من يومها وما شفته ابد لا صدفة جمعتنا بعد ولا بالحلم مر بية.🕊🤍
ıllıllı.ıllıllı.
فـتحت عيوني بكسل وكـمت من جربايتي وآني اسحل بنفـسي طلعت من غرفتي امي بالمطبخ كالعادة تسوي ريوك وتصيح ع اخواني حتى يكعدون
:مـاما انور اكعد وراك دوام
اتجهت للمطبخ وآني اصبح عليهه
:ماما صباح الخير التفـتت عليه وباوعتلي بنضرات عدم رضى
آنتي دائما شالعه كلبي لج من الساعه خمسه كتلج كعدي صلي وانتي هسه شرفتي
: ماما والله اخذتني النومه
: اخذتج النومه وصلاة رب العالمين
طلعت من يمهـه لان ادري ما راح تعوفني بحالي رحت بدلت لان تأخرت ع دوام شفت صدريتي مشكوك شوي من صفحتهه اضطريت اخيطهه وتأخرت بالزايد لبست واخذت قمصلتي الجديدة الي كلش فرحانه بيهه توكلت ع الله وطلعت وآني اردد بهمس سبحان الله والحمدلله ولا اله الا الله امي عودتني كل ما اطلع الصبح ارددهن جان الشارع فارغ وهدوء والجو بارد لدرجه متنوصف دكيتهه مشي المدرستي وكالعاده اول ما دخلت لزمتني ست خوله علمود تشوفني خاف مخالفه بزي بشي وطبعا ما خلتني اروح الصفي الا لمن مسحت وجهي دخلت للصف واشوف حوراء كاعده والابتسامه شاكه حلكهه يربي والله فطيرة اجتي تركض عليه يگلك اني جايتهه من الحج
: ها ولج وين صرتي انداريت عليهه وحجيت
: ولج غير اليوم راح ينشك حلكي
انخطف لونهه
:ليش شبيج ولج !
باوعت عليهه بضجر :لان يومي من بدايته جان بصدريتي الي انشكت وبرزالة امي وبعدين بـ ست خوله الغثه
حچت وهيه تباوع منا ومنا
: اووف منج عبالي هم رجعتي تعاركتي ويه عمتي باوعتلهه وحچيت بضحكه :ولج هيه عمتج من تتعارك وياي شوكت تخليني ادوام صاحيه الا تكسر راسي الا تخليني اطلع من يمهه دك الجرس وعرفنه راح تجي ام الرياضيات الي تبقى تشرح وتثرد حجي كالت امشي نكعد لا تجي وترزلنه اتجهت الرحلتي واني اباوع على نور الي تغيرت عليه فجأة مع العلم المدرسة كلهه چانت تعرف انو ماكو وحدة قريبة عليه بگد نور بس فجأة وبدون مقدمات قررت تبتعد عني واني عندي قانون واحد بحياتي لو امي تقرر تعوفني ما اگلهه ليش وشلون صحيت من صفنتي على حوراء وهيه تگرصني بأيدي حيل وحچت : ولچ شوفي السچاچات شلون يقرن من وراهن راح يشكل عندي ضغط لان مبين الأمتحان اليوم صعب
باوعتلهه بعدم رضا وحچيت : انچبي حوري خطية خليهم يقرون بعدين هذه مستقبلهم خلي يقرون لان احنه عدنه البنية بالعراق بدون شهادة لا شيء الله وكيلچ العباس كفيلچ
حچت وهيه تحركلي بحواجبهه : تزوج عيوني شبي الزواج يعض مثلاً
رديت عليهه بدون ما اباوعلهه: حويرة لا تجيبين طاري الزواج گدامي ترة تفور روحي
باوعتلي وهيه فاحطة ضحك الفطيرة... للحكاية بقية
- بينة فحسب
