المي وملاذي

البارت الثاني والخمسون 52(ج2)

السلام عليكم 🌺🤍
★#ألــــمـــي_ومــــلاذي★
★البارت الثاني والخمسون 52(ج2)★
الكاتبة اساور حسين★

عَـريان السيـد خلف يگـول :

بَعـد لَـ تَضـن
تَحـايلنـي آلمَـوده
وليَـك رَوحـي تَحـن
بَـعـد لَـ تَضـن . . 🤎

♡♡♡♡♡♡♡♡♡♡♡♡♡♡♡♡♡♡♡♡♡♡
سند ...

سند:-عوفها تعودت دائما اني المذنب اني الاذيتهم اني الخطأ
وهمه الصح ..اذا همه اهلللي اهللللييي ماابيهم خيرر الي
اترجه منهاا الخير ..

خلوهاا وتأڪدي بس اطلع من الشده الاني بيهاا وجهي مااخليج اشووفي اخلصج مني حتى اذا تريدين طلاڪ اني بالخدمه ..

عفتها وفتت اخذت غراضي وطلعت ويا الضابط ..

سند:-ڪملت نروح ..!!

لزمني شرطي دخلت بالسياره عمي لحڪني بسيارته ..
وصلنا للمرڪز نزلت شلت تلفوني قبل لااسلمه ڪتلهم ..

سند:-اريد اخابر اهلي بلازحمه لان ميعرفون.

الضابط:- ماشيي بس بسرعه ..

دڪيت رقم بشير شويه ورد عليه:-الو بشير.

بشير:-اسمعڪ سند ڪول ..

سند:-اني بالتوقيف عليه امر قبض ..

صاح بفزع :-تشااقه لو تحجي صددڪ لڪ سند شمسووي
الخااطر الامه العربيه ..

سند:-مااڪدر احجي هواي واشرح راح اسد التلفون
اذا تريدون تعالو واذا متڪدرون جدا عاادي .

سديت التلفون سلمته ودخلوني الغرفة الضابط ضليت ڪاعد
ڪل شويه يجي واحد بيده ورقه ويسألوني عن معلومات عني ويرحون.

نص ساعه وسمعت صوت اخوتي وصوت ابويه حتى متجي من ڪل ڪلبي وماتنطق احس هل ڪلمه ثڪيله.

طلبو يقابلوني رفضو. شويه وفات ضابط التحقيق ڪعد ڪبالي رفعت عيونه اريد اشوف رد فعله واقرأ تحرڪاته

الضابط:-السلام عليڪم ..

سند:-وعليڪم السلام ورحمة الله وبرڪاته.

رفع تڪ حاجبه بمعنى هاي شنو ابتسمت ورديت. .

هاا مشايف احد يرد السلام ڪامل ..

الضابط:-شمدريڪ تفاجئت من ردڪ.

سند:-تڪدر تڪول قريت تحرڪاتڪ ..

رد بضحڪه :-امممممم نرجع الموضوعنه لا تلوفه ودخلنه
بمواضيع ..

السؤال الاول :-شنو نسية قرابتڪ بالمدعي عليڪ حامد جاسم ..

سند:-ميقربني بس يقرب الزوجني ابن عمهاا ..

السؤال الثاني:-هل ڪلام المدعي صحيح انت تسببتله
بڪسر الاسنان العلويه وڪسر الساق ورج بالدماغ.