💕أنت قلبي٢💕

الحلقة ١٢٤

#أنت_قلبي٢
#بوسي_مصطفى
_____________
الحلقة ١٢٤
في شقة سيف..
سيف و هو متعصب : مليكة !
مليكة : فيه ايه يا سيف أنا عملت حاجه؟!
سيف : يا حبيبتي مش عارف أنام عماله تتقبلي و تخبطي كوعك في رقبتي أول مرة قولت يمكن مأخدتش بالها لكن اربع مرات متاخديش بالك ليه؟
مليكة : مش عارفه أنام.
سيف : اخرجي شغلي التليفزيون لو مش جايلك نوم.
مليكة : حبيبي ممكن أسألك سؤال؟
سيف بتنهيده و وضع الوسادة على دماغه : اتفضلي.
مليكة : هتسمعني كده؟
سيف و هو متعصب : ايوه.
مليكة : لا ما هو كده مش هعرف أكلمك.
سيف : مليكة أنا جاي من سفر و بقالي يومين منمتش و عندي شغل الصبح فنجزي بقى.
مليكة : حبيبي.
سيف بتنهيده : نعم يا روحي.
مليكة و قربت منه : هو ممكن واحد يبطل يحب واحدة لو حصل حاجه هي ملهاش ذنب فيها.
سيف : مش فاهم!
مليكة : طب شيل البتاعه اللي فوق دماغك دي علشان تفهمني
أقصد يعني لو اتنين بيحبوا بعض و حصل حاجه تخص واحد فيهم بس ملوش ذنب خالص في الحوار دا له حق يزعل من اللي بيحبه و كمان ممكن يتخلى عنه؟
سيف : شوفي أنا مش مطمنلك قوليلي بتتكلمي عن مين علشان اجاوبك.
مليكة : متخافش مش احنا يا حبيبي.
سيف : امال مين؟
مليكة سكتت.
سيف : خلاص مش عايز أعرف.
مليكة : طب جاوب.
سيف : اللي بيحب حد مبيتخلاش عنه بسهولة كده
و لو حصل حاجه أو سمع حاجه من حد لازم يرجع لصاحب الشأن و يسأله و يتأكد دا لو الموضوع يخص الشخص دا و هيأثر على علاقته بيه أما لو موضوع مش مهم قوي ملوش لزوم يعني لكل الحوار دا
و ياريت ننام علشان مترفدش تصبحي على خير.
مليكة مردتش..
سيف : بقول تصبحي على خير.
مليكة : و أنت من أهله.
سيف : انتي غريبه الليلة معرفش مالك هي ملك اختك كويسه؟
مليكة : لأ.
سيف : ايه؟؟
مليكة : خلاص يا سيف مش مهم
بلاش طريقتك دي.
سيف : هو أنا عملت حاجه؟
كل ما فيها إني حاسس إنها مضايقه شويه فحبيت أطمن.
مليكة قربت و نامت في حضنه.
سيف ببتسامة : يعني لو عملتي كده من الأول بدل القلق اللي عملاه ده كان حصل ايه؟
مليكة : و لا أي حاجه تصبح على خير بقى.
سيف ينظر لها بدهشه : انتي بتستهبلي؟!
مليكة : ليه بس انا عملت ايه؟
ههههههههههههه
سيف : أنا بقول إنك بتستهبلي!
مليكة : هههههههههههه
نام يا حبيبي عندك شغل الصبح
اه نسيت أقولك نادين حامل.
سيف : طب و أنا مالي!
مليكة : يعني قولت يمكن الموضوع  يهمك.
سيف يمسك ايدها : تعالي هنا رايحه فين؟
مليكة : هروح أشرب و جايه
ههههههههههههه
سيف : طب ما تتأخريش.
مليكة : حاضر.
______________
في شقة فوزية...
هايدي نايمه في غرفة فوزية
يجي جوزها من بره.
ناصر (زوج فوزية) : فوزية فوزية انتي لسه نايمه و لا ايه؟
عديت على المطعم ملقتكيش
راحت فين دي؟
مش معقول نايمه لحد دلوقت!
يوقف عند باب الغرفة يلمح رجل خارجه من تحت البطانية
يبتسم و لسه بيقرب منها تدور وشها ناحيته علشان يشوف واحدة تانية غير مراته.
ناصر بدهشه : مين دي؟
و يرجع تاني عند باب الغرفة و يخبط : انتي يا ست يا اللي جوه انتي مين و ايه اللي دخلك هنا؟
هايدي تقوم و تفتح عيونها و بعدها تصرخ و هي بتغطي نفسها.
ناصر : اهدي يا ست انتي هو أنا جيت جنبك؟
هايدي : أنت مين أنت يا
حيـوا... ن أنت و ايه اللي دخلك هنا؟
ناصر : أما انتي ست قليلة الأدب صحيح يعني قاعدة في بيتي و نايمه في فرشتي و كمان بتطولي لسانك عليا!
هايدي : صاحب البيت؟!