكوا من نفسكوا وسلميلي على اللي عندك.
موده بهدوء:الله يسلمك.
منى:يالا عايزه حاجه.
موده:عايزه سلامتك سلام
وقفلت الخط في وجه امها.
ضحى وهى ترفع إحدى حاجبيها:حتى امك مش بتستني تكملي كلمه سلام وتقومي قافله عالطول.
موده بضحك:سيبك.
رامي:كانت عايزه حاجه.
موده:كانت بتطمن علينا.
رامي:ربنا يخليهالك.
موده:يارب.
استأذن رامي وذهب إلى الغرفه أغلق الباب خلفه وجلس بغضب شديد وضيق شديد أيضا كان يحاول طوال الوقت تمالك اعصابه أمامهم وضع يده على رأسه كلما تذكر اختطاف موده وقال بتوعد مخيف:اقسم بربي يا ابراهيم الزفت لهتدفع تمن كل غلطه انت عملتها وانك خطفت حببتي وربي ما هرحمك ولا هتفلت من بين ايديا...لحد هنا وانا مش هسكت قتل ساره حبيبه نادر ومش هستنى أما يأذي حببتي أنا كمان.....
ثم صمت قليلا وإبتسم بخبث وقال بابتسامه غبيه:ساره صحيح نادر معتش بيجيب سيرتها خالص وشكله كان ناسي الموضوع تماما من ساعه ما ضحى جات وهو مش بيفتح الموضوع ده خالص كده معتش غير أنه يرجع شغله وبعدين يفتح قلبه لواحده تستاهله...أيوه صح هى ضحى اللي هتغيره وانا بقا اللي عليا اني هحاول اقربهم من بعض.
بينما صعدت ضحى لترى رأفت
من الكبرياء ان تبتسم في وجه من ينتظر منك البكاء......... ♥
اياد:بابا كويس يا دكتوره.
اومأت ضحى بصمت......
نادر بهدوء:انا واحد ظابط صاحبنا هو برضو هيساعدنا واظن ان الموضوع ليه علاقه بينا كلنا بسبب ابراهيم الشرقاوي.
انس:هيجي امتا وهيعمل ايه.
نادر:معاه فديوهات لابراهيم الشرقاوي على معظم الجرايم اللي عملهاعلشان برضو نعرف تفكيره وهيجي على انهارده بالليل كده على الساعه عشره.
انس:كده تمام اووي.
في الساعه الثامنه مساء....
كانت اسماء تشعر بضيق شديد فخرجت الى الحديقه وحدها وكان الجميع في غرفهم.
جلست اسماء على الارجوحه الموجوده بالحديقه ظلت شارده قليلا ثم دون شعور منها ارجعت رأسها للوراء واغمضت عينيها ونامت رغما عنها.
