🚫 ممنوعة من النشر الا بإدني 🚫
✨الاسطورة ✨
الكاتبة : Agasha Bell
✨ سمو غيوقع الى زوج ديال الناس تبادلو الاجساد ديالهوم و كل واحد اضطر يعيش حياة الاخر مختالفة كل الاختلاف على حياتو الطبيعية ✨
القصة تصنيفها ضمن #حب # الكوميديا # الرومانسية #المال#ال...
✨الاسطورة✨ للكاتبة ✒️ :Agasha Bell 💜📜البارت 33📜💜 شمس كتشوف فانعكاس و جهها فالمرآة و كتهضر : دابا انا مضطرة نعيش حياة شخص اخر و معارفاش حتا سميتو ضورات راسها لجاكوزي ضاروري يكون شي تفسير منطقي لهاد الشيء لي واقع و بالتأكيد غترجع لجسمها السابق و حتا قدوم داك الوقت غتحاول تستغل وقتها فهاد الحياة الفاخرة و تجرب كولشي كانت كتحاول تجربو خلات الشورط و تاجهات للجاكوزي لي كان مجهز من قبل الخادمات كيجهزوه لموسيو فهد فهاد الوقيتة حيت هادي هي الوقيتة ديال روجوعو للفيلة .... لمحات البرودويات لي باينة غالية ... هزاتهوم كولهوم خواتهوم فالجاكوزي حتا تكون جبل من الرغوة و الروائح الزكية كتعطعط منو ... تخشات فالجاكوزي لي كان دافئ بالشورط تفطحت بجسمها الضخم مسترخية على الاخر مرجعة راسها اللور مغمضة عينيها عند فهد مد يديه هز الهاتف ديال شمس حولو اصلان كان بلا كود ... طلب الاكل و سيفط ليهوم العنوان ... لاح الهاتف وناض لهاد الشقة لي مكديرش حتا النصف من جناحو ناض كيضور راسو حتا وصل للكوزينة كانت مرتبة و نقية كتشعل خرج منها ... حتا وصل للحمام البسيط حلو كيضور عينيه الزرقاء بحدة ... سد الباب و حيد التيشورت هو الاول حتا بان صدر شمس بيض كيتهزهز ... كان لابس التيشورت وحدو بلا سوتيانات و تحنا حيد الكاط و السروال و البوكسور الرجالي ... فتح الباندة ليزعجاتو من شعرو حتا نتفو... تخشا تحت الرشاشة و فتح الماء حتا خرج عينيه على جهدهوم كان الماء بارد لدرجة كبيرة سد الصنبور كيقفقف بداك الجسم الهزيل هز فوطة فالوردي كانت معلقة تما لواها كلها على جسمو و توجه لصالة و شعرو كيقطر ... هز الفون ديالو ديالو و البرررد غيقتلو ... صونا على شمس و لكن مكانتش كتجاوب رجع صونا عليها و القرودة كيشطحو فوق راسو زير على قبضة يدو بعصبية هاد الحالة لي فيها حاليا معجباتوش نهائيا ... اوا عند لالة شمس خرجات بشوية عليها من الجاكوزي الفاخر مدورة على جسمها فوطة بيضاء و على راسها ايضا ... كتمشي فارقة رجليها باش المعلم ميقيصش فخاذها بعد ما حيدات الشورط و البوكسور بمعاناة .... وقفات فوسط الجناح كضور فراسها كتبحث على الخزانة حتا لمحات باب فالاسود توجهات ليه و حلاتو سبقات راسها هو الاول حتا حلات فمها بيت كامل عامر غير بالملابس الفاخرة و من ماركات عالمية ... دخلات كتضور راسها بذهول فارقة رجليها كتمشى فحال البطاريق ... وقفات حدا الجيهة ديال الملابس المنزلية خدات تيشورت ابيض مع سروال توني لالاسود و تمشات حدا جيهة البوكسورات خدات بوكسور بعشوائية و دخلات لبلاصة فالقنت فيها ستائر فالابيض فهمات انه تما خاصها تبدل ... دقائق كانت خارجة من ديك الغرفة الفاخرة الخاصة بالملابس ... حتا سمعات صوت رنين الهاتف دورات راسها لسرير لفين كان محطوط حتا قرات تما سمية فهد عقدات حواجبها فشكون هاد فهد ... هزات باستغراب و فتحات الخط حاطاه على ودنها حتا هضر صوت انثوي رقيق و بعصبية
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
