💕أنت قلبي٢💕

الحلقة ١٢٢

#أنت_قلبي٢
#بوسي_مصطفى
_______________
الحلقة ١٢٢

في شقة مجدي..
رُقية : ما تنامي بقى يا قسمت!
قسمت : يا سلام ما أنا حُره أنام وقت ما أنا عايزة.
رُقية : انتي هتفضلي تحبي في الدهب اللي في إيدك دا كتير؟!
قسمت : دا أجمل هدية جاتلي في حياتي.
رُقية : عقبالي.
قسمت : هههههههههههه
رُقية : الحب حلو صح؟
يعني إنك تلاقي حد يحبك و قلبه يكون عليكي بيهتم بيكي و إن غيبتي في يوم يتصل يكلمك يطمن عليكي و لو تعبتي يكون جنبك و لو حاجه ضايقتك يقدر يحتويكي و ينسيكي كل همومك
دي حاجه جميلة صح؟
قسمت : أكيد.
رُقية : بس الخوف من إن بعد كل الحب دا ميتحققش الحلم الجميل دا و تلاقي بعد الجواز حد تاني عكس كل حاجه كان نفسك تعشيها معاه علشان كده أنا خايفه.
قسمت : عندك حق بس زي ما الواحد بيحب ياخد لازم كمان يدي.
رُقية : فيه كتير ضحوا مع اللي بيحبوهم و عملوا كل دا و تقابل ده بنكران و خيانة و غدر.
قسمت : انتي بتقوليلي الكلام دا ليه في ليلة زي دي يا شيخه سبيني بقى أفرح شويه و بعدين فيه حاجات بتبان في فترة الخطوبة علشان كده لازم ناخد بالنا و بعدين هما مين الغدارين الخاينين دول اوعي تكوني بتتكلمي عن تجربة شخصية؟!
رُقية : انتي فكرتي إني بتكلم على خطيبك؟
لأ أنا بتكلم بشكل عام يعني لو الحلم الجميل دا متحققش ياترى البنت تعمل ايه وقتها؟
قسمت : هو اختيار صعب جداً بس أكيد بعد كل دا مفروض تخرجه من قلبها لإنه لو بيحبها كان عمل كل اللي قولتي عليه ده و برضه مش فاهمه ليه بتقوليلي الكلام ده؟!
رُقية : علشان كده لازم الواحد يختار صح و ميتسرعش علشان حل المشكلة بيكون صعب خصوصًا على البنت.
قسمت : يييييه دا انتي فصيله يا شيخه خرجتيني من المود الحلو اللي كنت عايشه فيه اتخمدي يا رُقية.
رُقية : ادعيلي الاقي الإنسان اللي يحبني بجد.
قسمت : حاضر هدعيلك بس يجي البيت من بابه مش تلاقيه في الشارع أكيد فاهمه.
رُقية : ما هو مش هيحبني غير واحد يحترمني و يحترم أهلي و أكيد هيبقى عارف طريق الوصول ليه و هيجي يخبط على باب بيتنا يقابل بابي.
قسمت : شاطرة نامي بقى.
رُقية بتنهيده : تصبحي على خير.
____________

في فيلا كريم...
فريدة : بجد كانت ليلة جميلة و الكل كان مبسوط تسلم افكارك يا حبيبي.
كريم : أهم حاجه تكوني اتبسطي يا حبييتي.
فريدة : هو بالرغم إننا مكناش يعني لوحدنا بس قضينا وقت جميل وسط العيله و الناس و أهم حاجه بقى إن العرسان كانوا مبسوطين.
كريم : سيبك من كل دا أهم حاجه تتبسطي انتي يا فراولة.
فريدة : هههههههههههه
أنا مبسوطه طول ما أنت معايا و جنبي يا حبيبي.
كريم : شويه كده و شويه كده يا فراولة.
فريدة : فاهمه فاهمه متخرجنيش من المود الحلو ده سيبني فرحانه شويه.
كريم يحتضنها : ما تيجي ننام علشان تعبان قوي.
فريدة : حاضر يا حبيبي تشرب قهوة؟
كريم : لأ مش قادر اسهر أكتر من كده أنا هناااام.
فريدة ببتسامة : طب يلا بينا.
و بعدها قامت بسرعة.
كريم : ايه رايحه فين؟
فريدة : هشقر على الولاد و اجي على طول.
كريم : اوك.. تصبحي على خير.
______________