💕أنت قلبي٢💕

الحلقة ١٢٥

#أنت_قلبي٢
#بوسي_مصطفى
_____________

الحلقة ١٢٥

كريم : حضرتك بتهرجي بقى
فاعلة خير ايه إذا انتي مصدقتيش في كلمة قولتيها.
المتصل : أنا بعتذر لحضرتك إني عطيتك ميعاد علشان اكلمك تاني و اتفق معاك إننا نتقابل و تاخد الأمانة اللي عندي بس حصلت ظروف خارجه عن اردتي بس المرادي مش هيحصل حاجه متقلقش.
فريدة بتحاول تسكت ولادها علشان ميشوشروش على باباهم و هو بيتكلم فقام كريم يتكلم بعيد.
كريم : ايوه المكان دا هيكون فين؟
المتصل : أي مكان حضرتك تحدده علشان بس تكون مطمن.
كريم : المستشفى عندي.
المتصل : اوك.. امتى؟
المتصل : ياريت في أقرب فرصه.
كريم : أنا بعد بكره هنزل القاهرة ممكن نتقابل على الساعة خمسة كده.
كريم : تمام و أنا منتظرك
هتوصلي لحد المستشفى لو مش عارفه العنوان ممكن تكتبي عندك.
المتصل : لا أعرفه طبعًا.
كريم : تمام.. هتوصلي المستشفى و هتسألي السكيورتي على مكتب الدكتور كريم هيوصلوكي لحد هناك بس متنسيش تسيبي بطاقتك تحت قبل ما تطلعي.
المتصل : اوك و لو إنك كده بتشك فيه بس حقك برضه.
كريم : الحاجه اللي قولتي عليها تكون كاملة خدي بالك الكاميرات في كل مكان في المستشفى.
المتصل : ليه بتقولي الكلام دا.
كريم : علشان تاخدي بالك كويس و تعملي حسابك قبل ما تفكري كده و لا كده.
المتصل : الأمور ابسط من كده يا دكتور و حضرتك لما تشوفني و تتكلم معايا هتعرف إنك كنت مكبر الموضوع قوي أنا ميهمنيش غير إن المجرمين ياخدوا جزاءهم.
كريم : خلاص يبقى متفقين هنتظرك الساعة خمسه مساءً بعد بكره في مكتبي.
المتصل : اوك سلام.
يقفل كريم مع فاعلة الخير.

فريدة : ها يا كريم هي اللي كانت بتكلمك؟
كريم : ايوه هي هتيجي بعد بكره المستشفى و معاها الحاجه اللي قالت عليها.
فريدة : مأمن نفسك كويس؟
كريم : متقلقيش عامل حسابي لكل حاجه.
فريدة : مش عارفه قلبي مقبوض ليه؟
كريم : متخافيش هتعدي بسلام و نخلص منهم و نستريح بقى.
فريدة : ياااه يا كريم لو دا حصل متعرفش هستريح فعلًا قد ايه.
كريم : كلنا هستريح يا حبييتي
تعالي نكمل أكل بقى هدخل اغسل ايدي.
فريدة : محمد غسلت ايدك بعد ما جيبت التليفون لبابي؟
محمد : ايوه.
فريدة : طيب يا حبيبي كمل أكلك تعالي هنا يا جميلة رايحه عند زين ليه؟
زين : عماله تلعب في الطبق بتاعي و توقع الأكل.
فريدة : تعالي هنا أنا هأكلك قاعدة كده ازاي؟
محمد : هههههههههههه
أصلها مش طايله الأكل فقعدت فوق السفرة.
______________

في معمل سيف.
مليكة : هات دي بقى.
سيف : هتعملي ايه بالرول ده؟!
مليكة : هدهن الحيطه دي يا حبيبي.
سيف : تدهني ايه بس يا حبيبتي هو انتي بتعرفي حاجه في شغل النقاشه ده؟!
مليكة : لأ بس هجرب.
سيف : و ملقتيش غير المعمل بتاعي تجربي فيه اوعي بقى هاتي ده.
مليكة : كده! خلاص مخصماك.
سيف : ايوه خاصميني احسن ما تبوظيلي المعمل أنا مش ناقص.
مليكة : ايه رأيك لما يبقى دا مكتبك؟
سيف : لأ أنا اخترت الاوضة دي.
مليكة : اممم يعني مفيش حاجه بختارها بتعجبك؟!
سيف : لا يا حبيبتي مين قال كده بس؟!
ههههههههههههه
اقعدي بس هنا و استريحي هطلبلك عصير فريش ينعنشك.
مليكة : لأ مش عايزة.
سيف : طب ايه رأيك اطلبلك بسبوسه زي بتاعت بابا؟
مليكة : لأ البسبوسه اللي أكلتها عند عمو متأكدة إن مفيش زيها.
سيف : خلاص اطلبها من عند بابا
ههههههههههههه