الدكتورة أسيرة الزعيم 🔫👩‍⚕️

الحلقة 7

جازت سمانة أخرى على الأبطال جوري تلهات في الخدمة و ماكس نقدرو نقولو عليه رجع لاباس بيه الخدمة راهو واقف عليها هو و سام ميار و جوري مازادوش تلاقاو اما يماها و راجل يماها فولاو للبلاد بحكم ام راجل يماها مريضة   لحق النهار لي تتبدل فيه الحياة عندهم كامل .
ناضت جوري صباح لبست سروال جين و تريكو أبيض و فيستا جين و باسكات دارت كوتشوفال (قريب كتبت كوشوفالي 😂) ركبت طونوبيلتها و راحت عندو دخلتها الخدامة و كانت رايحة جهة البيت لي شافت فيها السلاح شافها رايحة سبقها: اووه انسة جوري راهي هنا مرحبا
سمعت صوتو تلبكت و دارت ليه: اليوم نظن آخر يوم ليا ولا راني غالطة قلت نجي بكري باش نتهنى منك بكري
ماكس مشى قبلها و خلاها ....................
كملو المقابلة تاعهم صونا التليفون تاعو ناض و خرج و خلاها
جوري في نفسها: راهي جاتك الفرصة حتى لعندك هيا جوري روحي (كانت حابة تروح مي معلابلهاش علاه. )
طلع لبيتو بدل  حبط في بالو راحت حتى يشوف الطونوبيل تاعها مزالت هنا رجع ليها ملقاهاش في الجنينة تم تفكر كي كانت تمشي جهة الغرفة السرية و قال : امبوسيبل تدخللها و لا حتى تقرب منها
راح يمشي جهة الغرفة و يتمنى متكونش لتم اما كيما يقولو تجري الرياح بما لا  تشتهي السفن لقاها واقفة و فاتحة الباب و مشوكية من واش تشوف حتى تسمع نفسو غير يزيد و عينيه حمورا دم و عروقو بارزين شافت فيه بلغة التحدي و هي كلها خوف : رجل أعمال ياك اوكي نفتارضو صح انت رجل أعمال مشهور و معروف و قاع الناس تعرفك اوكي فهمتها هادي اما علاه ينصبولك فخ و يحاولو يقتلوك و يتخلصو منك هادي لي مفهمتهاش يا ميستر  ماكس  و زيد بزيادة حبيت ترجع الذاكرة تاعك بلا ميعرف حتى واحد تقدر تفهمني عندك توضيح !!
شاف فيها و هو عينيه ظلمة حتى هدرت:  اوكي فهمتك و جات خارجة متحس غير بيدها لي راح تتنحى من القبضة تاعو دارت ليه لقاتو يشوف فيها و باين مقلق عينيه راح يطرطقو و العروق تاعو باينيين ميل راسو عندها و همس في ودنها :
You entered my land
(دخلتي ارضي)
طلعت راسها شافت فيه : اطلقني خليني نروح
اما هو شدها من يدها و طلعها لفوق حطها في غرفة و هدر : راح تندمي انك قربتي لحاجة خاطياتك راح تشوفي الجحيم، تتمناي الموت و ماتشوفيهش طلقها في الارض طاحت وصل للباب فتحو و دار ليها: معاك البوس ماكس .و خرج غلق عليها و خلاها....و حبط عند الخدم: واحد فيكم ميفتحلها الباب يا لوكان تلقف. و راح
دخل البيرو قعد و حط راسو على الكرسي و خدم كلي حاجة ماكاين كان هكاك حتى دخل عليه سام:  عندي ساعة ملي عيطتلك وين كنت؟
ماكس:  كان عندي شغل
سام: و فريتو؟؟
ماكس:  لالا مي راح نفريه مالغري علابالي بلي يمرضني مي نفريه
سام: واش هاد الشغل!
ماكس : الدكتورة....
سام؛ راك تستعرف بلي حبيتها 😂😂أخيرا
ماكس بضحكة: اييه تالمون نحبها حبستها عندي في القصر
سام وجهو تخطف و الضحكة راحت: ولشش!!!!!
