✨الاسطورة ✨

✨الاسطورة✨
للكاتبة ✒️ :Agasha Bell
💜📜البارت 36📜💜
الخادمات كولهوم حناو راسهوم الى وحدة فيهوم لي طلعات راسها من الواضح انها هي رئيسة الخدم كانت امرءة كبيرة شوي فالعمر و حتا هي لابسة لباس رسمي و لكن مبدل على الخادمات العاديات
وقفات على شمس منزلة راسها باحترام  : نعام اسيدي
شمس نسات راسها و بدات كتهضر مطلوقة : اختي الله يحفضك الى ما قوليلي واش هاد شي خضر
رئيسة الخدم طلعات راسها فوجه شمس و رجعات نزلاتو مصدومة من طريقة هضرتها : لا اسيدي طيبناه كي كل مرة
شمس فدوك الاطباق  و رجعات شافت فيها : اختي الله يخليك الى ما عطيني ما نحنجر راه حلقي يبس بهاد المداق
رئيسة الخدم : واخا اسيدي .... واش كاين شي طبق معين باغيه
شمس عقدات حواجبها مصغرة عينيها كتفكر : هو الحقيقة مكرهتش شي طاجين خفيف
رئسية الخدم  حنات راسها و رجعات ادراجها و هي مدهشرة اولا من طريقة هضرت موسيو فهد و ثانيا هي اكثر وحدة عارفة ان موسيو فهد عندو نضام حمية قاصي و مستحيل ياكل شي حاجة دهنية

✨الاسطورة✨
للكاتبة ✒️ :Agasha Bell
💜📜البارت 37📜💜
اما عند فهد لي خرج من الحمام كيقفقف ضام راسو بيديه و كيتمشى بخطوات سريعة لاتجاه غرفة النوم سد الباب و توجه لخزانة تما حلها حتا كيتفاجئ بالملابس ها الوردية ها الحمرة و زائد مرسوم فيها رسومات طفولية .... عقد حواجبو من المستحيل يلبس هاد الشيء .... عنادو كان اكبر من انه يتنازل و يلبس ملابس نسائية ... تلاح فوق السرير و تخشا تحت المانطة و سنانو  كيتقرقبو و كيطلع يديه كينفخ فيهوم باش يدفيهوم .... كلس تما كيتسنط لعضامو حتا سمع صوت جرس الباب .... عقد حواجبو و ناض قافز ... هز المانطة و لواها على جسمو الهزيل العاري ... بقا كيبان و جهو فقط ... و ناض على سعد و و عدو و الغوباشة مامفارقاش وجهو ... فتح نص الباب كيطل على شكون لي كيدق ... حتا لمح عامل التوصيل  .... رجع سد الباب  مخلي داك العامل كيشوف فالباب لي تسد فوجهو باستغراب و توجه للحمام هز الفلوس  من محفضتو .... ورجع ادراجو كيتمشى على صباع رجليه ... رجع حل الباب حلو هاد المرة كامل و طلع راسو فداك عامل التوصيل لي كيشوف فيه بنضرات غير مفهومة ... رفع فهد فيه حاجب و هضر كيشوف فيه بحدة ....