✨الاسطورة ✨

✨الاسطورة✨
للكاتبة✒️:Agasha Bell
💜📜البارت 31📜💜
فور ما خطات الخطوة الاولى داخل الفيلا حتا  دخلت حلت فمها و هادشي معمرها مشافتو فحياتها الفيلا من الداخل كلها فالابيض بتفاصيل ذهبية  الاثات كولو بطابع ملكي قديم راقي شافت فالخادمات لي واقفين تما .... عضت على شفتيها خاصها تمثل الدور على حقو و طريقو عقدات حواجبها كتعيبو بالرغم من الدقائق لي شافتو فيها للى انها قدرات تعرف كي دايرة شخصيتو .... نفخت صدرها و فتحات دراعها كتمشا فارقة رجليها فحال الرجال ... الخادمات طلعو عينيهوم فيها خرجوهوم على جهدهوم حبسو الضحكة بزز .... وقفات عليهوم شمس زادت فيها ضلعة  مغلضة صوتها : هيه انتي
طلعات فيها الخادمة عينيها و الضحكة قريبة تفلتها: نعام اموسيو
شمس هنا حصلت مجاتش تقولها فين هو البيت لي كتنعس فيه سكتت كتفكر حتا نطقت جاتها واحد القوة غي هكاك  : شا ديك الروينة لي فالبيت
الخادمة خرجت عينيها بدات كتفتف هادا كي دار عرفها : ا ا موسيو ديك البنت لي جات قبيلة كانت فبيتك و هي لي رجعاتو هكاك بالحق راحنا نضفناه
شمس فراسها : وايلي على المجعور لاخر باينة هو لي دارها
سكتات دابا شغادي تقولها عضت على شفتيها كتفكر : احم يعني انا كداب ياكي هاد شي لي بغيتي تقوليلي
الخادمة مسكينة رجليها فشلو عليها بدات كترجف و تهضر : ح حاشا اسيدي
شمس : اوى طلعي نضفيه دابا
الخمة حنات راسها و مشات جابت لي غتحتاج و رجعات لعندها
شمس : يلاه زيدي قدامي
الخادمة حركات ليها راسها بالايجاب و تمات طالعة فالدروج و شمس تبسمات ابتسامة عريضة هاهي خطتها نجحات تمات تابعاها كتنقز بالمشية العجيبة لي ختارعاتها  و دور راسها تستكشف المكان

✨الاسطورة✨
للكاتبة ✒️ : Agasha Bell
💜📜البارت 32📜💜
حتا وصلاتها فكولوار عريض و و قفات حادا باب فالابيض
شمس فهمات بيلا هادا هو بيتو نطقت كتقرب لباب : احم صافي سيري مبقيتش محتاجاك
الخادمة حنات راسها باحترام حضاتها شمس حتا مشات و ضارت لباب حلاتو ... عينيها توسعو :  وا تي شوفي  ناس فين ساكنة
البيت كان كيدير الضوبل ديال دارها ... كيتوسطو سرير كبير فالاسود دائري و بالكون عريض كيطل على البحر .... حطات ساكادو فوق السرير و كلسات متكية على ضهرها و تفكيرها كلو فهاد الشيء لي كتعيشو
اما عند سي فهد كالس على اعصابو ... شابك يديه و كيهزهز فرجليه بعصبية كيفكر فهاد الشيء لي كيوقع و لي مستحيل يمكن استوعابو .....
شمس ناضت كتدور عينيها فالبيت الكبير ... وقفات كتحاول تلاعي راسها بشي حاجة و متبقاش تفكر فهاد الشيء توجهات للبالكون و قفات حالة عينيها فالمنضر الساحر ديال البحر دقائق و تنهدات بقلة حيلة ...  رجعات لمحات باب اخر فالبيت توجهات ليه و حلاتو حلات عينيها بذهول من فخامة الحمام الملكي لي كان كولو فالابيض مع تفاصيل فاللون الذهبي فجيهة جاكوزيي كبير و فالجيهة الاخرى رشاشة ... حلات عينيها بابتسامة عريضة حلمها كان هو تجرب الجاكوزي و ها هو جا لحتا لرجليها ... عضات على شفتها قبل ما تبدا كتحيد التيشورت ... و بالصدفة دارت للمرآة حتا حلات عينيها بصدمة حالة فمها ... كتشوف انعكاس جسمها او بالاحرى جسم فهد لي كان رياضي بامتياز ... بشرة مبرونزية و صدر صلب مع ليزابدو الستة ... بقات واقفة كترمش بعينيها ... علات دراعها لي كانو عامرين عروق كدير حركات بيهوم فحال المصارعين .... تعلات ابتسامة واسعة على شفتيها كتحس براسها قوية و تقدر تغلب اي واحد ... قربات للمرآة اكثر كتدقق فملامح وجهها او بالاحرى وجه فهد عاد لاحضات تقاسيم و جهو الوسيمة شعر اسود مع اعين خليط بين اللون الازرق و الاخضر و لحية شهبة خفيفة كتزين ذقنو ...