و حكالو ماكس: و دوك!
ماكس ؛ دوك كاين حاجة وحدة لي هي صحبتها
سام:  صحبتها!!
ماكس:  ايه لازم نعرف كلشي عليها و اذا غير هي صحبتها و تحكيانا راح نضطر نديها تاني
سام: اوكي خليها عليا......و خرج اما ماكس كمل خدمتو و هي فراسو خرج راح للبار يسهر.
نولو عند جوري لي كي سمعت انو هو من المافيا و زيد الزعيم مخها حبس مالغري كانت حاسة انو يخبي حاجة مي متوقعتش كامل هذا.. كي غلق عليها الباب مدارت حتى ردت فعل قعدت برك..قعدت تشوف في الفراغ تشوف و هي تعرف انو حياتها تبدلت منهار دخل لحياتها كانت قاعدة حتى ناضت خرجت للشرفة فتحتها ضربتها نسمة باردة كانت البيت لي فيها طل على حديقة القصر كان فيها بيسين كبير و داير عليه الورد من كل الألوان الشيء لي خلاها تبان جنة كانت طل حتى تشوفو داخل طلع راسو شافها و دخل ديراكت للدار راح للبيرو و قعد يخمم كيفاش يدير معاها.
اما سام فدار بحث على ميار و عرف انها موهوبة بدرجة كبيرة و انو صاحبة جوري الوحيدة لي تعتبر بيت اسرارها و هنا بقا بين نارين ادا يقول لصاحبو و يعرفو مليح واش يقدر يدير و خايف ميكون عندها علم بحتى حاجة قرر يخليها للوقت...........
اما جوري دخلت من الشرفة و قاعدة تشوف في البيت لاقيتها فراش كبير قيس شخصين و باب فتحاتو لقاتو حمام بجاكوزي كبير غسلت وجهها و خرجت قعدت فوق الفراش مقابلة مراية كبيرة تنهدت تنهيدة تهد الجبال...هي هكاك و تفتح الباب  كانت جميلة (رئيسة الخدم)و في يدها بلا تاع الماكلة :بنتي ارواحي تاكلي راكي مصباح بلا ماكلة
جوري: لالا صحة منيش جيعانة
جميلة:  راهو امر من السيد ماكس  يا بنتي لازم تاكلي
جوري شافت فيها و هدرت : خليه هنا .
حطلتها البلا و خرجت و غلقت الباب بالمفتاح
جوري:  ههه خايفني نهرب و نبيعو هههه*****
شافت في الماكلة و هدرت:  و زيد جايبلي الماكلة شغول ضيفة عندو ....
قعدت و عاود تفتح الباب و هاد المرة هو شافتو ضحكت باستهزاء و دورت وجهها
ماكس:  واش دكتورة راكي عاقلة . شاف البلا لقاه كيما هو : نظن انو امرت باش تاكلي و لازم تنفذي الامر لانو ماكاش في الحياة لي رفض طلبي لاني...
جوري و هي تقدرب منو: لانك ماكس أكبر رجل أعمال و اشهر زعيم هكا و لا راني غالطة
شاف فيها و القلق باين عليه عاودت راحت رفدت البلا و هدرت و هي تشوف فيه:  اوكي ميكون غير خاطرك....... رفداتو قدام وجهو و رماتو في الارض و دنات الزجاج برجلها و وقفا في وجهو: نموت و مانكلش السم تاعك يا لوكان يكون واش يكون منكولش دراهم الحرام و.....
مكملتش الهدرة تاعها حتى تجيها سقلة لوات وجهها و سيلتلها الدم من نيفها و رماها على الفراش: تندمي...تخلصيها غالية و غالية بزاااف .
خرج و خبط  الباب موراه.
اما جوري لي كانو السقلة هاديك فطنتها للواقع لي راهي فيه  قعدت ضمت رجليها لصدرها و  أطلقت العنان لدموعها و شهقاتها باش تشق طريقها على خدودها
بكات بكات حتى غفات في بلاصتها............