🚫 ممنوعة من النشر الا بإدني 🚫
✨الاسطورة ✨
الكاتبة : Agasha Bell
✨ سمو غيوقع الى زوج ديال الناس تبادلو الاجساد ديالهوم و كل واحد اضطر يعيش حياة الاخر مختالفة كل الاختلاف على حياتو الطبيعية ✨
القصة تصنيفها ضمن #حب # الكوميديا # الرومانسية #المال#ال...
✨الاسطورة✨ للكاتبة✒️ :Agasha Bell 💜📜البارت 28📜💜 فهد عقد حواجبو فيه : ياك لاباس مراد حك على راسو : كنعتاذر اانسة شمس على الازعاج و لكن عاد طاحت على بالي ... احم الاسبوع الجاي كاينة حفلة بمناسبة الشراكة ديالي مع موسيو فهد الاسماعيلي... و مكاين لي يرافقني و انتي اول وحدة جات على بالي فهد صغر عينيه قضية الحفلة مشات من بالو نهائيا طلع عينيه فيه بحدة زفر بضيق و حاول يهضر عادي : غادي نمشي مع شخص اخر دخل و سد الباب عليه بجهد حتا تسمر مراد فبلاصتو دهشراتو معرف باش تبلى فهد بعصبية : فاااك تمشى بخطوات سريعة لعند شمس على عينيه فيها بحدة و هضر بصيغة امر : جمعي حوايجك دابا ... ميمكنش تكلسي هنا شمس عقدات حواجبها : اش كتقول انت واش منيتك ... ميمكنش ليا نخرج من هاد الدار فهد رجع على عينو فيها : واش باغيا تجهليني كلتليك قو*دي جمعي حوايجك شمس : لا ميمكنش ليا نخرج من هنا ... لا بد نكلس واليديا يقدرو يجيو فأي لحضة (خرجات عينيها و حطات يدها على حناكها كتويل نسات نهائيا نهار واليديها غادي يجيو ) اويلي حاي هادي هي اللخرة ليا فهد خرج عينو فيها : كيفاش واليديك غادي يجيو طلعات عينيها فيه كترجف : مم ميمكنش نخرج من هاذ الدار ... واليديا غادي يجيو فاي لحضة .. ا انا منقدرش فهد حط يدو غلى راسو غيطرطق بالعصاب كيمشي و يجي حتا وقف ضار لعندها الصمعة ديالو اغلى من اي حاجة اخرى فهد : كاين حل واحد ✨الاسطورة ✨ للكاتبة✒️ Agasha Bell 💜📜البارت 29📜💜 قاطعاتو شمس كي السليعفانة : اويلي واش غادي نتزوجو فهد كمش ملامحو : شكاتقولي انتي إنا زواج ....(هضر عاض على سنانو اعصابو على سبة حاس براسو غيطير عليها بشي قجة)...تعلمى تسدي فمك شوية ( سكت شوية كيحاول يستوعب القرار لي غادي ياخدو غمض عينيه و رجع فتحهوم يشوف فيها بجدية ) كل واحد غادي ينتاحل شخصية الاخر شمس عقدات حواجبها : كيفاش فهد : انا غادي نعيش هنا و انتي فداري حتا نلقاو الحل ديال هاد الزمر ... قرب لعندها كيهضر و عينو فعينها فهد : ولكن ( على صبعو السبابة و حطو على راسها كيضغط فيه ) الى قالك هاد الراس ديري شي حاجة بلا خباري تبسم ابتسامة مستفزة على يدو كيشير لجسمو : ها هو جسمك عندي ( غمزها ) فضيحة و را ختها قلب ملامحو بحدة : تفاهمنا شمس سرطات ريقها و الخوف نوعا ما تسلل لداخلها حركات ليه راسها بالايجاب معندها حتا شي حل اخور : و و واخا مد يدو : عطيني الفون ديالك حركات ليه راسها بالايجاب و خشات يدها فالسروال جبدات الفون وعطاتو ليه ... حتا هو نفس الشيء جبد الفون ديالو و عطاه ليها بعدما كتب شي رسالة فيه فهد : هاكي اليكارد دابا غادي يجيو يديوك حركات ليه راسها بالايجاب ما عندها حتا شي حل اخر من غير هادا ... توجهات لبيتها هزات كاع الحوايج لي تحتاجهوم ... خرجات من البيت و حازمة ساكادو فالوردي ... فهد طلع عينو فيها حط صبعو السبابة غلى نواضر غيطرطق بالعصاب .... يلاه جات تنطق شمس حتا سمعات صوت الدقان .... فهد حل الباب و ضار لعند شمس خرج فيها عينو باش تحرك ... الكارد فور ما لمح شمس حنا راسو باحترام : موسيو فهد تفضل شمس شافت فالكارد كداش شكلو كيخلع باين فحال رجال المافيا قربات لعند فهد كتهضر بهمس : شكون هادا فهد غمض عينيه بعدم صبر هضر عاض على فكو و زفر نفس سخونة دليل على نفاذ صبرو : خرجي قو*دي عليا ✨الاسطورة ✨ للكاتبة ✒️ :Agasha Bell 💜📜البارت 30📜💜 شمس بعدات منو و كمشات ملامحها كتهضر بينها و بين راسها : ياااا على بنادم كي داير تمشات تابعة الكارد لي سبقها حتا خرجو من العمارة خرجات عينيها فالسيارات لي اخر مكاين حتا شافت الكارد فتح وحدة من نوع رونج فالاسود شمس شافت وراها و رجعات كتشوف فيه كتأكد بيلا كيشوف فيها ... قربات لعندو بشوية و هضرات بهمس : واش معايا اخويا الكارد مسكين بدا كيرجف سحابلو دار شي حاجة غلاط هضر كيرجف : اه اسيدي شمس بدات كتشوف منباهرة فالسيارات دخلات فالسيارة اللور كتدور عينيها بانبهار حتا تسد الباب طلعات عينيها فالعمارة دبا حياتها مبقاتش ديالها ولات ملك واحد اخور ... زفرات بضيق و طلعات عويناتها كتشوف فالسائق لي كيتسنا يقولو الوجهة ... عضات على شفتيها كتفكر : احم زيد لدار حرك ليه السائق راسو دلالة على الاحترام وديمارا ... شمس الطريق كلها و كتشوف فهاد الشي نيفو طالع بالجههد هاد شي معمرها حتا متخيلاتو دابا ها هي كتعيشو .... حتا بانو ليها خرجو من على المدينة اوا هنا بدا كيدخل ليها الخوف بدات غي كدور فعينيها و تسرط فريقها دقائق فاتو و هي غي كضور فعينيها حتا كتبان ليها فيلا كبيرة مطلة على البحر ... بداو كيقربو ليها و هي غي كتشوف ساكتة خايفة لا تحصل واخا معندها علاياش تحصل ... فور ما تفتحت البوابة الامامية حتا تحلو عينيها معاها و خرجت ديك واو بهمس ... الحديقة كبيرة يجري فيها الخيل كلها عشب و و فيها شجيرات صغار مستفين بشكل مثالي زائد نافورة كبيرة كتوسط الحديقة زايداها جمالية من نوع اخر .... وقف السيارة و تفتح ليها الباب من طرف واحد من اليكارد حاني راسو ... شمس شدها الستريس شوية ... خرجات من السيارة معنقة الساكادو ديالها و غي كدور فعينيها دورات عينيها لباب الكبير ديال الفيلا سرطات ريقها و بدات كتمشى لاتجاهو و قلبها علاين يخرج
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
