💕أنت قلبي٢💕

الحلقة ١٢١

#أنت_قلبي٢
#بوسي_مصطفى
______________
الحلقة ١٢١ على الواتباد

في إيطاليا..
آسر بعد ما اخد شاور و خارج بيجفف شعره.
سهر : في حاجه تانية هتحطها في الشنطة دي يا آسر؟
آسر : اخدتي كل حاجه من الادراج؟
سهر : ايوه.
آسر : في شنطة صغيرة عندك هنا حطيها في الشنطة الكبيرة دي.
سهر : اه نسيتها.
مش مفروض نتصل و نعرف الولاد إننا جايين الليلة؟
آسر : لا خليها مفاجأة.
سهر : خلاص زي ما تحب.
آسر : مش هتلبسي؟
سهر : اه هلبس اهوه.
آسر : مالك يا حبيبتي؟
سهر : مش عارفه قلبي مقبوض.
آسر : هههههههههههه لسه بتخافي من السفر..
سهر : لأ بس قلقانه على الولاد.
آسر : من ايه بس أنا كلمتهم الصبح و كلهم كويسين اطمني
و يلا بقى علشان نلحق وقتنا كده بدري و لا ايه؟
سهر : حاضر يا حبيبي.
____________

في فيلا آسر...في غرفة البنات.
هايدي : ليه امال راحوا فين؟
ملك : مليكة خرجت راحت عند حماها و علي و مجدي في الجيم بتاعهم.
هايدي : و سيبينك كده لوحدك؟
ملك : لأ ما هو أنا كنت نايمه و مليكة مش هتتأخر.
هايدي : جوزها مش موجود هنا؟
ملك : لأ.
هايدي : تلاقيه طفشان منها أصلها متطاقش زي أمها.
ملك : ليه كده بس يا مامي؟!
هايدي : اعمليلي فنجان قهوة يا ملك.
ملك : حاضر.
نزلت ملك تحت و هايدي عينها بتدور في الغرفة قربت من المرايا و بتستخدم الميكب.
فتحت الدولاب و بتتفرج على لبس ملك و بابتسامة : فكرتيني بنفسي يا ملك بس أنا لسه صغيرة برضو... ايه ده؟
و اخدت علبة المجوهرات..
هايدي : حلو الطقم دا.
و بتلبسه و رجعت تشوف نفسها في المرايا : يجنن..
و بعدها تفكر شوية و تجري تاخد شنطتها و تخلع المجوهرات و تحطها في الشنطة و ترجع علبة المجوهرات مكانها.
ملك تخبط و تدخل بالقهوة.
هايدي : تسلم ايدك يا حبيبتي أصل دماغي خلاص مش قادرة.
و تخرج سيجارة و تولعها.
ملك : مامي فكري تبطلي السجاير دي علشان صحتك.
هايدي : بفكر بس الموضوع مش سهل زي ما انتي متخيله.
ملك : واحدة واحدة هتبطليها..
هايدي : هشرب القهوة و انزل على طول.
ملك : خليكي قاعدة شويه.
هايدي : مش عايزة مليكة تيجي تلاقيني هنا علشان متعملكيش مشكلة.
ملك : و لا مشكلة و لا حاجه.
هايدي : ليه مش هتقول لباباها و مامتها لما يرجعوا و لا لما يرجعوا ليه دي ممكن تكلمهم تقولهم
هو باباكي فاكر نفسه لسه صغير رايح يقضي شهر العسل و سايبكو لوحدكو!
ملك : هنخاف من ايه بس يا مامي و بعدين هما سايبين معانا رجاله برضو.
هايدي : هو راجل واحد بس التاني دا ميتحسبش من الرجاله.
ملك : مش فاهمه!
هايدي : الواد اللي اسمه مجدي دا مبينزليش من زور شبه أمه دمه تقيل و سمج بشكل
أنا ماشيه بقى هتحتاجي حاجه؟
ملك بحزن من طريقة كلام مامتها على أخواتها : لأ.
هايدي : طيب سلام.
ملك : مع السلامة.
_______________

في شقة كمال و نادين..
رجع كمال من بره غير هدومه و حاول ينام معرفش بيتقلب و شعر بملل و عينه بتدور في الغرفة قام يشرب مياه و رجع تاني علشان ينام جرس الباب يرن يقوم يشوف مين..
مليكة ببتسامة : أنا جيييت.
كمال ببتسامة : نورتي يا مليكة ازيك يا بنتي؟
مليكة : الحمد لله
و حضرتك اخبارك ايه يا عمو.
كمال : أنا كويس ادخلي.
مليكة بتدخل : كنت قاعدة زهقانه قولت اخرج افُك عن نفسي شوية قعدت افكر اروح فين اروح فين؟؟
لاقيت رجلي جايبني لحد هنا.
كمال ببتسامة : يا ألف خطوة عزيزة جيتي في وقتك.
مليكة : هو مفيش حد هنا و لا ايه؟
كمال : لأ ما هو فيروز رجعت بيتها.
مليكة : اه ما أنا عرفت.
كمال : أنا كمان كنت قاعد زهقان
جاتلي فكرة إني اعمل حاجه حلوة تيجي معايا المطبخ تساعديني؟
مليكة : اجي طبعاً.
كمال ببتسامة : طب تعالي ورايا.
مليكة ببتسامة : يلا بينا.
_____________
في شقة مجدي..في غرفة البنات.
قسمت تمسك ايد رقيه : ايه هتعملي ايه؟
رقيه : اه نسيت.
قسمت : كنتي عايزة تزغرطي يا رقيه؟!
رقيه : يا أختي بقولك نسيت
ههههههههههههه
بس سيبك انتي الطقم دا حكاية
واضح إنه غالي جدا متسلفيني الخاتم اخده لفه.
قسمت : لا يا حبيبتي دا مبيتسلفش
   حاجتي تقريبًا كلها بقيت عندك و مبقتيش تخرجيها
من دولابك و لا أعرف عنها حاجه.
رقيه : هههههههههههه
مش أنا اختك حبيبتك.
قسمت : قولت لأ.
رقيه : طب اتفضلي اطلعي لخطيبك جايه هنا ليه؟
قسمت : بصراحه مكسوفه قوي من اللمه اللي بره.
رقيه ' لا متتكسفيش خدي نفس كده و خرجيه و بعدين خطوتين لقدام بكل ثقه و بس كده هتبقي تمام هتلاقي نفسك اندمجتي بسرعه
ههههههههههههه
الصبح مامت حاتم قابلت مامي تحت بتسأل هو صحيح خطوبة قسمت الليلة؟
قسمت : مامي قالتلها ايه؟
داليا : عزمتها على الخطوبة
ههههههههههههه
قسمت : انتي بتضحكي على ايه؟
رقيه : أصل بفتكر زمان و لا بلاش.
قسمت : تعرفي إنك رغايه وسعي كده.
رقيه : أنا برضو؟! طب اتفضلي اخرجي بقى.